Un homme à la hauteur《縮水情人夢》/《我的哈比情人》(Up for Love)

朗

朗

day2013

     當外表唔夠出眾，當然要靠內在搶分。頭幾次見面，一定要比個深刻印象對方，令佢覺得同你可持續發展！比如：帶佢去無人知道的私竇餐廳，展現自己識享受的一面。約會可以揀去sky diving、坐小型飛機，新鮮感十足。識玩、識食、識享受的男人，通常女人都會鍾意。切記一切要自然進行，如果事先張揚只會似一個暴發戶。

朗

day2013

      大家成日話「工作中的男人最Man」，要令女人有安全感，當然要俾佢睇到你認真工作的樣。例如，間中同女伴分享下自己忙緊咩、跟緊邊幾個大project，就絕對會加分。然後，當佢見你百忙中仲得閒陪佢食飯，就更突顯到你有幾重視佢。

day2013

     一段關係絕對唔只係兩個人的事，尤其要討好女友的家人。亞力就選擇用細心持久戰術！最初因為身高輸蝕，不得戴安家人歡心，但佢無刻意避開，反而專登約其家人食飯，最後哄掂兩老，成功入屋之餘又幫自己加分！除此之外，謹記要同女友「閨密」打好關係！要知道女人一聚埋，自然會講男人！有線人幫自己收下風，拍拖都特別得心應手。

朗

day2013

      大家都好容易將前度同現任作比較。當遇上女友的前度作挑釁，致勝關鍵就係以退為進！亞力連開Party都請埋戴安前任老公，就算對方擺明睇唔起自己，都保持紳士風度，夠哂大方。當然，最後要將選擇權交俾女生，由佢諗清楚去揀先夠真心！

day2013

       一旦確認關係，即使幾懶都好，麻煩自動自覺通知全世界你「In a relationship」，從此潔身自愛，謝絕小三！穩定之後，仲要帶佢融入自己的朋友圈，確認佢的地位。不過，亦要謹記不要過份癡身，免得令人透不過氣。

朗