如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
臉上泛著微熱 髮上結著紅蝴蝶
正是那段往事 我思憶中的七月
讓失去的感覺 又進入我軀殼
再乾半杯再找童話國
故事簡介
少女時光明媚，但歲月不靜好，不快樂的梅，要獨立救自己，走上網交路，她最後的恩客，是聰。索K 索high 了，我想死脫口而出。梅帶出臧Sir，負責查她的死因，臧Sir 很怪，會在案發現場拍照留念，不是不想破案，但對人的底蘊更好奇。他很快尋到聰，一個三失青年，跟梅一見如故。真凶殺案改編，不問誰是兇手，只問為甚麼。翁子光第三作大大開拓野心和電影視角，跳躍時空探討失落的世代，幕後三大師杜可風、廖慶松和杜篤之聯袂助陣（掌鏡、剪接、混音），吳里璐精心改造郭富城。這個臧Sir造型突出，花白髮黑框眼鏡不修邊幅
上星期日睇左導演版...
本來都無諗住睇, 因為見又係城城破案, 但再細心一睇, 咦... 好似有D特別咁WOR, 即管睇下先.
呢套係一部幾SAD既電影, 並唔係純粹破案就算, 而係用一件碎屍案作藍本既故事. 帶出現實中既真實一面.
除左故事上表演出陰暗面之外, 剪接, 攝影同鏡頭既運用都好正, 可以話係另一面既港產片(雖然唔叫做新野), 總算係一個突破.
郭富城所飾演既臧Sir, 並不是只為求破案咁簡單, 佢最想知道案件中背後既真相, 但往往真相係最難了解, 甚至係最唔應該知道既事實, 因為對佢, 甚至兇手都係一個痛苦既回憶. 我覺得城城對呢類角色都唔駛多懷疑, 因為C+偵探已經扮演得活靈活現, 今次以老態扮相帶出一份老經驗既感覺, 值得一讚.
金燕玲扮演女主角既媽媽, 係我其中一個最鍾意既角色, 佢唔算係一個好媽媽, 但如果以單親家庭黎講, 加上要養3個人黎講, 除左壓力大之餘, 痛苦並非人人知, 可惜環境及社會令到佢呢位媽媽每每都飽受傷痛.
白只所演既兇手, 外表睇落有D似林雪, 真係難以睇得出殺人既禸在, 但其實佢帶出既感覺係一種無助同被逼既生活中尋求一線曙光既人生, 最後所帶出既故事實相(?)是真定假已經並唔重要, 因為佢地都係背負生活上既包伏而活下去.
春夏為電影女主角, 亦係案件中既死者, 單看外表唔難會認為佢只係一個貪錢既援交妹, 但其實有幾多人會去聽佢地既心聲呢?
電影開始時我有一種感覺, 佢响東莞著一件比較清爽既外衣回家, 我唔知係咪電影上既原因要佢咁著, 但我係覺得為左帶出佢既青春美而引導出援交呢個字眼. 佢既來港生活的確係為佢人生帶來360度大轉變, 亦係令佢成為案中死者既主因之一, 究竟係生活既逼害, 還是做人的確好辛苦? 我都唔識答.
整體黎講, 10分我會俾9分, 主要係攝影同剪接方面, 尤其是最後春夏唱歌一幕, 嗰種無奈, 無助, 再沒有快樂既人生跟想像中既人件作一個對比, 做得好好.
.
.
.
.
多謝欣賞
|
發表於 2015-12-8 22:15
樓主
