如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 alleelarry 於 2016-2-6 20:32 編輯
今朝一連睇兩套早場戲, 睇完恐龍就睇埋呢套...
早兩個星期已經好想睇, 但正值香港凍冰冰既歷史時刻, 所以只好搵周公就算LA.
自從貨幣出現後就變成金錢世界, 由於佢既重要性大於一切, 所以出現左一連串未停止過欺騙事例.
呢套戲就係以2008年雷曼爆煲做引例, 從金融體系中, 數之不盡既服務及所謂賺錢基金利益區使下, 令呢個氣球爆完一個又一個, 沒有止境地重複下去.
電影內容上因為講金融問題, 所以用大量銀行業既術語做對白, 自問我都真係唔識, 初頭係聽得一頭霧水, 但好彩佢用埋呢一個角度去解釋, 雖然都有唔明白既地方, 但至小都了解佢意思上想講咩, 再配合輕鬆有趣既手法, 令到成件事本來好嚴重及緊張, 但其實生活上係睇唔出有咩大影響, 直到爆破既一日...
故事上用三組人於幾年前就發現爆破問題作引指.
社會就係咁, 大話講一百次就變真話, 但真話講幾多次都一定有人唔相信, 因為相信大話既人己經將大話變得更為真實, 而大話既源頭由一個極具影響力既眾人所形成, 惡性循環下只會有更差既情況出現, 就正如核彈射出時其實唔得人驚, 最得人驚既係不知不覺間原來已經射出甚至爆開, 在避無可避既情況下只好硬食, 但硬食後其實只係期待下一次再出現既時間問題.
我比較欣賞 Brad Pitt 所演既角色, 佢就係討厭華爾街既金融欺騙問題令到大眾市民無辜失去一切而離開, 有一句响LAS VEGAS所講一句好合理, 就係每跌1%就有大量既人要犠牲, 一個人既快樂換來多人既離開並非係一件開心事, 真係講中間整個意思出黎.
評分的話我會俾8.5分.
|
發表於 2016-2-6 19:22
發表於 2016-2-6 20:34
樓主
