《星球大戰：原力覺醒》

freestylemen

作為一個戲迷（業餘果種），對於星戰呢的大作點都要入場睇睇先心息。首先交代一下我的背景，我戰星前三正三都有睇晒，仲不時重溫，但老實講絕對唔覺拍案叫絕，尤其前三我覺得其實唔太好添，但星戰就有著魔力，時不時又想重溫下，或許是合我口味，喜歡戰爭加個人主義。

入正題，係我無壓力之下，尤其無既定立場例如「要係咁先算係星戰」，我又覺得呢套唔太差，起碼悶場文戲不多，戰爭場面都叫刺激，音響又勁（註，我都係喺呢方面業餘，站我立場我收貨）伏線亦唔係認真多，我又唔覺得有好多謎團，因好多ching咁講，真奇怪？希望大家吹吹水。接下來有些劇透，請注意！

呢集最失敗係人設（上文已提及我是個人主義愛好者），正三好多角色的造型都獨當一面，碌、賓（o b wan)、漢等都係型英正，仲有歹角，就算渣巴都好有霸氣，去到前三已經算差，但仍有幾隻手果個機械國王、花面貓好快俾人攪掂果個武士都算有印象，去到今集，黑人角色求其，女角唔好睇，就算是第一歹角（尤其除件蓬得個頭盔同塊真面目）有點想笑。
歹角真係做得有點差，其實幾喜歡佢喜怒無常内心爭扎的設定，明明內心脆弱又要扮堅強，要靠對住黑武士個化石頭盔來增強信心，奈何真面目示人之下勉強看到佢㥬惶無助，但轉眼變邪惡又完全feel不同，雖然預左佢會刺落去，呢下要學下陳展鵬無記劇飾演精神分裂，喊晒口轉眼變邪，完全有樣睇。
女角得到力量又好突然，老套路下應該出場時灑幾下小把戲等人知佢有神奇力量但又未到精，咁起碼唔會咁兀突吧，樣貌唔係我杯茶衣著又老土，唉！

劇情方面就要睇大家的接受情度，又係果種碌條友教左個徒弟變敵人，創造了個對手後又走左去。最大問題是為什麼大家一定搵到佢（碌）？為什麼就是關鍵？個個要摷佢？我只認為因為佢自己攪出黎，所以要搵佢算帳，否則駛鬼佢？這是另一謎團？但我只覺說服力不足。好多劇情都是抄考正傳，但公主當時係無計可施敗象呈現先唯有搵賓救駕（得返呢個老坑麻），反抗軍今次幾有規模，根本多個人唔多，雖然我真係唔知點解何來反抗軍，上次就話黑帝國成形，反抗軍=革命起義，最初勢孤力弱，今次明明邪惡剛剛先掘起，共和仍然是主導。白兵雖然改左first order但仍逃不過嘍囉的宿命，仍沿用人海戰術，係咁射又唔中目標，主角們應該得到神的眷顧，不斷一鎗一件咁掃低佢地，所以正義是必勝，我只係奇怪靠呢班嘍囉點打個帝國出黎，難怪要用複製人，咁死法邊夠人用啊？個銀隊長又無銀用，原來是有對白的大茄，仲要唔男唔女，仍是一個謎團

我覺得呢套唔錯、可以一睇，係仍然俾到我可以激起人心的感覺，有高低起伏，其中要數仍有果種俾人打到落花流水，無啦啦反抗軍黎到救駕、震奮人心的場面，雖然唔知點解反抗軍會收到風，這就是好多ching說的謎團？（笑）
搵果個死仔碌又搵得求其，砌完砌圖就搵到，碌仲要企定係度等（是拘捕吧？攪到一鑊粥又閃左去），不過下集都會睇（是因為上文所說的魔力驅使我吧？may the force be with u!

lw3000

我係imax 睇 , 我覺得差到貼地, 我訓咗超過60% , 畫面–般 , 聲效更差 , 故事.......不是jdei 也識 原力....................

solidsnaker

點解resistance收到風係因為在驛站那裡有個機械人話要通知叛軍他們失踪的BB8在那裡！而且另外有個女的外星人通知First Order. 我反而嫌太多伏缐拖長來做！但他深明導演拿著星戰這包伏壓力是很大的！

粗人敵卡

有人分析話套戲同1977年第一集
大橋差唔多完全一樣
小弟睇完都覺…
歹角真係好唔掂

alleelarry

雖然未睇，但大概也同《侏羅紀世界》一樣，名為新一集，但骨子裡又是集結了之前的「成功要素」！

freestylemen

alleelarry 發表於 2015-12-22 08:01
雖然未睇，但大概也同《侏羅紀世界》一樣，名為新一集，但骨子裡又是集結了之前的「成功要素」！ ...

Ching 對的，是「想」集結之前的成功要素，但未到位，最明顯要數「鬥咀」緩和全片氣氛，之前全片穿插著兩個機械人或海盗與公主，現在...ching未睇，我只能俾個心理準備你吧
我諗星戰之所以成功是因為夠多元化吧，機械愛好者、愛情、戰爭、科幻、諧趣...因為我是後追，上映當時未出世或剛出世，我成日都覺得佢似劇集多過電影，尤其分鏡手法，碌其實由始至終都是胡混過關，正1不用說，只是初出茅廬（最古怪要數碌話要同uncle佢地一齊，唔肯跟ben走，轉頭回到家看見成個家散晒，馬上就話跟ben走，好似無感覺咁？好兒戲），正2仍敵不過怪獸差點無命，去到正3仍然是維持係口舌之爭，不斷警告人自己幾厲害但又不斷陷險境，最後都係幸運劈到武士隻手，都係俾人救先攪掂

freestylemen

粗人敵卡 發表於 2015-12-21 19:18
有人分析話套戲同1977年第一集
大橋差唔多完全一樣
小弟睇完都覺…

的確是有很多相似的地方，問題就在這裡，你抄考正傳是正路，免得俾人話改到面目全非，孭唔起呢個罪名，但有否考慮時代背景不同呢？夾硬塞落去會攪到好怪

freestylemen

solidsnaker 發表於 2015-12-21 18:17
點解resistance收到風係因為在驛站那裡有個機械人話要通知叛軍他們失踪的BB8在那裡！而且另外有個女的外星 ...

原來如此，只留意一個通風報信給惡勢力
不過加多幕都講唔通，知道個機械人係邊，又邊會call恆馬去救駕呢？明知惡勢力會追去，咁都會打鑼打鼓？
惡勢力話知道係邊要去霖友就話者

nicebeebee

lw3000 發表於 2015-12-21 17:39
我係imax 睇 , 我覺得差到貼地, 我訓咗超過60% , 畫面–般 , 聲效更差 , 故事.......不是jdei 也識 原力... ...

CHING那位"不是JEDI"都有原力? ...不過其實人人都有原力 原力強的人可以訓練做JEDI,而唔係做JEDI先有原力

nicebeebee

freestylemen 發表於 2015-12-22 10:55
原來如此，只留意一個通風報信給惡勢力
不過加多幕都講唔通，知道個機械人係邊，又邊會call恆馬去救駕呢 ...

CHING.....我覺得call恆馬去救駕無問題喎講到找LUKE好重要,反而派兩三個人去先怪,