令人感動嘅好earphone - Campfire Audio Jupiter

jesadjust

聽campfire audio jupiter聽到太興奮 但見無人提起過呢對耳機 所以決定開post同各位師兄師姐分享下 第一次寫文嘗試形容下自己聽感 有咩寫得唔好嘅地方唔好見怪

話說小妹大約大半年前聽手上既535聽到悶悶地 啱啱見到fb有人share恆x(當日唔知佢黑店到咁) 可以將現有耳機改cm加單元 當時好奇之下就做左 結果呢個決定令我後悔左半年 手工差到用半年整左五次 整多過聽 最慘既係535啲聲變到一啲都唔吸引 仲要左右聽感不平衡 好地地一對535變左雞肋 聽歌由樂事變苦事

心灰意冷既時候啱啱經過高登 見到有對其他師兄師姐提起過 但市面上比較少見既campfire lyra 好奇一試 一入耳聽到Adele唱完someone like you第一句之後即刻感覺到地獄上天堂咁 令我更感覺到之前個對改模cm有幾垃圾

慢慢再認真聽多幾首歌 覺得佢聲底比較暖 bass量較多下潛較深 對我呢啲聽慣535嘅non bass head嚟講有少少太搶focus

放低咗lyra之後冷靜下之後 見到完全未有人提起過嘅jupiter 好奇之下一試 不得了 中高頻比起Lyra好聽得多 人聲好清好多detail 聽返eason早年cover嘅「垃圾」非常毒 聽弦樂例如馬友友嘅Gabriel's Oboe聽到嘅延伸都有驚喜 至於bass方面雖然無lyra下潛得咁深 但對我嚟講係足夠而且吸引 聽the xx既intro 鼓同掌聲同bass line都係有力嘅 佢嘅三頻表現好啱我呢啲雜食王 而且亦易推到嚇親我 dx90直出 大概用聽535嘅2/3音量就夠

最毒到我嘅無過於用佢聽live 雖然音場唔大 但定位好清晰 而且好多細節 聽live嘅時候好感受到唔同樂器、歌手嘅位置  聽張學友嘅「聽海」由開頭嘅弦樂 到學友把聲 再慢慢加上嘅琴聲 鼓聲同和音 以及最後觀眾嘅掌聲都好有層次感地清楚呈現出嚟 一聽完成首歌個下我已經喪失理智 最後決定帶佢返屋企 當新年禮物送比自己



Jupiter嘅包裝大概係我見過咁多旗艦裡面包裝最簡潔嘅一個 但盒細唔代表冇嘢 要有嘅嘢都齊全 最重要嘅係個case靚之餘內籠夠厚  感覺放對earphone入去好安全

講返隻earphone本身 金屬外殼嘅質感好好 初時以為金屬外殼會令佩戴方面唔會太舒服 但一戴上又唔錯 幾fit 配中size耳棉啱啱好 都幾隔音

初步開聲大概有當日試聽嘅7成表現 但已經令我好開心 聽Damien Rice嘅It takes a lot to know a man, Muse嘅The Globalist呢啲層次感極高嘅歌 或者係梁靜茹「崇拜」, 蘇打綠「我只在乎你」呢啲live 真係中晒毒 聽返啲人聲加簡單伴奏 例如P!NK嘅Dear Mr. President亦都因為佢嘅中高頻表現而有驚喜 呢兩日都唔想除低對earphone 日聽夜聽 好期待run開晒之後嘅表現

之前聽過同grade嘅846 雖然覺得好聽 但係我心目中始終覺得太貴 唔肯定想比咁多錢聽歌 但jupiter比錢個下我完全無猶豫過 係一對令我重溫返第一次中earphone毒嘅個種感動嘅好耳機 所以誠意向大家推薦 希望會有更多人欣賞呢對好耳機

cyber_look

恭喜晒師姐覓得心頭好開心過年

nec_c616

(Post76 Android 手機版送出)

goodabc2010

暫時佢出喱3對我覺得都幾好,雖則口味唔太o岩

Lomen

c 姐，小弟有對Orion，一單元我已覺得佢既調音係神級! Campfire Audio 既耳機最吸引係佢非常濃厚既音樂感! ALO 真係功力深厚!

斯路

好好既分享。Campfire Audio三對耳機都有一定聲音特色，用HiFiMAN HM650播放器用Minibox卡夾Jupiter則唔太合我心意，不過我幾喜歡同一前端下既Lyra。恭喜師姐入手心頭好呢。

kkwkk

整五次
BTW Jupiter 入手幾銀
隻野好靚

jesadjust

kkwkk 發表於 2016-2-4 17:28
整五次
BTW Jupiter 入手幾銀
隻野好靚

啱啱見我呢個post被share到痕汁社 恆x老闆親自回覆 真係非常有趣 有興趣食花生嘅朋友可以自己去睇下
ching我係右店買 現金價71xx 我分期加多咗200到

kkwkk

jesadjust 發表於 2016-2-4 17:41
啱啱見我呢個post被share到痕汁社 恆x老闆親自回覆 真係非常有趣 有興趣食花生嘅朋友可以自己去睇下
chin ...

過去食下花生先

onlife

jesadjust 發表於 2016-2-4 17:41
啱啱見我呢個post被share到痕汁社 恆x老闆親自回覆 真係非常有趣 有興趣食花生嘅朋友可以自己去睇下
chin ...

有興趣食花生, 求 link