阿倫預告溫拿跨年開騷呃利是

andy8888

http://toronto.singtao.ca/416114 ... 8%AF/?variant=zh-hk

CPU

得罪講句五個人加埋幾百歲，俾錢聽佢地唱K，中場仲要氹波鐘利是，真係唔會去啊！（溫拿歌迷請隨便插）

ant9284

比錢仲要聽阿B兩個女唱歌都係受罪

文次郎

又話開幾多年演唱會、又紀念、又XXYY……，啲藝人自己洗得八八九九，自己可以誤樂、又可呃你吔啲錢，有邊個咁蠢唔做呀……(唔聽入耳者，勿插)

ant9284

阿倫揾夠就要照顧埋佢身邊嗰班人
(Post76 Android 手機版送出)

c6001445

總共睇過現場温拿兩次，真心講非常胡鬧，又玩趣劇又吹水多過茶，仲要睇唔識講廣東話既亞B個女天才表演(兩父女不停用國語同英文溝通，都唔知係咪香港人嚟)，非常反感。

slche2001

Alan 自己開一定睇, 加埋阿B一定唔睇, 破產避債我做咩仲要俾錢佢駛?

andy8888

【42年集體回憶】溫拿終極散band



【on.cc東網專訊】由譚詠麟（阿倫）、鍾鎮濤（阿B）、彭健新、陳友及葉智強組成的溫拿樂隊成軍42年，其《L.O.V.E》、《Sha La La La》等無數金曲是不少香港人的集體回憶，期間樂隊曾在1978年經歷解散，至2006再宣布復出。

明年紅館騷後解體

本來溫拿宣布明年2月合體舉行紅館演唱會，對歌迷來說實屬佳音，但《東網》收到可靠消息，五虎正考慮屆時宣布從此告別紅館，意味這隊屹立樂壇42載的樂隊終極解散，明年的紅館騷將是溫拿告別一唱，正式在紅館舞台畫上句號。

仍未達成共識

據知今次「散Band」決定仍在醞釀中，事關隊內出現兩邊不同聲音，知情人士透露：「有成員覺得自己開始年紀大，唔通真係唱到70幾歲咩，所以希望借今次演唱會同歌迷告別，留番個最美好回憶。」但亦有成員反對解散，希望活到老唱到老，所以暫時仍未達成最終共識。阿倫近日則上載與四虎積極為新歌錄音的照片，表面未覺有任何異樣。

據悉散band消息傳出後，與溫拿五虎分屬好友兼頭號歌迷劉嘉玲，感到震驚及可惜，《東網》就此致電嘉玲，她承認確有其事，事緣上月中秋節她參加私人聚會時，從圈中好友口中得知溫拿擬解散一事，聽溫拿歌長大的嘉玲對此感到難離難捨，她感慨的說：「真係好錯愕同唔捨得，從歌迷角度去睇，如果溫拿真係告別紅館真係好可惜，佢哋喺香港貢獻好多，創造咗唔少輝煌成績，如果無以為繼會好難過。」

60後仍有心有力

嘉玲又說：「佢哋平均60歲出頭年紀唔算大，舊年我去睇平均年齡70幾歲嘅外國樂隊The Rolling Stones演出，佢哋一樣寶刀未老唱足兩個半鐘！」嘉玲又指與阿倫、阿B交情最要好，每逢出席私人派對，他們都會歌王上身：「佢哋都係好鍾意唱歌嘅人，每次都會拎起支咪高歌一曲，帶起熱烈氣氛。」她打算做中間人游說五虎收回「散」命，希望他們改變解隊的想法：「我會努力嘗試，唔知得唔得，深信好多香港歌迷同我有一樣諗法同心聲。」

另外，嘉玲被拍到與關之琳男友、台灣富商陳泰銘孖住行山，似乎另有所指，對此嘉玲表示見慣不怪：「習慣晒，冇所謂啦，我成日都去行山，呢排都有約陳生行，搵志同道合朋友行山有乜問題？」



(Post76 Android 手機版送出)

CPU

谷票房玩解散?

2003987

譚詠麟呢條友真心噁心，幾廿年都係啲見風轉舵，見利忘義嘅人，完全無變過，
以前64就激動到乜咁，而家咪又係刷鞋仔一個
真係好後悔嗰時曬幾千蚊買佢啲碟