開心既時間過得特別快！

calcal

好多係showoff 多過真係聽野.

t1174

其實真是 show off 到咩，對普通人其實唔會睇到乜，又不是 idevice. 反而有比人問過乜時代，重用 mp3 機重咁大舊......

nec_c616

cyrusp 發表於 2016-1-12 20:31
其實燒錢都係儲ＥＸＰ，有邊個老屎忽無比過學費,不過見到人唔貴唔買,亂9入野反而覺得似新手,唔知自己想要咩 ...

我都有同感! 我都係合自己口味，夠自己聽就滿足了!
(Post76 Android 手機版送出)

countryboyhk

好多時習慣左d聲, 就算隻野幾貴, 聽得一年半載, 點都會覺得悶, 呢樣好正常, 所以我唔會投資落昂貴既 cm 度.. 我自己就喜歡玩冷門性價比, 其實揾隻唔同口味既耳機, 只要隻耳機分析力足夠, 都好有新鮮感, 唔駛下下追求升級.  話時話, 你部 P1 玩左 EQ 未 !? 我淨係用 NORMAL 同 BBE 都有兩種唔同聽感.

johnmo

慢走不送

毋忘初束,量力而為即可

記得是人玩器材,不是被器材玩

odin1983

小弟同師兄都好似，由最初$400買一隻UE 耳機開始玩到依家，都洗左好多血汗錢，本來諗住入左部IPC+HPP1再加多隻Byer T5P就可以收山，諗住最多入咪埋部Traid Audio L3，點知突然IPC唔賣，成個組合淘汰晒，本來諗住一體DAP可以取代玩炸陣啦，結果發現DAP已經係萬元級嘅世界，想推得好T5P時，又要加多舊擴變返炸彈，所以我好明師兄果種心態。

但到最後呢我就選擇左原地踏步繼續玩，想要新鮮感時就問朋友借D機返去玩返一個星期過下癮咁，其實都好OK丫，唔知師兄係咪打算放晒成個系統，如果係嘅話我建議師兄先諗真D，不妨換個心態玩機丫，放出去其實咪重蝕，又或者如果再想玩果時又入過套新就仲蝕多劑啦。不如照依家組合聽住先啦，聽自己野悶咪就周圍去試機搞搞震，反正依家四圍都可以試。聽多D唔同product發掘下唔同聲音其實都好開心丫，有時玩機有錢咩都買梗係過癮啦，但覺得好貴都唔一定要下下擁有嘅，周圍試都係玩機嘅一種丫，再唔係多D買碟填補空虛都係唔錯。

至於貴，或者係咪個個都好有錢我覺得同個文化或社會環境有關，以前head hi無咁流行，早期得果一兩間耳機店，好多連靚聲耳機係咩都唔識，依家開到四圍都係，好多想玩嘅人追求享受個餅咪大左lor，另一方面正正因為大家窮，社會環境又差左，買唔起樓，反正都係買唔到，亦好難有自己空間聽好野，好多人索性將D錢買晒head hi算數，變左個餅又再大D，咁做生意當然係有market啦，調高D價又有人買wor，就越黎越貴啦。再用做生意角度睇，以前玩head fi係小眾玩意，唔需要搞太多咩行銷，依家下下要講宣傳，下下都要包裝，自然羊毛出係羊身上啦。

師兄唔好咁灰啦，有時正面DD咁去諗，依家唔只head fi啦，咩都比以前貴左好多，都唔關部機事嘅，唔好咁容易放棄啦。

odin1983

cyrusp 發表於 2016-1-12 20:31
其實燒錢都係儲ＥＸＰ，有邊個老屎忽無比過學費,不過見到人唔貴唔買,亂9入野反而覺得似新手,唔知自己想要咩 ...

非常認同師兄講法，依家好多人係用眼玩hifi，明明市場好多product，但睇黎睇去都只係睇果幾個牌子，我有個朋友成日問我意見，但叫佢去試呢佢又唔會去試，只係會話「下，呢隻平D wor，又係新牌子，會唔會買返大牌好?」其實玩機最初一定係唔識分咩冷暖聲，都真係要聽多D野先識分點為之冷，點又為之暖，又或者好多人聽都唔聽完全睇spec去買機，講到底其實都係個人價值者。

我自己玩機好鬼衰嘅，聽聲收貨，有無DSD都唔係重點啦(反正真正買到DSD File嘅地方唔太多)，最緊要播CD RIP出黎嘅file好聲就OK啦，我唔知係咪因為成日聽野搞到自己好濫，冷聲暖聲好多種聲我都覺得OK嘅，所以有時借機比朋友都會俾人鬧鬼我「下 IE800人聲好乾wor」(我呢個朋友聽開shure)，我都唔知俾咩反應佢好，只可以同佢講「其實口味好多種嘅，你要同糖鬥甜用鹽梗係唔work啦，音樂好多種嘅，拿你聽下D樂器啦，係咪包圍感空氣感幾好呢，再聽真D，BASS都潛得好過癮架」，然後又同佢交換機下玩下

BTW，其實玩head fi已經好幸福，其本上周圍都可以試機，試到果隻聲就係果隻聲，唔似玩hi fi試完買到返屋企又唔係果回事，仲要唔同舖頭都有特定牌子，有時唔知夾咩機係咩聲時真係要膽駁膽，就算買朋友借機運送都重好多。所以最後我都係建議我朋友唔駛錢但多D去耳機店試唔同牌子，連學費都唔俾去儲下EXP，反正試多D又唔會少塊肉，如果俾人聲咪去第間囉！反正周圍都係嘛

leong526

加油加油加油

tleonard

玩 Piano Forte X-G 就一勞永逸，根本無得換線。駁 840 歐羅嘅 Tera Player 或者一萬銀左右嘅二手 Hugo 已經係正到無朋友，Mojo 再平多幾千銀。

Mojo 嘅音質真係物超所值，唔介意玩雙層炸彈嘅話就掂過碌蔗，一部 iPod Touch 加埋 FiiO L19 就搞掂：


[youtube]tGjgMZ_OxSE[/youtube]

pak327

我玩樂器夾BAND都10幾年,對音質係有D要求,但都要計下條數嘛,合理價錢再要睇埋樣,咁先會買.
好多人話乜乜player好正,又DSD又乜又物. 大佬呀! 我連一首DSD 或 24/96k 歌都冇呀,又冇平衡耳機,咁未得物而所無用之地?
咁買完部乜乜player,又要我去買Hi-Res歌? 但好多我都冇聽開喎. 又要我去買平衡耳機? 唔好喇掛.

我而家用緊IM03+IPC出街,K812+Uaudio Apollo,都已經覺得好正.
係最衰而家部IPC壞壞地,先睇緊部Onkyo DP-X1,但大那那5000蚊買部player真係要試多D 先得,
過萬果D 真係諗都未諗過, 我有萬幾蚊不如買個CD盤好過啦