【特派員 Wini 好介紹】潮人必到之地－Midwest Vintage

alleelarry

【特派員 Wini 好介紹】

今次，我去到天后，為大家介紹一間好出名既古著鋪頭。店裡面既貨品錄之不盡，但重點既貨品，就梗係軍褸、牛仔褸同皮褸。

自古有云：新年要買新衫過年。而家先介紹Midwest Vintage，會唔會太遲？坊間流傳，一般利是既處理方法，有三種。一，即拆。二，唔知過咗初幾先拆。三，唔拆。所以，呢單野係「唔遲又唔早，時間岩岩好」。

∇ Midwest Vintage，中文係美華氏。品牌由九十年代至今，先由二手衣服進出口貿易公司開始，直到因應本地市場既需求，而設立零售店鋪。零售店鋪有兩間，一間位於天后；另一間位於旺角。

∇ 貨品方面，貨源係來自美國。雖然，店入面既衫，都係二手，但唔需要擔心，因為，所有貨品上架之前，都做足清洗、消毒同修補既步驟。至於Size，因為每款都係得一件，所以真係要親身去睇、去試身，先知岩唔岩身。而價錢呢，我會用開心價去形容既。

∇ 行Midwest Vintage，會見到"FirstEdition"呢個品牌。
“FirstEdition"係Midwest Vintage既自家品牌，將唔同既Vintage，剪裁、縫製而成既衣服。例如：
呢件女裝既外套

∇ 介紹完FirstEdition，睇下其他貨品先：
傳說中"哈利襯皮褸"既皮褸？！

∇ 呢件迷彩軍褸，著住佢去打War Game，中彈都唔會痛。

∇ 有上身，就梗係要配埋下身啦！

∇ 牛仔迷：「埋黎睇，埋黎揀」

∇ 「有長袖，都有冇袖」

∇ 男裝既FirstEdition牛仔Vest

∇ 報告：視覺上，接收到好重既Levi's味道！

∇ 女裝走民族風格多既。

∇  除咗衫、褸同褲之外，仲有襪、皮帶、pin、鞋等等，真係有太多、太多、太多。所以，服飾方面，我放埋呢對Boots，停！

∇  至於唔係服飾方面，Midwest Vintage既熊仔乃係獨一無二，佢地個樣雖然係一樣，但身上既布料分佈、顏色都唔同。熊仔分別有牛仔同軍彩兩款，Size都有大細之分。

∇  呢啲男人野，我咁大個女，都係第一次見。

∇  型到呢！

∇  順帶一提，不妨Follow Midwest Vintage 既 Facebook Page，因為佢地做Sale既時候，會炸爆自己既Facebook Page。貨品上既緊貼度係重要，但價格上既緊貼度，就更加重要.....我話既。

天后店：天后屈臣道15號維多利中心58號地鋪
（雖然，係寫住天后，不過由炮台山港鐵站，A出口行過去，會近好多。）
營業時間：12pm-9pm (Mon-Sun)
電話：2802 6886

旺角店：旺角窩打老道45號賀賢居地下A鋪
（由油麻地港鐵站行過去，會近啲啲咁多。）
營業時間：12pm-9pm (Mon-Sun)
電話：2328 8757

Facebook: Midwest Vintage