喇叭間中發出「撻」一聲

whtang

新人一問，希望大家幫手。
:)

我用緊Onkyo SR605 及Onkyo5.1 speakers (原廠，全套在豐澤買的)。
用PS3 HDMI 駁amp。

當打機、睇DVD/blu-ray時，5個喇叭有時會個別發出「撻」一聲，好似係d電既聲音，
有時來自前置，有時來自後置，有時來自中置，
好似係個喇叭想出聲前就「撻」一次咁，好煩擾。。。
已經嘗試用濾波拖板，及換過條HDMI，問題依然存在。
請問各位有冇辦法解決?

br_calvin

有可能係d 線與線之間接觸到~~ 但可以肯定係電流問題~ 因為撻撻聲係電流經過某d野時所產生的!!! 如果你換左濾波拖板都係咁, 咁應該係關d 線事~ 詳情問線王喇 XDDD

小瑟

有冇留意到通常咩情況會有出聲呢??? 之前我舊屋都有, 之後發現係同個雪櫃有關, 佢一開制泠D喇叭就出聲勒, 依家新屋就冇事了!!!~~~

wong.siufu

對，可能因為其他電器影響，或者檢查既時候，盡量開少ｄ其他電器，反覆檢查

whtang

謝謝各位！

而家首先將d喇叭線同埋電源線分開唔好纏埋一舊，會再留意下電器影響既可能。
我的家在幾年前裝修過。當時師傅話我家的電源係由電箱一條過拉出來，
即係所有電器都用同一條線。可能呢個係一大問題。
等我留意下雪櫃一開凍d既時候，d「撻撻」聲會唔會走出黎。

又想問下各位師兄，
我用的濾波拖板只係$599的國產 (在旺角那個落地庫的商場買的)
o唔ok？
同埋，我的喇叭線都只是源用番onkyo跟機的原裝線，質素算唔算好？
謝謝！

whtang

各位師兄
小弟的問題仍然頭痛緊。
喇叭的電流聲仲存在。
已經嘗試糾正線材的問題，亦更換了喇叭線及HDMI，
並發現以下update的情況:

用amp輸出電視聲音(光纖線)、收音機、及ipod(紅白線)的source時，是沒有電流聲的。
而用PS3(HDMI)打機及看Blu-ray(e.g. Dolby Digital 5.1輸出)時，亦沒有電流聲。
只是，
當用PS3看Blu-ray而選擇Dolby TrueHD播放時，
後置喇叭的聲流聲就不斷「撻」「撻」「撻」咁樣，情況比以前更頻密。

師兄們可否幫手俾下意見？
Thanks!

mankoo米高

有無試過播緊戲途中,慢慢轉Onkyo SR605 個volume,睇吓有無[撻]..

hw1723

有無試過抬部機去D朋友試下有無D咁情况,如果有就要整機,可能解碼板壞了.

alzard

可能性一﹐中DTS bomb。呢個情況要update firmware﹐可以自做但要小心搞壞左無保護。留意下「撻」的聲音係咪同volume無關﹐即係幾時「撻」都係咁大聲。

當然有可能係hardware壞﹐咁就無得搞要返廠了。

KING

師兄你試吓剩係開amp同player,咩都唔play軟大音量制,聽吓有冇呢d撻撻聲!如果都係有就唔關軟件事,係硬件事啦!遂件硬件黎試睇吓有冇撻撻聲啦!