如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 Hon 於 2016-2-14 11:32 編輯
" 假如地球上連一滴乾淨既水, 一口乾淨既空氣都沒有, 你最想幹什麼? "
我曾經講過等碟至睇呢套戲, 但見其他forum都讚好, 兼爆場既原因所以今日睇左早場...
個人評分為 6 / 10. (俾多左架啦)
開始寫呢個影評前, 希望大家唔好理會佢地係為賺大陸錢而拍呢套戲, 大家喜歡就欣賞, 唔鍾意唔去睇就算LA, 無必要簡單複雜化, 係咪~~
內容上以保育作主題, 結局亦都好簡單同明顯, 算係一套唔需要太過深究同諗太多既戲, 放响新年上畫我覺得好壞各半, 總之就奇奇怪怪咁, 唯一最大原因都應該係"周星馳"三個字, 咁就放响邊個節日上畫都會變成合理.
男主角係鄧超, 佢都唔算係新人, 因為都叫拍左幾多內地既戲同電視劇, 今次登上大銀幕兼拍住星爺, 相信好多人都對佢有D陌生.
女主角係林允, 佢就真係新人啦, 電影入面有2-3個鏡頭感覺上佢都有小小似舒淇, 我諗呢個應該係起用佢既原因之一
其他角色如羅志祥, 張雨綺... 配角得黎都叫有好過無.
如果喜歡星爺式既搞笑方法, 呢套戲絕對可以滿足到, 入面仲要連爛GAG表演化左都有埋, 就好似...
"你係一碌廢柴, 碌出去好啦"
但...
如果想睇星爺直接演譯既話, 咁就真係唔好諗啦, 相信佢都應該唔會再到幕前拍戲.
我個人較為鍾意睇由佢表演出黎多過假手於人, 硬係覺得由佢表達出黎會全神好多, 其他人做唔係唔得, 因為都只係一個笑料, 個個做都得, 但硬係爭D爭D咁, 如果大家好似我咁較為執著就真係諗諗至好入場.
除此之外, 可能內地投資者既原因, 再加上十成十會响大陸上畫關係, 入面有唔多又唔少既諷刺其他國家既笑位, 例如日本妹見到爆晒既魚好開心大叫, 外國人癲起上黎都幾得人驚等等...
總括黎講, 呢套戲都叫唔錯, 話晒人物角色上配合故事都幾好, 但用星爺個名作招徠又真係...哈哈.
多謝大家欣賞
|
發表於 2016-2-13 18:10
樓主
