昨天上信和13/F買碟, 比佢問候.........

slche2001

昨天上信和13/F買碟, 比佢問候.........

事緣而家返工地點遠左同忙左, 已有兩個多月未有上過去, 剛剛昨天星期六下晝有時間就上去啦, 點知入到去.........


COOLMAN 問我做咩失左蹤咁, 我話我工作地點遠左無時間黎, 佢問我"沙頭角?" 我話未至於, 個地方點都收到手提, 佢笑住話沙頭角都收到手提架, 其實當時佢點緊貨架, 我話你繼續啦, 你點完我先落Order, 結果響唔影響到佢之後, 就入左以下貨品.......

話佢態度唔好咩咩咩..... 唔........ 我唔信囉, 我唔算大客仔, 只係我對你你對我好咁囉!

見之前有人講仲好笑, 話自從嗰個Post之後唔夠擔再上去, 吓! 人講你就信, 自己未經歷過就當真, 咁我話地庫嗰間咩咩仔好好態度記得多D幫趁唔通你又仆倒咁去咩, 總之, 點解有嗰個Post, 大家心照啦!

許諾

討論區留言我不會太相信，自己感受最真實。對於我呢D小客戶來說，絕對滿意。會幫我留碟又主動問要唔要海報，其他舖未必會。而且幾佩服佢一個人搞掂晒所有野。

論黑面，我首選CD warehouse 朗豪坊。

koo9726

只是不同人不同際遇！

CPU

我覺得有師兄出post話佢鬧人並非無中生有。你同佢friend佢梗唔小你（與order 大小無關）！再者佢可能見到有人出post話佢，佢自我檢討後改善了待客之道亦唔定？總知，做服務行業，首要以客為先，看來劉德華嗰段宣傳片要翻播了。

lamwaikit007

我由佢搬入信和 開始幫襯，每次都買好少碟，但係咁耐，都冇被佢 話過 和 鬧過 噃。

slche2001

lamwaikit007 發表於 2015-12-20 16:17
我由佢搬入信和 開始幫襯，每次都買好少碟，但係咁耐，都冇被佢 話過 和 鬧過 噃。 ...

算啦, 佢咪就係話睇完個Post話自己驚左唔上去嗰個囉, 即係人講咩都信咁囉!

kl122002

最近我都唔明, 呢個沉左一段日子的post近2-3日又被人提起. 唔知有咩意圖, 又唔係好明家下有D咩意圖
http://post76.hk/forum.php?mod=v ... &extra=page%3D1

另一個真心唔明係 有D人被人問候仲要去死死地俾錢, 其實你唔妥佢, 放低只CD頭不回走出去.
搞咩受虐完之後仲要去呻被人虐待甘奇呢? 真是得香港先至有.

byingfung

其實.......我都比coolman問候過不過我又問候返佢不過我地唔係鬧交，大家都唔係鍾意將粗口掛响口嗰種人，只不過男人有時傾計就係咁，開心夾雜一d粗口，唔通要滿口之乎者也？網上留言係真定假？真係算罷啦！

35ti

基本上只有我問候coolman,,客仔吖嘛！
他那會反問候我呀……
吹水之樂也！

brotherkei

初頭幫襯13/F都覺得佢懶cool懶串咁，後來去多幾次就發覺佢根本冇乜野，仲可以幾nice添！

呢度咁多負能量人士／posts，各位師兄心照啦，睇嗰陣要自己filter吓喇。