最終選擇合併機皇Pioneer LX89+ BDP LX88(報告已出，第10頁)

kelvinchan

fm31331 發表於 2015-12-24 22:45
jj師兄，加埋你簡直三大戰場

如果有機會親身試晒三大戰場你話幾好呢fm兄
(Post76 Android 手機版送出)

fm31331

kelvinchan 發表於 2015-12-24 22:49
如果有機會親身試晒三大戰場你話幾好呢fm兄
(Post76 Android 手機版送出) ...

絕對認同 正到不得了！

sharkpigyu

kelvinchan 發表於 2015-12-24 00:14
小丑兄都啱?
(Post76 Android 手機版送出)

好野邊個唔啱！

kelvinchan

fm31331 發表於 2015-12-24 22:59
絕對認同 正到不得了！

希望快D有機會去試啦

kelvinchan

sharkpigyu 發表於 2015-12-24 23:05
好野邊個唔啱！

小丑兄屋企都好正架播

qaz123

jj3380 發表於 2015-12-22 19:17
P記89開箱後第一個驚喜唔係佢嘅聲，而係佢畫面，無錯，係畫面，事實上的與103D畫面分別都頗明顯，89唔係一 ...

師兄 , 報告完了嗎?

jj3380

88，89煲了2星期左右，其實一直都在改變中，88真係越煲越靚，早2日有朋友聞風攞部103D到來作比較（兩者價錢分別約$3k左右），今次用The fifth element（Atmos版）在投影機作比試，88比103D人物膚色出得比較自然通透而103D略帶灰暗，88在物件質感亦較為真實及強烈，整體顔色88確實開心豐富很多，層次及立體感亦較明顯，始終兩者相差3千多圓，所以88大比數勝出也是合理的。而我自己感覺是換了88後直情好似換咗投影機感覺一樣，原本打算換投影機的意慾又可以推後到JVC出真4K後再打算。

唉！至於89，其實由M記前級轉會P記89合併真係幾難出報告，我諗大家可能都會有點明白，所以我今日寫主要針對89而出報告，由第一日autocal完開聲已經覺得沒有換錯機的感覺，唯一可挑剔就是播古典或小提琴是欠了一份味道，而在這2星期日子裡，希望再煲熟d及再深入了解及使用MCACC的強大功能再看能否發揮到89極限，到今日為止，89煲練相信已有足夠，以我喇叭組合不同設定測試中，覺得最理想是除了中置設定為small/80hz外，其他設定為large最為理想，為什麼不設定在50hz而是80hz？原因佢設定80hz是連帶subwoofer個crossover，所以80hz是別無它選，但中置set在80hz也不會覺得人聲會單薄或者不夠質感，如果你想改變中置，其他喇叭甚至乎subwoofer的厚薄或各段量感，89可以讓你進入EQ更改其autocal後的數值，我就將subwoofer的31hz位加大了3db以改變prx718的下潛不夠深的特性，其他聲道並沒需要作出修訂，而另一個非常重要的及很多人忽略的，就是autocal完就直接播歌睇戲，其實89 MCACC autocal係以75db左右為音量作標準，我自己先會在all channel去加大3-4db，呢3-4db可以話等於一個gain掣，加幾多要視乎喇叭組合同空間而定，set太高可能會燥，set太少或唔加會欠缺動態，所以自己要試，做完呢幾項修改已大致完成。

如果89你問我屬於咩聲？我會基於之前所用的前級作參考，如以性價比及音效質數計，我會給予90分及推薦給打算換機或升級的朋友，呢次換了89後給我一個啟示，以後選擇AV amp時一定要了解其房間處理軟件為首要考慮因素。

優點:

1，89係一部準繩度極高(MCACC功勞)，所謂定位準包圍感強已經唔算係咩優點，呢個祇算係一個標準，最重要是之前從未試過發揮到雙18"的"精準"，精準原來可以令到各頻段交代得咁清楚，而subwoofer時間相位精準確實令到電影裡的空間感，立體感大幅提升，尤其是要處理一隻subwoofer以上的房間內。

2，沒有太重日本個性聲底，d聲唔會好似焗住一個空間內，高音可以做得好輕，播人聲有質感，播動作片或槍彈聲punch感十足，而超高有不錯的伸延性。

3，平衡度很好，基本上經MCACC autocal完各頻段已非常平衡，後期略作修改可配合個人口味，呢個係MCACC強項。

4，速度快動態狠勁，乾淨利落，完全唔會拖泥帶水，音效並不有悶的感覺，如果喜歡聽live BD或者睇動作科幻片的朋友，呢個一定屬於89的強項。

缺點:

1，遙控沒有鍵盤燈，睇投影時要帶住電筒旁身。

2，沒有説明書，以MCACC複雜程度下下要係手機慢慢揾非常不便。

聲明: 以上純屬個人眼耳用後感覺而已，如有準買家眼耳試後出現分歧者，實屬不幸。

qaz123

jj3380 發表於 2015-12-26 23:18
88，89煲了2星期左右，其實一直都在改變中，88真係越煲越靚，早2日有朋友聞風攞部103D到來作比較（兩者價錢 ...

睇完師兄詳細報告剛剛再出去試過 , 毒癮起而家等緊出bonus出機啦喂