《赤誠者 Allegiant》一次生，兩次熟，三次就大結局

jc2ssych

少量劇透，慎入！



(Thursday)

睇到我一舊雲。先沉澱吓，今晚再講多啲。

(Friday)
訓醒覺，頭腦清醒啲！但我印像中，在影院睇到約20分鐘，我左後方傳來鼻鼾聲，應該唔係 Atmos 音效掛...

回正題，近年有很多原創作品（或改編作品）都論及「圍牆」、「中央監控」等議題，除【Divergents】系列外，日本有【巨人】系列，荷里活也有【Hunger Games】和【Maze Runners】，誰先誰後，我已經搞不懂了。為保留空間給故事細節，它們都以系列撰寫（拍攝）。主角可以是型男，可以是由柔弱成長至成剛強的英雌。時空場景不打緊，有人坐飛機，有人靠一雙腿奔跑；有人拿弓箭，有人拿槍炮。其中共通點，都是主角們離鄉背井，為理想國跟「敵人」拼個你死我活。就讓「抗爭的動機」為命題，作為評系列作品的 bench mark。

過去只從影碟觀看首兩部【Divergent】、【Insurgent】，第一步對主角的成長的掙扎表達得最清楚，對 fraction 的描寫亦很清晰。第二步著墨逃避抗爭伺機反擊，和「敵人」的 vision（Kate Winslet 的演出，救了整部戲！）。主角們體驗多了，「升了level」，飛機大炮科技場面倍增也是可以理解的。從影碟的 special features，見原著作者暨電影監製 Veronica Roth 的訪問，為映像的縫罅作了不少填補。

感覺係：首步正，第二步勉強收貨。

Fractionalised 嘅 Chicago 拍到悶，第三步場景轉移到「中央基因福利局」，特然間又變成「基因純種人（中央）」與「基因改造人（周邊）」的對立。好，講基因，且先將所有【Gundam】、【X-men】的前設移除，才對眼前的作品公平！故事從不同視點講了成粒鐘：


1）FOUR 的媽媽 Evelyn 禁止人越過圍牆，看似要跟中央劃清界線。但首兩集從無提及 Evelyn 一伙人與中央到底如何結下樑子？首兩步都以打倒 Jeanine (Kate Winslet) 的高壓統治為目的，第二集 Jeanie 被處決後，第三集權力重心轉眼已經去到中央局。


2）Amity 的首領 Joanna 在第二集內相當唔能夠容忍暴力，Tris 連同 Peter 打交都幾乎被趕走。第三集竟然會話唔同意 Evelyn 嘅管治手法要同佢開戰？「Gather the men who have lived to fight?????」


3）David 啲馬仔，Matthew 同 Nita 又突然調轉槍頭幫助 FOUR，話：「唔係個個都認同 David 嘅做嘢手法。」咁唔認同乜呀大佬？個個伙記身光頸靚，當兵頭嘅Nita有權有勢，為乜要反呀？


4）David 搞咁多嘢，原來就係為出動「失憶gas」，等啲人忘記晒自己係邊個，方便重新調教管治？佢自己都有講，到底教小朋友容易啲，還是大人容易啲？突然咁高成本，為咗收服一個，被評為「不健全」、為世界帶來麻煩的基因改造人群體，一時又挑起佢地內戰，一時又話出動失憶氣體，大佬呀，到底你想佢地消失滅亡「冚 fraction 剷」？定係覺得佢地好有價值，要「平穩收回」架？


一時又好似想放入好多現實世界歴史嘅政治隱喻，一時左堆右堆，堆左好多 futuristic 嘅 fancy 嘢（e.g.三眼飛碟）。睇到我一舊雲。


可能其實係我蠢。
Chicago Fraction 裡，為咩內戰？我唔明。
中央 Council 對 Chicago 想點？我唔明。
Council、David，各自有咩利害關系？啲手下現況安穩，為咩要反 David ？我唔明。
純種人勢力有幾大？世界各地仲有幾多個異種人嘅 community？我唔明。
世界已變成一個 deserted area，充滿幅射的「毒」。咁係咪基因純種/異種所做成？我唔明。



我唯一知道，名副其實，一次生，兩次熟，三次就大結局。第四步【Ascendant】唔洗預我。

alleelarry

仲有半集啊！星期四睇早場……，嘩！

teddyng637

我琴晚都睇完《分歧者 系列：赤誠者●末世醒覺》特別埸，這是同名小說第三部曲，我個人覺得整體上故事唔算吸引、又沉悶，可能套戲拖得長。

vinsckan

呢d荷里活式商業垃圾片，送飛都唔會睇

ltho3k

第一集， 幾好睇。第 二集， 真係悶到爆， 好彩是問人借碟睇.....第三集。..真係無興趣睇

jc2ssych

ltho3k 發表於 2016-3-13 10:29
第一集， 幾好睇。第 二集， 真係悶到爆， 好彩是問人借碟睇.....第三集。..真係無興趣睇 ...

唔親自入場，你係唔會明白的。

mike384

估唔到有第三集, 睇過1,2, 今次冇打算去戲院睇, 咁打算係邊度睇? 唔好誤會, 我都係正版支持者, 但有個地方係可以順便睇埋又唔使突登畀錢去 --> 飛機
一般呢類年青人, 尤其係TEENAGER救世界的電影不嬲都長拍長有, 年紀由真正的TEEN到廿幾都有的.
但隨著肚餓遊戲係市場上的成功, 引埋一大堆類似作品(主要係以反DISTOPIA)蜂擁而上, 初初都有留意, 而家已經麻木.
講返呢套我都未睇, 第一集當年見佢女主角都OK, 走入去睇完就有個錯覺 = 點解我好似睇過?,後來如HONEST TRAILER 個旁述所講, "We did this before!!",
跟手介紹時整句"“Enter a world inspired by a woman who read The Hunger Games and said to herself, ‘I can change that slightly and make a ton of money."
自己未睇過小說所以冇資格講, 但電影的第一集好明顯係咁.
至於第二集, 其實都冇打算去睇, 不過舊年有一次坐開長途機, 無聊起來就睇埋佢, 睇到肥溫斯利要到最後先發覺, 原來自己一直搵緊自己笨...真係笑左出黎, 呢D咩白痴橋黎架....咁以為佢地已經搞定哂啦, 點知重有第三集, 睇過下TRAILER同預告, 覺得又幾似迷宮跑手...
其實唔係話呢類片冇可取之處, 起碼一大班後生的去捧場, 如果今年重有飛機坐, 都唔介意睇埋第三集的.

jc2ssych

mike384 發表於 2016-3-14 09:18
估唔到有第三集, 睇過1,2, 今次冇打算去戲院睇, 咁打算係邊度睇? 唔好誤會, 我都係正版支持者, 但有個地方 ...

Maze Runner，Divergent 系列，睇大銀幕同小屏幕唔差好遠。

但個人認為，Hunger Games 的攝影比較用心的。

很多角色的表情都用近鏡拍攝，在大銀幕才睇到分別!

quntinchan

5係個女話要睇, 都五會入場睇. 第四集5使睇.

AAA1

Watched it in 4DX Langham
The story is quite good
Much better than expected
Best amongst the franchise
A step forward than the ending of Hunger Game