請教多用途喇叭

wingosky

小弟新玩左hifi年多，以前係房仔用，pc>teac ai501da>cambridge audio sx50覺得夠用啦
今年中搬左出起，係廳到set左5.1,咁諗住聽歌照，就onkyo tx-rz900>sx50雙聲道，但係聽聽下覺得差左啲咁
咁我就心思思想升級，今日出左去睇，當我考慮緊ls50/r300/pro ac 118/atc scm7 ge時候，個sales就同我講，surround amp推唔好atc架喎

我就想請問一下，我如果換以上嘅喇叭係咪最好再加後級
因為部amp我同我老婆都會用，會聽opera,交響，又會聽pop同打機睇戲，我又唔想成日搞啲線，所以希望有前輩解答下我，我係咪唔應該用900直出，同如果直出，會唔會話邊對合適啲?

angusn812

其實用surround amp推都係有聲，唔夠2ch amp嚟
(Post76 Android 手機版送出)

andy8888

交響本身已經難 加上你那些音箱都是難推
(Post76 Android 手機版送出)

ykluk

其實小弟覺得, 首先樓主你同你老婆要諗吓, 會投資幾多落去AV/HIFI先~~ 呢味嘢真係一分錢一分貨, 有要求就要有付出~~~

呢到好多CHING都係影音分家, 所謂影音分家就係一套AV既5.1/7.1/9.1, 然後再有一套HIFI system(可以係合併, 前後級或者更復雜), 而前置就可以共用~~~ 你可以諗吓可以投資既係可以比就咁一套AV多好多~~!! {:9_423:}

ahtau

ykluk 發表於 2015-10-24 12:09
其實小弟覺得, 首先樓主你同你老婆要諗吓, 會投資幾多落去AV/HIFI先~~ 呢味嘢真係一分錢一分貨, 有要求就要 ...

      

wingosky

ykluk 發表於 2015-10-24 12:09
其實小弟覺得, 首先樓主你同你老婆要諗吓, 會投資幾多落去AV/HIFI先~~ 呢味嘢真係一分錢一分貨, 有要求就要 ...

多謝大家意見，其實我都想影音分家，分到就影用5個minx22搞掂，音就再搞，不過可惜屋企太細，我而家部onkyo擺個個位都係夾硬用玻璃架整高部電視搭出黎
所以就用onkyo整埋音

話說請問有無師兄用過focus audio嘅speaker?我見代理清倉呢個牌子隻fc6se ok吸引，但係見上網唔多評語，請問有無人用緊?聲底如何?

Ps,前置共用嘅意思係用邊set就換線?我突然間諗，onkyo preout出stereo amp是否可行?雖然要諗放去邊╮(╯▽╰)╭

ykluk

wingosky 發表於 2015-10-25 10:20
多謝大家意見，其實我都想影音分家，分到就影用5個minx22搞掂，音就再搞，不過可惜屋企太細，我而家部onk ...

玩AV/HIFI呢味嘢最重要既唔係器材, 而係環境同擺位, 問心見過聽過唔少天價名器放喺唔夠一百或幾十呎多雜物三尖八角範圍到, 同有啲師兄2-3萬器材但四正擺位又好既地方完全無得比~~

所以小弟經常都覺得, 想玩而又需要考慮既, 唔係淨係一個"錢"字, 而係有幾多時間同心機~~~ 除咗啲錢心機同時間放喺器材到, 仲要諗個環境點做, 點過老虎關, 點樣"真正"融入家居~~~ {:9_423:} 小弟認識一啲高手, 堅唔係天價器材, 但可以做到以上嘢又玩得開心先最堅~~!! 玩AV/HIFI係為開心, 唔係為咗話比人知有咩天價器材~~ 小弟自己覺得~~~ (當然好有錢又唔同~~)

前置共用係影音分家最普遍做法, 除非多位同多錢, 好難做到2對前置放屋企~~ 所以樓主你諗用AV preout去合併再出前置係好正路做法, 當然int. amp. 要有AV bypass~~!! {:9_426:}

小弟無用過focus audio但聽過好多次(曾經成為過目標但無銀入), 以民用計focus audio既prestige系列聲音最為吸引, 嗰陣獨特既中低音係好容易令人記得~~!!

但以小弟認知同喺AV展聽過classic series都係當AV喇叭嚟用, 睇呢2年AV展威達counter示範睇戲都係用focus audio classic series就知~~ 當初小弟都以為佢放錯喇叭, 仲以為focus audio做AV嘢會好奇幻~~~ 聽聲用classic series嚟聽歌好似真係爭啲, 當然最好都係自己"耳聽為實", 你自己去德發地庫試聽吓就知一二~~!!

唔知樓主你實際情況, 就咁睇形容你應該都係要用書架喇叭, 無論你去試邊隻聽邊種書架, 個人非常強烈建議要用獨立腳架, 一定唔好就咁將對書架放電視櫃面~~ 因低頻向下走, 電視櫃頂住咗啲低頻咪唯有喺櫃面落向下, 咁既低頻想靚都難~~~ 用獨立腳架令書架低頻傳動落最低, 咁做全面好多~~!!

wingosky

ykluk 發表於 2015-10-26 10:33
玩AV/HIFI呢味嘢最重要既唔係器材, 而係環境同擺位, 問心見過聽過唔少天價名器放喺唔夠一百或幾十呎多雜 ...

多謝師兄嘅意見，我尋日再去試左次fc6se,覺得唔係我杯茶，所以放棄左

我應該會再睇番ls50,r300,atc scm7
因為尋日去左kef 試過都係鐘意英國聲

反正我遲早實會入部雙聲道amp
問題係過老虎同放邊

喇叭腳就無解了╮(╯▽╰)╭因為個tv櫃已經霸晒
全部位

ykluk

wingosky 發表於 2015-10-28 08:52
多謝師兄嘅意見，我尋日再去試左次fc6se,覺得唔係我杯茶，所以放棄左

我應該會再睇番ls50,r300,atc scm7 ...

宜家新既KEF已經少咗好多以前所謂既"英國聲", 想聽英國聲可以諗以前舊既KEF REFERENCE或者3/5, 舊ATC都有啲嗰浸味但中低再密度高, 新ATC又係少咗, 家下興既叫做"高清聲".....

小弟鍾意玩舊喇叭同舊器材, 第一可能係好窮無錢買新嘢, 第二係人地煲好咗唔使自己煲得唔好, 三來舊既中高階嘢真係好好聽~~!! {:9_407:}

都係嗰句, 書架就咁放HIFI櫃, 高音還可, 中低音起碼淨返2-3成, 用咗黑麻石同釘墊可以救返少少中頻, 但低頻真係無能為力~~~ 諗吓可唔可以喺電視櫃前放, 唔係都幾窄.......{:9_428:}

PhantomGTR

wingosky 發表於 2015-10-28 08:52
多謝師兄嘅意見，我尋日再去試左次fc6se,覺得唔係我杯茶，所以放棄左

我應該會再睇番ls50,r300,atc scm7 ...

Try this, u can "borrow" from the local dealer 小寶 https://www.facebook.com/Hercules.Workshop/?fref=ts  for home test.   It's very small yet very good sound, I used it for few yrs since it's launched.    http://www.clonesaudio.com/