如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 mike384 於 2015-12-1 09:10 編輯
今次當開箱文寫啦, 不過開箱相就算啦, 個個盒同支鏡都係咁架啦, 有唔同就慘LOR.
自己係喜歡用定焦TELE的人, 講穿左係懶得構圖, 因為定焦TELE一對埋去就係咁, 有唔滿意時, 用對腳行前行後就得, 變焦會多左一樣野去扭, 其實唔算太慣.
但家中個支300/4, 唔加TC係好滿意, 但加了TC影近野還可, 一遠就見真章, 呃唔到人了.
所以不嬲都想有返支500或以上, 奈可500/4供得起都拎唔郁啦, 認為會大大減輕自己的出動率.
而早在TAMRON公佈了150-600(是為同廠200-500的後繼)後, 就心郁郁, 但都知道T記的質素同價錢係成正比的, 所以冇太期待.
到了SIGMA又話出150-600, 重分S同C出, S係幾睇好的, 但一睇重量, 2.8KG...即時縮左.
一連三次失望後, 最近表現麻麻的N記, 居然話出200-500, 重要F5.6, 真係開心左一輪, 但見到係MIC又有D驚, 事關早兩年入MIC支28 F1.8時, 真有QC問題...
但係網上同朋友的口諀下, 終於都決定買支返黎玩, 呢期都算火, 好多地方都要訂先有.
而前兩日終於到手, 開開心心落去公園, 係咁易影返兩張試鏡相先~~~
由於離隻雀都有D距離, 相片係有CROP的,執就用相機執少少SHARPNESS同色水, 同CROP, 冇大執的.
咁分開SPEC講返支鏡啦:
1. 重量, 2.3KG, 比起玩開的300/4(1.44KG)係重了近1KG, 的確唔可以咁長時間手持, 但未到手持唔到, 想換減磅相機帶去幫輕下.
2. VR, 相當後, 500MM全開時, 近距離用1/200影隻麻雀都冇太明顯的震動(有些微)
3. 對焦環, 唔太慣但算順暢
4. 變焦環, 初期有DD緊, 已經習慣了, 自己真係唔太喜歡變焦, 長扭500MM, 不過影花同遠景時的話, 都真係可以學下構圖
5. 對焦速度, 不算慢, 但唔快, 行程較長, 由無限去最近時其實會迷的, 建議手動轉左大半先好AF
6. 成象質素, 夠利, 好滿意, 未太詳細去試, 但初步見到D紫邊比300/4略好
7. 電子光圈, 真係冇乜太講究, 不過怕佢壞架...
8. 外觀, 都算靚仔, 會入返套砲衣畀佢
整體黎講, 呢支係抵玩的, 對於想影雀/運動/火車/飛機呢類野, 又唔想用大炮的人係一個福音(暫時啦, 早期的AF問題都好似搞定左), 但始終都要一皮野, 建議出鏡時試清楚D最好啦.
例相兩張小翠先, 其他相遲D再加啦.
當時天色已晚, 所以都係ISO1000, 影出黎都暗, 再推光的,所以渣多左少少, 大家多多見諒
(呢度得500K, 所以都RESIZE左, 純屬參考啦)
|
發表於 2015-11-30 16:30
樓主
