法國妹 Devialet 被開苞後補完計劃 ... 終於認識阿 S.A.M.

ivanyiu · 發表於 2015-12-14 11:28

本帖最後由 ivanyiu 於 2015-12-14 11:27 編輯

本來想等埋個 SAM profile 先出 post，不過諗認下，我潛水潛左咁耐，梗係分開兩個 post 呃下分啦.

星期六，本來都好趕，因為公司有仲有野做，但係星期五呢，我就同方浪 King sir 有個約會，約左 Devialet 既工程師幫我收集同建立 KEF XQ 40 既 S.A.M. profile.

首先想講既，係一大份欣賞，我玩音響都一段日子，從來冇諗過有一間代理公司，會四出家訪地區性咁幫用家收集數據完善個音響系統。讚!

法國工程師呢，態度好親切，亦斯文靚仔，好落力咁同我分享 S.A.M. lab 既技術，十分咁健談，睇得出來對自家既產品係充滿信心同熱情既。

去相先:

SAM Lab 自己為左準確收集喇嘛數據，發展左一套軟硬件去做呢件事，上圖係 set 緊一支 laser, 要黎量度喇嘛鼓膜既震幅既。

透過調輸出既 voltage, 達至喇叭輸出更接近原音。有關技術可以去 Devialet 官網睇下，我 physic 差，唔多講喇。

S.A.M. Technology

你睇我試 SAM 同 No SAM 個樣幾留心

SAM profile 會 send 番法國工程部，我諗星期一有得 download 黎玩架喇。

King Sir 去左邊呢，佢好落力架，你見佢要黎測試既 LE 200 係 King Sir 自己托試黎架，因為有師兄未有機，佢全套架生齊備咁出發。全程拔拔插插都係 King Sir 攪哂，我唯有沖杯靚咖啡考敬下佢咁囉。

真心講，我好意外有咁用心既服務同公司。我俾 100 個讚，不過唔好成日都問我有冇試過行 companion, 我唔會中計架，因為仲食緊樹皮。