【特派員 Wini 好介紹】美顏之地－小魚滋味

alleelarry

【特派員 Wini 好介紹】

魚含有各種豐富既營養成分，尤其係DHA和EPA，已經證實對人體大腦發育、減輕過敏、幫助視力等有一流既功效。根據非正式統計，好多女士都話，食多啲魚，皮膚會靚啲，而且亦做到凍齡既效果。

∇ 所以，今日就去紅磡，拜訪小魚滋味。小魚滋味係一間港式菜式既餐廳，佢地既主打推介菜式，就係推出左冇兩個月既星級龍躉魚湯麵。



∇ 龍躉係石班魚類，雖然好大條，但肉質爽脆、營養豐富，低膽固醇。對患有高血壓、高血脂等，心血管疾病有食療功效。而且，更含有豐富膠原蛋白、鈣質、DHA同OMEGA 3，絕對係有美顏效益。但要達到美容顏益呢，絕對唔係食一碗起，兩碗止就得既。



∇ 先講下個湯，因為湯入面加左其他既材料，菜、菇同麵，所以，湯既味道唔會太濃。而麵呢，用上拉麵，襯托番「班中之王」－ 龍躉。而龍躉，我個人推介大家可以加小小麻辣醬一齊食，因為佢地個味道好夾。肉質方面，唔會話好實，亦都唔乾，煮得係有水準既。



∇ 小食方面：我試咗椒鹽豆腐粒，同泡茶酸瓜。
椒鹽豆腐粒，豆腐外層脆，為豆腐增加咗一層口感。而泡菜酸瓜，係小魚滋味自製既，酸酸甜甜，係一流既開胃菜。




∇ 飲品方面，老細話食完碗龍躉麵，再飲埋杯香濃即磨咖啡，就天衣無縫喎！
小魚滋味既香濃即磨咖啡，一啲都唔簡單。咖啡係用三種自己挑選既咖啡豆溝出黎，而奶味亦比較重，有別於一般既咖啡。



∇ 除咗香濃即磨咖啡之外，我都有試佢地既特色飲品－雪糕涼粉冰。
涼粉切得好碎，飲既時候，可以連涼粉一齊吸入口。將雪糕攪溶，可以令雪糕涼粉冰變得更加滑。



∇ 小魚滋味仲有其他野食，飯類、湯麵、小食、甜品等等。喺紅磡轉車或者睇show既人士，有時間，過黎補一補啦。



地址：紅磡都會道6-10號置富都會7樓747-748號舖
營業時間：星期一至日，11:00-22:30
電話：3162 8559