港人必玩之作 ～ Stranglehold（槍神）

marcolau

發哥依排真係搶盡風頭，行版發售日原本為8月29日，但唔知咩原因遲左成半個月。
搞到D玩家發晒脾氣，又話唔買又剩。
講真遲出好過唔出，隻GAME本身唔係特別做得好，亦唔係咩大作，只係主角係發哥而已。
而且大部分埸地都係香港，仲要加埋D中文配音(只限嘍囉)，
早前試玩已經令不少玩家笑爆咀，好似「頂，打中大脾tim」，「死差佬」等等。
而正式版就更抵死，打到大澳時，d路已經難搵，仲要聽到，「唔識路牙」，「x街，搵到你喇」...
真係冇明火起....^^(其實隻game本身唔應該野笑)
最過引莫過於使用「特技」，尤其係用描準果招，射唔同地方有唔唔反應。
十個有十個都一定會射"袋".....嘍囉中槍表情真係十足。我喜歡射袋邊，因為佢會痛好耐先死....^^



遊戲本身，使用Unreal 3.0 引擎與 Havok 物理系統開發，已經係冇可再強。
基本上，見得到嘅所有物件都打得爛，依個亦係買點之一。
有人話d畫面唔夠靚，但另一方面睇，要全畫面所有野都打得爛，仲要有咁細緻嘅面相，已經交足貨喇。
發哥個樣似足七成，而且亦係發哥配音，實在興奮。
其實好多game配音(廣東話)都好求其，好似之前PS2嘅義氣(李連杰)，D配音完全唔專業，
而依隻就用大家聽慣聽熟嘅本地配音員配音，即使爆笑，但仍然專業。
在遊戲中，有不少吳宇森式鏡頭出現，因此整個遊戲都可以講係活在吳宇森嘅電影世界中。
故事交代係最令我意外，因為本作竟出現動作遊戲少有嘅感情線，監製吳宇森確實將電影化成遊戲了。
不過最大問題係操作.....MIDWAY出品嘅遊戲一向都有同樣問題，
之前我玩過同廠嘅兩個作品，內容相當好，只係操作難掌握，需要適應一段時間先可以隨心所欲.....
而且自由度亦唔高，有少少覺得係為表現電影感而強制性的動作......
而且遊戲本身難度有翻咁上下，所以唔可以死衡呀。

依隻GAME並唔係一隻好出色嘅作品，但身為香港人，代入感絕對蓋過本身嘅缺點。
所以絕對係今期必玩之作，我已經爆左兩次喇，不過係唔同level。

尋日，我家中黎左幾個女仔，我諗住表現吓「射袋」得佢地笑吓，
點知我做左幾個"吳宇森動作"，佢地已經嘩聲四起，可想而知此作嘅吸引力何只發哥咁簡單...^^
因為佢全名係「John Woo presents Stranglehold」

補充一點，佢5.1做得唔係咁好，唔可以箊聲音知道敵人位置...可惜。
好似DEAD RISING咁，完全可以聽到蜜蜂嘅位置先叫活用5.1.....

發哥有幾成似就見仁見智，但本身面部表情十足....^^


吳宇森在故事中亦有登場，而有d角色亦熟口熟面，相信係因為版權問題而已。
如果Online Play要用到吳生的話要花$2000大元。
不過我今日買左喇.....(打得好辛苦先夠錢咋)^^;


吳宇森式明場面唔會未見過掛.....


最強「特技」，亦係吳宇森式明場面，無論邊廄用都一定有白鴿.....^^;
注意，殺戮後身上會有血跡，相當細緻......


Online Play 比想像中好玩，包笑死香港人。


外國人眼中嘅香港點解一定係咁樣嘅，仲仍然停留在五六十年代。
覺唔覺得好似多年前DC大作「沙木」呢。


隻game真係冇咩打唔爛，鐵皮屋一樣照拆。


[ 本帖最後由 marcolau 於 2007-9-17 22:42 編輯 ]

大佬John

有女上黎做咩唔叫埋我, 我鄙視你..
我都要用XO live溝女..
幾錢呀?

Simonhrc

我剛剛打完四隻船放Bomb 個版....不過我發現有D野唔知係咪bug 定係我部機題
跟住過場畫面一出我就按start 制...即時個畫面冇晒野只得返發哥係到.... 再按多一次竟然個畫面又去返之前個四隻船個版到...最後要exit 再load 過先過到第二版.....

lkljason

信和睇過demo好似幾正！

marcolau

原帖由 Simonhrc 於 2007-9-17 16:13 發表
我剛剛打完四隻船放Bomb 個版....不過我發現有D野唔知係咪bug 定係我部機題
跟住過場畫面一出我就按start 制...即時個畫面冇晒野只得返發哥係到.... 再按多一次竟然個畫面又去返之前個四隻船個版到...最後要exit 再l ...

bug啦，部機有時就直頭冇得玩......^^

marcolau

原帖由 大佬John 於 2007-9-17 09:20 發表
有女上黎做咩唔叫埋我, 我鄙視你..
我都要用XO live溝女..
幾錢呀?

溝女.....xbox live好少女玩架，我屋企先有....:lol :lol

marcolau

原帖由 lkljason 於 2007-9-17 16:18 發表
信和睇過demo好似幾正！

D畫面叫交足功課喇.....^^

DVD迷

呢隻我非常有興趣,只怪現在冇錢買住,等遲d先買.:Q

marcolau

原帖由 DVD迷 於 2007-9-17 20:45 發表
呢隻我非常有興趣,只怪現在冇錢買住,等遲d先買.:Q

遲D買我諗冇人 ONLINE 玩喇........:o :o

DVD迷

原帖由 marcolau 於 2007-9-17 21:05 發表

遲D買我諗冇人 ONLINE 玩喇........:o :o

有所謂啦,返正我又唔急玩,二來到時仲平...:lol :lol