10000換耳機一問

clementpang

Ching好，小弟用緊cayin n6+vantam r627+velvet，暫時覺得唔喺幾夠喉想升級，宜家覺得有呢幾樣唔好:
樂器與樂器之間分得清楚，但係人聲同樂器係同一個層面好似疊住左咁
音場幾好，但係想縱向深d(想個人把聲企前d)
人聲暫時ok，想少咁啲啲齒音，同埋想人聲前多少少，但係唔想好似fitear parterre同846咁出
低頻唔需要量好多，可以再有彈性d同深d就得(暫時呢個組合既情況幾好，當然升級會想再好d)
中意少少口水聲(即喺平日遇到唔如意既事個下"gip"既溫柔版，唔係齒音)，感覺好清晰咁，宜家velvet聽得出，想keep住或者多啲，加上幾中意高分析
不值有8000至10000。
中意廣東流行曲，快慢歌都有，少少偏女聲，唔聽rock/electric。尋日出左去試s-em6，334，heaven viii同angies，334音場同口味唔太啱，viii背景音樂分析唔夠高，angies覺得人聲有啲散唔夠集中(好似成個氛圍都聽到個歌手把聲咁，定位唔到企邊個位)，本來最大期望喺s-em6，始終同一個牌子，但喺一聽第一個感覺唔知點解覺得人聲好矇，聽真啲原來喺有小小厚聲，加上唔夠清(?)(比起velvet黎講)(唔識形容，或者應該話，個歌手每唱一個字，個字就好似有泛音咁，拖長左少少，唔夠快發完個音節，雖然好輕微)，女聲多左份成熟穩重既感覺，同網上睇既review好唔同，唔知會唔會係隻demo有啲問題，velvet既話就喺比較清脆，音節相對快完，想問ching有無10000樓下，通透d，音場比較大，人聲少少出既耳機介紹??唔該曬ching

aronchee0599

你試 Astell&Kern x JH Audio Angie 時用3.5mm定2.5mm頭? 出來效果可以好唔同

仲有你會唔會考慮CM?

kkwkk

aronchee0599 發表於 2015-12-22 10:59
你試 Astell&Kern x JH Audio Angie 時用3.5mm定2.5mm頭? 出來效果可以好唔同

仲有你會唔會考慮CM? ...

去試下 Fitear Private 333
(Post76 Android 手機版送出)

aronchee0599

kkwkk 發表於 2015-12-22 11:23
去試下 Fitear Private 333
(Post76 Android 手機版送出)

Fitear 聽男聲......

cyber_look

少少意見，我用緊s-em6，用原裝線聽時有你所講的情況，但未至於咁嚴重，而低頻係滲出來那種，好舒服。

買時sales更加毒我試條金銀線，結果一換上再聽，完全唔同晒，音牆和清晰度都昇華左，完全係第二個境界。

最終搞到我食樹皮日子再加，決定一步到位。到現在聽左好幾個月完全無後悔。

以你現在budget再加多少少就可以。

sum_gor

遇到知音人了 小弟用緊N6+Crystal Cable過機+HPV1膽擴+ALO SXC8+Velvet.   當初唔換線唔加擴直推，並不會冇立體感冇分離，只係效果唔夠出。之後換哂線加埋隻膽擴，成件事唔同哂。。。隻擴已對立體感，音場及分離度有明顯幫助，但最大效果始終係條耳機線，將唔同聲拉開左好多，現在背景音樂同bass同人聲絕對形成出幾層layer的結像，不會如樓主所講幾樣野保持在同一layer上。效果於中頻最明顯，高頻黎講Velvet算laid back 得少但效果仍會收少少，低頻及鼓的質非常滿意，係我聽過隨身組合中最清翠最實最detail分析出一下一下鼓棍同鼓面撞擊的聲音，量應該對bass迷黎講唔算特別多。齒音講真一直都唔覺有，吸氣聲好易聽得到，而口水聲口形聲局限環境下會容易聽到-音樂太多當然難分析，但如音樂清清地簡簡單單的話絕對冇難度。個人黎講除左以上立體感及分離外，比較毒的聲會係空氣感及尾音的回音聲，令人feel 到尾音申延同個studio的空間結像，例如最近聽  莊心妍-我不會在老地方等你  入面尾二果句「依然清晰  雖然很痛~~~]  個痛字用震音拉長，加埋空氣感同尾音完結之後果下回音申延，莊心妍本身把聲倔強得黎又甜中帶少少沙，真係非常動聽。。。

近期lee套組合都幾退燒，不過都keep 住試緊有冇其他組合可以同此組合有類似比較，耳機黎講我都好積極地揾d 旗艦級黎試，如Angie,  Layla,  K10A, Jupiter...滿意程度都未如現在所及，Angie 同你分析的略似，Layla 就空間感及分離度的極致，但聲底都係未夠清同d 音樂感有 d over 左令中間堆聲有少少互搶，K10A 做出的效果未十足十但都較類似Velvet, 但聲會輕微不夠亮，人聲後左dd, 換線試會好好多，Jupiter 清清地幾好聽但不願致評因為新demo 一定未煲好。

重要一提，Velvet 的銅鈸聲(即金色果塊鼓碟) 亦係聽過之中最正常的聲音，上面d旗艦(唔計Jupiter) /好多耳機發出的銅鈸聲係會散埋一pat 野，好似d金屬聲打左格仔咁，什至刺耳。不坊研究下此銅鈸聲。當然，以上旗艦級如換左線，i. e. 銀線/金銀線，好可能改善好大或超班，但小弟未試到此地步，有待其他師兄研究下。

clementpang

cyber_look 發表於 2015-12-22 12:09
少少意見，我用緊s-em6，用原裝線聽時有你所講的情況，但未至於咁嚴重，而低頻係滲出來那種，好舒服。

買 ...

師兄可唔可以詳講下，換左線之後大概點樣改善左?仲會唔會咁厚聲?因為小弟都幾中意earsonics聲底 :)

clementpang

aronchee0599 發表於 2015-12-22 10:59
你試 Astell&Kern x JH Audio Angie 時用3.5mm定2.5mm頭? 出來效果可以好唔同

仲有你會唔會考慮CM? ...

Ching你好，我試果陣用3.5出咋，有咩分別ching?cm唔太考慮因為無二手市場 :)

cyber_look

clementpang 發表於 2015-12-22 12:59
師兄可唔可以詳講下，換左線之後大概點樣改善左?仲會唔會咁厚聲?因為小弟都幾中意earsonics聲底 :) ...

音場闊左，人聲清左，動態大左，對耳機好似換左.....咁囉

我建議你可以去d線舖換黎試下先，看清楚自己的要求，再決定換線定換耳機

cyber_look

可以集中試你現在budget的三分一或以上的線，因細價位的線可能與你原裝線無乜分別