《新福爾摩斯》︰醒神第一擊

粗人敵卡

本身小弟自己都等緊第四季嘅播映，估唔到製作班底居然拍攝了19世紀時期福爾摩斯的故事，吸引了小弟專誠入場觀看，當然沒有令小弟失望。

劇情固然係電影最精彩的部分，死去的新娘復活的橋段拍得算引人入勝，唯一批評係後段劇情節奏有少少失控，twist位開始令小弟覺得無所適從，至於套戲後段係點小弟就唔會劇透，想知就入場睇睇。電影於重塑19世紀時期倫敦細節上做得相當仔細，尤其係福爾摩斯嘅屋企，電影完結後的製作特輯令小弟佩服製作團隊那種專業精神，連牆壁椅子等也做得相當講究。另外，電影節奏保留電影劇般快速，毫不浪費一分一秒，要觀眾專心觀看，小弟認為電影不知是否配合故事時代背景，節奏較電視劇慢了一點點。

演員方面，演員固然係保持水準，Benedict Cumberbatch做19世紀福爾摩斯，比現代版多了一份典雅，而Martin Freeman飾演嘅華生角色，較現代版的為囂張，沒有電視劇中經常被福爾摩斯牽著走，於守候公爵的一段對手戲兩人不停鬥嘴睇得相當過癮。令小弟意想不到的，係Mark Gatiss飾演的Mycroft Holmes，造型被現代版較為肥胖，肥胖原因亦相當可笑。Andrew Scott做的Moriarty保持著詭異與陰沉，上次007 Andrew Scott角色因為劇本問題令佢表現有少少扣分，今次演繹帶動後段電影劇情推進。

總括而言，《新福爾摩斯》為2016年帶嚟新的衝擊，電影劇情節奏明快，演出精彩，鍾意睇推理片或者劇情片一定要入場觀看。

粗人敵卡

另外
英國電視同戲院一齊上
不過戲院多咗廿幾分鐘making of

粗人敵卡

有無睇過嘅師兄入嚟分享吓

alleelarry

粗人敵卡 發表於 2016-1-4 07:30
另外
英國電視同戲院一齊上
不過戲院多咗廿幾分鐘making of

即係去戲院先可以睇「製作特輯」

alleelarry

《褔爾摩斯的最後奇案》，呢套有無睇過呢？
(Post76 Android 手機版送出)

jc2ssych

由於小弟幾年前只係睇左好早段嘅 Sherlock 電視劇，睇到 Moriaty 出場，至後來嘅 mind palace，不斷時間穿越，係完全唔知佢做緊乜。所以認為如果當獨立作品睇，算係處理得唔太完整。

從結尾長約20分鐘嘅 the making of 得知，呢部片長一小時多嘅係一部 Christmas special edition。
如果無耐性，一出 credit 就走，就更加一頭霧水。

粗人敵卡

jc2ssych 發表於 2016-1-5 13:18
由於小弟幾年前只係睇左好早段嘅 Sherlock 電視劇，睇到 Moriaty 出場，至後來嘅 mind palace，不斷時間穿 ...

無睇第三季結尾
睇到中段會有少少唔明