《Deadpool 死侍：不死現身》少量劇透影評

gashapon

新年無咩好做就去了睇戲. 講真對幾套港產的都興趣不大, 一心只打算睇deadpool~

同其他superhero電影好唔同, deadpool比較"另類"d. 一來佢唔係"得到了異能, 之後用來保護世界"的故事, 反之deadpool 佢係胡鬧+傻傻地+玩野的電影. 電影中都不少笑位, 不過感覺可能係無disney的包袱, 加上是"3級電影", 因此成個故事唔需要太多避諱, 可以去盡d. 電影都不少血腥鏡頭 (不過deadpool故事都係咁~), 加上大量粗口, 色情笑話, 如果唔太介意比較"低俗", 其實都幾好笑.

故事其實都幾簡單, 都只係講主角由於發現有cancer而接受了某組織的治療, 點知原本係打算將佢改造成mutant當武器, 最後成為deadpool, 同知道"醫"佢的壞人捉了佢女友於是就展開了救援. 成套電影都如deadpool所說"公司唔夠budget", 所以來來去去都係果幾個人決鬥~

電影中除了笑superhero電影太公式化之外 (例如trailer中都有的"superhero landing"), 仲有笑返Ryan Reynolds自己, 甚至連Hugh Jackman都慘被玩埋一份~ 另外醫生同佢講佢話會改造佢成為superhero時, 佢都話唔好比佢穿綠色costume同唔要CG效果(笑返佢做green lantern時)

電影都有X-men reference, 連prof X大宅都有出現, 呢個都係笑位之一, 留待大家發現~ deadpool又有笑X-men電影reboot攪到timeline好亂等等~

我自己認為電影手法都係走低俗, 攪笑輕鬆路線, 就算無睇過漫畫的人去睇都唔會睇唔明, 而且又唔怕太多角色鋪路有"大聯盟"crossover等, 笑下輕鬆下都是不錯的選擇~~

睇完記得坐多陣先好走, 有"easter egg"睇~~