終於有時間出post了

hryu · 發表於 2015-12-28 02:50

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 hryu 於 2015-12-28 02:57 編輯

話說用了5年的飛記9500終於在10月底壞了, 於是便想找一部可以播放SACD的CD player。
因為自己越來越多SACD, 同埋之前一直知道單層的SACD係超好聲, 所以想見識一下真正的威力!
由於自己本身部Amp係用ECI 5 MKII, 而ECI 又出了一部新款的SACD player EMC1 MKIII, 所以想也不想就約了代理試聽, 當然不試由之可, 一試便中了, 只好乖乖比錢!

現在終於可以玩平衡輸入, 於是部機聽了一個月便開始物色平衡線和電源線。自己一直用開Neotech的產品, 覺得性價比甚高, 於是上網尋找用家的品評。最後先入了平衡線, 因為效果太好, 最後電源線也換了。這次真是一闊三大, 但這種升級真是值得的, 現在每天忙碌工作回家後, 便可以選擇自己喜愛的唱片, 靜靜地享受美妙的音樂!

以前一直有聽過換fuse的玩法, 但自己一直半信半疑, 作為一個發燒友(發癲友?!), 一切應該耳聽為實, 所以我用了一天的時間去作以下的測試。
測試CD3張如下:
CD1: Susan Wong Close to you - Killing Me Softly
CD2: 胡琳 Jazz them up - 頭髮亂了
CD2: Adele 25 - Million Years Ago

組合一: CD player 用原廠雞線, RCA 用雞無可雞的AV 紅白線, 原廠fuse

CD1: 聲音非常濛, 鼓聲無力, 人聲無神無氣, 高低音分別不大
CD2: 樂器聲明顯有點亂, 聲音也非常濛, 胡琳的聲線沒有以前聽開的矯姼
CD3: 可能錄音超靚, 即使雞線的組合也不太差, 只是空間感不足, Adele好似係很小的房間唱歌, 高低伸延不足

組合二: 將EMC MKIII fuse 改為HIFI tuning

CD1: 一開聲就很大分別, 音樂感好了, 樂器聲明顯比未換之前清楚很好, saxophone終於似番saxophone, 之前D聲根本就一舊舊=_=, 弱音也多了
CD2: 頭一段Intro 的聲音明顯很有音樂感, 節奏分明, 鼓聲有番D bass, 胡琳的嬌姼番晒嚟, saxophone 也不再局促, 上下伸延大幅改善
CD3: 嘩! 第一個感覺是聲音明顯響亮了, Adele 唱歌好有感情, 高低伸延比未換fuse之前好很多, 這個分別是很明顯的。不太相信換fuse 能改善系統的我也有點吃驚, 因為之前一直無玩過HiFi fuse
總結: 音色有改變, 但這個改變是不是改善真係好睇個人口味。係我嘅系統入面, 聲音有正面改善, 如果你話用幾舊水可以將整個系統也能提升, 我個人覺得這很值得, 音樂感上升, 人聲也變得清楚, 效果超明顯, 約有20-30%提升

組合三: 先換回原廠fuse, 只把AV紅白雞線換成Neotech Amazon 單晶銀平衡線, CD player用原廠雞線
CD1: D聲唔再濛, 所有樂器都聽得一清二楚, 人聲好有感情, D鼓聲一下一下不拖泥帶水, 高低伸延明顯改善, 弱音細節表露無遺, 音樂節奏明顯提升
CD2: 胡琳D嬌姼比換fuse的效果更加好, 音樂節奏感大幅提升, 人聲很有感情, 高低伸延, 細節, 弱音全面改善, 樂器和人聲融為一體, 令人想將隻碟由頭再聽一次唔想熄機! 中段玩樂器胡琳輕啍嗰段超級正!
CD3: 音壓大了很多, 空間感大幅提升, 細節, 弱音全部出番晒, Adele 再不在焗促的空間唱歌, 人聲感情全面昇華

組合四: 原廠fuse + AV紅白雞線 + Neotech Amazon單晶銀電源線
CD1: 聲音改善沒有換平衡線那樣大, 但細節分析力明顯好了
CD2: 分析力上升, 但音色沒有換平衡線大, 感覺換平衡線對整個系統的改善較大
CD3: 音場明顯闊了, 空間感, 分析力好了, 細節, 弱音也比之前好

總結: 換平衡線能使系統的音色大幅改善, 係我嘅系統入面有最少50%的改善, 效果超明顯
而換電源線就可以改善音場同分析力, 今次測試我覺得只有30%的改善, 我相信係因為AV紅白雞線是樽頸, 所以即使我用條靚電源線都唔可以發揮條線嘅真正威力

組合五: 原廠fuse + Amazon 平衡線 + Amazon 電源綫
CD1: 空間感增加, 背景很寧靜, 人聲很順, 很舒服。聲音是測試以來最靚聲的一次!人聲, 樂器聲, 尾音, 細節都清清楚楚, 人聲好有感情, 絕對令人一聽再聽!
CD2: 胡琳的聲音很精準, 樂器, 人聲配合得很完美, 背景音樂, 細節真的好到不得了。胡琳真像站在台的中央, 後面一隊樂隊每一個位置都可以分辨出來!是我暫時聽這張唱片以來最靚聲的一次!
CD3: 聲音一直在10點的位置作測試, 立即要調低至9點的位置。音色, 音場, 空間感大幅提升, 間屋好似每邊大咗3呎, 而Adele好似係你面前唱歌, 對喇叭完全隱咗形, Adele比之前更有感情 “I miss my mother, I miss it when” 唱到好似想喊咁, 尾音, 弱音, 細節全部清清楚楚, 背景音樂, 高低伸延全面提升!

組合六: HIFI Tuning fuse + Amazon 平衡線 + Amazon 電源線
CD1+CD2+CD3: 音樂感, 節奏感, 音場, 空間感, 細節, 弱音, 尾音, 分析力, 感情, 每一方面也有提升

這次升級測試令我清楚明白每一樣改動所帶來聲音的改變, 因為這也是一個很好的學習和親身的經驗呢! 另外想係呢度多謝2個人, 第一個係代理昌業嘅Barry, 我用咗差唔多3年嘅ECI 5 MKII已經食晒塵, 佢免費幫我吸塵同清潔, 而家部機差唔多同全新一樣, 哈哈！

第二個喺萬隆旗艦店嘅Creevy, 唔係佢, 我真係無諗過幾舊水嘅fuse可以有咁大驚喜! 我自己覺得其實換fuse性價比相當高。當然, 大前提是你係鍾意換fuse後的音色(個人口味), 否則講咩都無用!不過你唔自己試過又點知係唔係自己杯茶呢? 又因為將CD player換fuse後感覺良好, 我又身痕買咗粒比部Amp, 結果當然係....

同場加映重有一個箱, 先睇下各位ching反應再作分享! 謝謝觀賞!

P.S. 關於價錢, 各位Ching不用PM我, 因為一切都係睇你自己牙力, 哈哈！