《史諾比：花生漫畫大電影》觀後感

Jason852

呢個係我第一個係度出既電影觀後感，平時係到只係CD ROM，由於我好鐘意SNOOPY，所以我睇完想同大家分享我既感覺

如果我無記錯 SNOOPY 係三十幾年前出過電影，果陣我重好細個，無機會入戲院睇戲，依家有呢個機會當然唔會錯過。

入正題


依家睇呢套花生漫畫真係好應景 聖誕節。故事大約都係講下SNOOPY 同查里追女仔
呢個年代既3D 真係新穎，但都保留到有手繪既傳統懷舊質感真係要一讚。
整個人物關係我覺得有啲似叮嚀，大約都係講查里誠實善良、乜都做得唔好又唔會放棄，傳遞出正面既勵志人生觀，SNOOPY就係大膽既實踐者。

電影係小朋友既夢想世界級,無話有真正既反派,只有內心交戰既手足無措，故事重拎左俄國小說"戰爭與和平"當讀書報告，呢個我覺得係一種嘲諷手法，同佢地呢班小學生做成強烈既對比。

電影企圖用大人既童年情懷回憶與新衣帶小朋友既吸引力去取得一種協調比例，創造出漫畫既延伸幅度，睇得出作者出用盡心力同哲學理念。

SNOOPY係冬季特別係堅誕既經典動畫，識睇一定係呢個時間睇。

alleelarry

Jason852 版友既真心分享，不如改為~原創影評~，可方便大家搜索

阿定

一套由心裡面笑出來的電影，3D場境不多，但都叫有少量空戰畫面比你睇下，完場後有彩蛋，唔好咁快除3D眼鏡！
(Post76 Android 手機版送出)