未見街的Onkyo DP-X1+E900M耳機西裝會員優先試(#18會後聽感分享)

HD308

已報名, 謝謝

joeny

已報名

小瑟

今次活動多得大家支持, 十分感激, 不過因為耳機同DAP數量唔太多, 為怕影響左大家試玩時間, 今次我地只安排到最先報名的幾位參加今次試玩, 一陣我會各自PM大家有關活動之詳情, 我地到時見啦!!!!

wan1984

小瑟 發表於 2016-1-26 12:05
今次活動多得大家支持, 十分感激, 不過因為耳機同DAP數量唔太多, 為怕影響左大家試玩時間, 今次我地只安排 ...

Got it !
(Post76 Android 手機版送出)

odin1983

除左玩之外，我更期待可以同大家交流吹下水咁，Wan兄拎D好野上黎分享下

HD308

太好了, 一定準時到。

aronchee0599

一定準時到

alleelarry

今天這個路過的真．超身手，見識到不少的高手！
邊玩邊交流的活動，76真係要攪多D至得！

小瑟

今日好開心一個率先試玩既活動, 我地定立六個版友一同參加, 加埋我地版主同代理們其實都有成十幾人, 係呢個氣氛下本來大家都覺得有代理係度有D拘謹, 又唔知可唔可以講心底話, 又唔知可唔可以囉其他機來試玩, 但我地76就係咁, 真係咩都唔叻, 最叻就係鐘意玩同講心果句, 大家玩多二玩就開始入狀態, 討論E900M同 X1就一定架勒, 各版友自己囉出自己架生呢下先精彩, AK380又有, 100MK2+耳擴又有, IPHONE直推又有, AR M2, N6, 咩機都囉哂出來任玩任試, 完全唔會怕代理唔高興, 因為玩耳機既野就係咁, 互相配搭搭出好聲先係樂趣來, 好勒, 場中氣氛我唔再多講, 留返D位比今日有出席既師兄講下勒.

我自己對呢二件新野就有以下感覺既!!!

先講E900M, 講真, 一直都係豬肉在前, ONKYO第一次出隻耳機 IE-CTI300 真係有D失望既, 不過幾百蚊貨仔, 講真又唔可以要求太高, 而之後佢地第二代出既 E700M 真係比到一點點另我改觀的感覺, 起碼聲音對辨左, 有返一隻 Hi-Res耳機應有既基本野, 不過我地呢D, "要求高, 出手低" 既麻煩友, 硬係喜歡有大食大, 雖然 E700M係OK, 不過都知道聽POP野就可以, 但如果說到要"享受"音樂, "聞"音樂的話, E700M都仲係未夠壇數滿足到我, 就係咁, E900M 呢個耳機既出現, 佢既外型真係好有款, 未層未已經好似話比小瑟知, "我唔係普通野來架, 我有小小發燒味架". 就係咁, 一向膚淺既小瑟就對呢隻E900M非常之有興趣勒, 講左咁耐, 今晚終於都可以聽下, 不過因為小瑟要照顧左大家先, 所以真正坐低靜靜聽都係大既5-10分鐘左右, 試左三樣野.

第一就係 DP-X1 3.5出E900M, 感覺一般, 高音有D緊, 唔開揚, 低頻快而短, 成件事有D林林地既, 好柔下...

第二就係DP-X1 2.5平衡出E900M, 黎料勒, 一開聲唔洗5秒, 即除耳機同身邊ODIN仔講, 掂.....行平衡跟本係二部機來, 分離度清左二個碼, 成個人大大個好SHARP咁企係度唱歌, 背景干淨, 低頻爽快好好韌力 , 真係好正, E900M好夾X1, 果然係一家人!!!!

第三就係 V10出E900M, 聽左一首自己手機內既歌, 小幸運, 音壓要推盡上75先有正常音壓, 不過因為用左綿既 E900M隔音都唔錯, 所以都夠聲的, HEBE把聲小小甜, 有一點甜潤味, 聽落真係SWEET左, 抖氣聲都聽到小小, 不過唔會係神級果隻DETAIL抖氣, 聽到小小咁, 音樂感都足料, 呢下我都估唔到E900M夾落V10有呢個效果, 呢個位真係有小小驚喜.

總結聽左一陣, 如果佢可以有個"進取價"既, 我諗呢套西裝小瑟有機會狗衝的!!!!

HD308

小弟有幸第一次參加這類聚會交流，真係獲益良多。會上認識到各師兄高手，看到他們的超乎想像的强勁裝備和對音樂的熱情，真心服到五體投地。
今次可以一次見識和親身試到 onkyo 嘅新耳機，講真的確唔錯。兩動一圈的確配合得到。音域，音場，包圍感，細緻度和連貫性應無投訴，但都係嗰向要有個進取價。
如想發揮它的潛質，換線玩平衡是必要的步驟和動作。不同的配搭昨天有幸試過，的確有驚喜。
另小弟第一次可以同大王傾吓計，他真的好 nice ， 人又建談風趣，抵比過 like 你
代理又肯同我哋堅分享，不是齋 hard sell - 值讚。