等等下殺出一個程咬金 - Venturecraft VALOQ

kyle7

話說之前轉左用Aurisonics Harmony，用係N5 個陣發覺推力太勁，低頻太勁唔夾機。諗住搵部中性D嘅機試下，本身諗住等onkyo 部DP-X1，但到而家到未有行貨。。。所以。。。。

其實之前對venturecraft 嘅嘢無乜好感，佢嘅product定價有D高，性價比麻麻。但係見到佢出DAP，咪試下囉，又唔洗錢。一插卡，咦!?讀唔到。。。唯有試下機入面嗰幾首，人聲幾清，三頻平均，偏暖少少，有力，但始終唔係自己聽開嘅歌有D唔爽。坦白講，今時今日淨係support 到FAT32,有點兒石器。。但係我未有一首過4GB,所以我無視。返到去將張SD卡format 做fat32，以便有D機load唔到無得試。。。。copy 返少少之前個post 嘅野先 (sor，有D懶~XD)

跟住前日行行下街，心痕痕又去試過，今次用自己歌。一聽許美靜首傾城，隻手已經放左係褲袋，聽埋首hotel california，我比左錢。。。。先講UI，就好似國磚咁用，但個MON 嘅解像度真係低到一個極致，無得touch都算，解像度低到個album art 都起晒狗牙。但我買得DAP都係聽聲，唔會攞黎睇片上網，無所謂。我忍痛決定唔等DP-X1嘅原因係....因為聲實在唔錯，推我隻Harmony夠力又唔衝，控制力好好，鼓嘅力度深淺好有層次，搵D 齒音勁嘅歌 (許美靜-傾城、明知故犯，王菲等)，比我用N5 推嘅時候無咁刺耳，個感覺係之前刺到入耳仔，依家係只係聽到係前面。人聲好聽左，女聲有少毒。高音係三頻中算弱少少，但係都叫爽。音場真係開闊聽Hotel Califonia, D 掌聲遠近分明同時樂器聲分離度都表現到。

依家仲煲緊，新開機聲有D粗，部DEMO可能比人試聽左一段時間，DEMO個部聲已經實返，幼細左。

操控上，我覺得兩個dial，一個好好，一個衰到無朋友。。。好係個volume knob，好實，就算袋落袋都好難整到佢郁，有D阻力。

但係個控制dial 就真係。。。。飛歌同return 要㩒兩下三下，粒制已勁唔多好㩒，好驚㩒多幾下就㩒唔到。

不過換得OPAMP哩part 就幾好玩，遲D試下唔同嘅組合再寫下聽感~

等我再聽多幾首歌再同大家分享下~

cyber_look

恭喜晒師兄! 相信好多廠商都多謝ONKYO, 皆因好多師兄師姐都等到頸都長, 始終都未有DP-X1,

最後敵不過佳節臨近, 望穿秋水而決定轉會.

cyber_look

其實上個星期都試過呢部, 個聲係令到我有D心郁,

但現在用MOOV聽歌反而佔左3/4時間, 因好多歌搵唔到SOURCE(買都買唔到)又或者一隻碟中只喜歡其中一至兩首,

所以暫時都只有乾等.....

kyle7

cyber_look 發表於 2015-12-25 18:55
其實上個星期都試過呢部, 個聲係令到我有D心郁,

但現在用MOOV聽歌反而佔左3/4時間, 因好多歌搵唔到SOURCE( ...

因為我唔用MOOV、Tidal 等聽歌，始終鍾意Rip 歌 同買高清source file。所以對我黎講ok 的

hzehk

佢開埋個 USB DAC 咪可以聽 Tidal 囉。PC/MAC 唔擔心，但唔知個 USB 支不支持 Android 手機呢。