人生第一部AMP - Marantz SR5010

kyleckl · 發表於 2016-1-12 16:40

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 kyleckl 於 2016-1-12 16:40 編輯

上咗76應該有幾年了，終於可以開箱了！

一早已想買AMP好耐，一直做資料搜集，之後見平買咗Mordaunt-short 既超入門級書架喇叭先，仲睇緊AMP！

但有天老虎一句：你有位擺咩？

男人做野，有時真係一腔熱情，無諗實際環境！(或者講係入咗自己幻象當中)，所以Mordaunt-short被封印

之係加上小朋友出世，梗加無得諗！唯有乖乖用住3叔渣渣5.1先啦！

之後見到有師兄講用ONKYO 5.1套裝機推傑士，先諗到我都可用3叔駁Mordaunt-short聽住先！咁都唔識

所以Mordaunt-short破冰而出(封咗1年有多

)

直至，上星期初，有日半夜部3叔燒咗！唔知我定小朋友聽完歌無熄到機，所以.....

之後幾日聽歌要開TV喇叭聽

，聽咗幾日頂唔順同麻煩，

上星期六經過AV"生活"，問下P記59咩價位，其實幾靚價(星期日去友蛇道睇，都平唔過佢)

因為有師兄提過最好買可換電源線及有PRE-OUT既AMP，所以唔想買太入門既AMP，但59價位要做分期(因事前無諗住今月買AMP)

特然諗起 Marantz 5010 又可換電源線及有PRE-OUT 所以星期日再出去旺角睇睇

實價同59 差接近4K，決定轉玩馬仔(反正現在聽歌為主，有唔少師兄都話馬仔聽歌OK，就試吓啦！)

星期一提早放工，飛奔旺角落單(埋單$%@&))

同場試下隻好多師兄讚既 - JBL 530 及少D師兄提既 Sonus Faber - Venere1.5

兩隻聽歌，我木耳下都幾好(我自己鐘意Venere1.5多少少，但無試睇戲)

最後想講，呢幾年行過港九不同既HIFI店，係作為未入門既我，身邊又無人可問，其實係有D痛苦

因為喺店叫人試野，其實係有D難(因為無幫襯過又唔識你)，有D Sales 仲會黑面、講一D難聽說話(好似唔休做咁)，所以好多時都係得個睇字，無咩交流！

好在有76呢個平台及各位師兄姐既分享，令到新手門減少行冤枉路

另外我想讚一讚，我去過而服務及態度都好既店(人夾人緣)，唔好果D就唔好提啦！

76FriendsClub AV Gala - Sales 哥哥無得彈，比咗唔少意見及資訊給我
元朗，應該得一間"姐"，去過兩次(新舊店各一次)，老闆好傾友善同試咗無買都好態度，不過唔就腳要專登入去

今晚送貨，最快明天先有開箱圖！

P.S. 當晚返到屋企執下個櫃順手映下呢幾年入既"解毒片"