復出

andy8888

【on.cc東網專訊】歌手盧冠廷（LoLo）為新碟《Beyond Imagination》舉行喜報會，老婆唐書琛亦有到場支持。大會公布三大喜訊，第一個喜訊是新碟達白金唱片銷量，售出二萬張，更即場頒獎證書和白金唱片。第二個喜訊則是LoLo明年將推出新Hi-fi碟，第三個喜訊就是明年6月，LoLo會再登紅館開演唱會，眾人亦為他送上大型演唱會門票。對於種種喜訊，LoLo在台上用專輯名稱表示心情是「Beyond Imagination（超乎想像）」：「估唔到退休人士出番嚟做嘢咁大回響。」

新碟翻唱經典舊歌

LoLo接受訪問時，他坦言對於三大喜訊感到驚喜：「梗係估唔到，諗都唔使諗，多謝買碟嘅人，所以嚟緊我都會盡力做好新專輯，希望比呢張更好。」他透露新碟會翻唱之前為其他歌手創作的金曲，但則謂太多而未能揀定：「唱片公司會一齊同我揀。（大約會唱邊幾首？）唔會講大約邊幾首，我作過歌畀關正傑、張國榮、徐小鳳、林子祥等人，好多都好Hit，所以好難揀，又要揀隻適合我自己發揮到，但我到時都會有新歌，唱片公司話如果全部新歌就好嘥，1、2首勁已經夠。」

唔慣忙碌生活

他又笑言未慣現時很忙的生活：「直情唔慣，退咗休咁多嘢做好唔慣，好驚做唔嚟，壓力好大。（老婆有冇幫你？）佢幫唔到我啲乜，都有叫我唔使驚、鎮定啲，時間好急。（開幾場？）未定，淨係知暫時六月。」

揚言林子祥實幫手

講到繼2008年後再在紅館開演唱會，他表示：「嗰次開完話100歲唔死就再開演唱會，估唔到未到100歲就可以再開，生命真係充滿驚喜，預測唔到未來，所以盡量Enjoy，身為一個Artist，有機會出番嚟做嘢已經好幸運。（到時會唔會請林子祥等好友做嘉賓？）唔可以講住，不過佢哋都係例牌貨，哈哈！都咁耐朋友，一定會幫手。」

暫冇諗退休

而講到聖誕節，可會放假讓自己休息？他則大呻：「冇時間放假，做緊電影音樂，出年先去玩。（等出年做晒所有嘢先至玩？）但聽聞好難完得晒。（有排唔使退休？）退休都唔係好事，專家講keep住做嘢、有興趣、有目標人會長命啲。」
(Post76 Android 手機版送出)

文次郎

咁即係，阿盧要儲多錢退休，不經不覺地從你袋拿M……

c6001445

"我到時都會有新歌，唱片公司話如果全部新歌就好嘥，1、2首勁已經夠", 唱片公司不思進取態度可見一斑，只叫歌手不斷翻唱舊歌


(Post76 Android 手機版送出)