《恐龍大時代》-- 記得家長指引至好帶小朋友去睇...

Hon · 發表於 2016-2-6 18:39

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Hon 於 2016-2-6 18:40 編輯

本來想等埋姪女至去睇, 但都係算la, 一來心急想睇先, 二來只要係女性都係比較有性格既... haha

PIXAR電影... 雖然佢俾DISNEY買左, 但响我心目中佢係動畫中做得最靚既, 所以必定要支持同欣賞, 今次亦都無失望, 先唔講電影既內容有幾正, 淨係一開始嗰段短篇故事已經值10分有多, 同嗰套咩妖記比較下, 唔係兩個世界既分別, 而係兩個星球既區分, 真係好笑得黎又SO SAD.

講返主故事, 主力係親情同生存, 但我覺得今次戲味比較薄弱, 反而入面既大自然環境, 一花一草, 甚至行雷閃電都極盡表現金像獎得獎動畫公司既實力, 尤其電影完結後既細緻自然環境, 有一刻真係以為睇緊PLANET EARTH動畫咁濟, 唔係誇張.

電影中有條恐龍講左句十分認同既說話, 大致上就係環境同生存係無得好驚, 所以應該用方法去適應, 令到即使出現問題都可以輕鬆解決, 呢個道理唔好話石器時代甚至遠古至啱用, 其實現實生活中都好合用, 就好似近年極多既天災一樣, 即使如何都應該想方法去面對及解決, 逃避及留响自己既COMFORT ZONE內係唔會永恒長久既, 因為地球都會不停地日轉夜轉.

動畫評分我覺得分開黎俾分會好D :
動畫效果: 9/10分
故事內容: 8.5/10分
教育意味: 8/10分

唔知亞洲地區既動畫幾時至可以做得咁靚呢?!? 我真係唔想再睇TBB, 甚至只識得篤數既假動畫LA.