《西遊記之孫悟空三打白骨精》-- 終於似返套戲啦...

Hon

本來就無興趣睇, 話晒由上集牛魔王變左做悟空, 呢下的確幾難頂, 但睇TRILER同特技又覺得幾好, 於是入場睇下啦,
出黎個效果...

咦... 又唔錯WOR, 點解同上集比較之下呢集會好成咁既?!?!?
(唔好以為我鍾意睇龍珠就支持, 我點會咁膚淺呢...HAHA)


相信大家都會俾上集既大投資, 雞特技, 但票房大收既結果, 從而對今年呢集有一種同類既感覺.

首先唔理佢收唔收得, 因為大家入場睇都係鍾意或者時間多等等所以支持, 但點都好票房收幾多都唔關我地事, 專注去睇下收唔收貨就算啦.

今次由城城做悟空, 出黎個效果感覺上無大分別, 但有一點我要讚下, 就係故事上睇咁多次佢都係一路行住黎上路, 但今次佢係飛住黎跟住唐僧既, 又真係幾特別WOR... 因為真係做得太多, 故事上又未話好熟, 但視覺上起碼叫做有個突破.

故事係三打由鞏俐做既白骨精, 呢樣真係一個大重點, 由佢做真係一流, 配合特技上既黑白色彩非常突出, 我敢講如果搵個當紅既後生女黎做一定唔掂, 淨係氣質已經唔係人人都有.

化粧方面睇得出落左好大既心機, 除左城城係痴晒成身毛之外(睇得出唔係著住件肉色衫咁取巧就算架), 羅仲謙扮既全身藍色既沙僧係另一個大賣點, 唔理佢係咪人氣問題至咁做法, 但又係嗰句, 出黎個效果一流, 又係突出左每一個角色應有既位置, 唔會話只係俾錢出一兩個SHOT就算嗰D(好明顯我講緊上集)

畫面上今次最大分別係何解上集會矇既呢?!? 就算俾晒D錢做特技都唔會矇架?!? 但上集D特技又咁差, D錢真係洗晒去邊度呢?!?
(SORRY, 講晒上集D衰野出黎添)

至於特技方面, 今次真係做得好左好多, 一開始條龍同白虎我覺得好掂, 有時候故事上可能真係要大堆頭至得, 呢樣我都明, 但明還明, 人多唔代表亂同差架.  不過今集其實特技上唔叫好多, 係最後嗰幕故事上需要所以至用多左, 好彩出到黎又接受到既.


我個人覺得故事內容上同星爺掛名嗰套西遊降魔錄都係帶出好溫情同善意既一面, 即係話佢唔係一味講悟空好打得就惡晒同大晒唔聽人講, 尤其是唐憎叫悟空打死佢嗰幕我都眼濕濕, 捨身成仁, 我不入地獄誰入地獄原來係咁解.


整體黎講我會俾8分, 如果出年再開拍第3集既話, 希望可以保持住呢個做法再做得更好就好啦.

alleelarry

個人認為上一集宇宙最強，只是沒有好好把握，加上特技不足，排除了這此還是可以的……
但如果呢集會比上一集有進出的話，就真係要睇睇至得

Hon

alleelarry 發表於 2016-2-8 11:39
個人認為上一集宇宙最強，只是沒有好好把握，加上特技不足，排除了這此還是可以的……
但如果呢集會比上一 ...

我都認同架, 上集不足處只係特技同畫面問題, 唔關人物問題.

新年我就會推介睇呢套, 唔通仲睇返套呃人既咩囍事咩, 係咪.

粗人敵卡

Hon 發表於 2016-2-8 13:02
我都認同架, 上集不足處只係特技同畫面問題, 唔關人物問題.

新年我就會推介睇呢套, 唔通仲睇返套呃人既 ...

囍事真係…咁樣搵錢法
無睇上集，今集因為城城去睇

Hon

粗人敵卡 發表於 2016-2-8 14:44
囍事真係…咁樣搵錢法
無睇上集，今集因為城城去睇

囍事... 我直覺上覺得係為出碟前先賺一次錢先.