如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
原文: HKCC
作者: 克勤
前言, 這個超級遊戲椅其實聞風已久, 香港代理之前在報章雜誌宣傳之後, 就消聲匿跡, 之後就只有美國WALMART才有發售,不知是專利設計還是買賣合約等出現問題吧, 到近來香港代理又霧出來, 亦有邀請HKCC為產品進行評測, 當中我最感興趣又借了回來的,就是今次評測的主角, Reactor系列
Ultimate Game Chair兩大型號, 包括V3及Reactor, 兩者在性能上分別不大, 而最大的分別, 就是用料及外型, 以下是簡單的介紹, 最後我是選擇了較適合香港家庭使用的Reactor系統做實際使用評測
- UGC V3
單看外表就知道是豪華型的真皮大班椅, 價錢較貴之外, 需要佔用的地方亦比較大, 比較難作其他用途, 由於沒有借回來試用, 我不敢評論他的舒適性, 但相信應該不錯
- Reactor
外表比較年輕化, 佔用地方亦非常合理, 人工體學設計座起來第一個感覺相當不錯, 高度配合一般電腦桌及書桌, 纖維布料令到長時間使用都不覺得熱, 以美國價錢來計算不包運費約為1600港幣, 買張好一點的電腦椅, 辦公椅也不止這個價錢吧.
官方網站
http://www.ultimategamechair.com
=====
使用評測
=====
由於坐的士來的送貨員, 搞錯了地址下錯了車, 我不單止要落樓搵人, 佢亦由於手推車都無架, 要我搬埋一份, 真係身水身汗, 大家睇既呢篇評測真係有血有汗..
包裝盒非常大個, 總算是張椅子, 不可能太小吧, 重量亦唔小野, 大概有25-30KG呢
好明顯這件產品就是為美國WALMART而設, 連香港的貨品都印有這樣的標籤
打開包裝盒後後就看到入面一分為二的UGC Reactor遊戲椅, 一些連線及說明書等等, 基本上不用看也懂得操作
就是這兩部份
兩部份都有一條接線插口, 就是通電及訊號的作用
UGC的品牌LOGO, 造工非常精細, 代理表示有其他公司嘗試仿製他們的產品, 但手工及技術均完全是兩回事, 單看繡在椅子上的LOGO已可簡單分辨.
來一個微距拍攝, 大家可以更清楚看到UGC這個型號的用料, 這一點我非常讚, 通爽透氣, 長時間使用亦唔會有成個背脊濕晒既問題, 類似就是藍球球衣那煩的物料, 我唔識得講..
把椅子反過來, 看到椅腳, 是用一種特製軟膠造成的, 作用當然是用來吸震, 不過今次並不是用來抵禦外間的任何震盪, 而係防止你震親塊地板或者你隔離果位呢
固定這張椅子的超合金鋼插頭及插槽, 非常堅硬, 一拍入去就實晒, 代理表示300磅鬼佬都一樣無問題, 認真利害. 測試當日有位不願上鏡既版主大大, 亦都親身測試過了, 大家可以放心, 我係唔會話比大家知佢仲重過個鬼佬既..
椅子背部有多張唔同既安全標籤, 主要都是用來應付嚴苛既美國法例, 唔係就唔比入口, 其他一個提示係叫大家座係呢張椅既時候不要食煙 (不過我食緊, 細佬仔千萬不要學)
大功告成終於砌好張UGC Reactor遊戲椅, 大家睇下, 實物同官網相片差不多, 實際唔算大張, 其實平面所佔的空間, 才一張電腦椅差不多的大小, 但看起來, 也覺得舒服多了.
打橫影多張大家可以更清楚睇到, 由於基於人工體學設計, 座起來都幾舒服, 腰部有個凸出來的位置支撐及貼著背部,減輕因為長期座係度對脊骨的負擔, 大家打親機都幾個鐘, 讀書寫字都要留意座姿, 打機亦都係同一原理, 只不過之前無人會理,學校唔會教你點打機吧...
搵個1米78既靚仔親身示範一下, 大家睇佢坐得幾咁舒服, 兩隻腳岩岩好到地, 腰, 背, 頸位, 腳位等都計算得相當好, 之後把音源線接及電源線接上
大家可以睇到真係好FEEL, 如果大家無佢咁高既話, 個PATPAT自然又會出D, 後面個位又貼住條腰, 隻腳又會岩岩好, 我唔識得解釋,總之個設計實在係唔錯, 這樣的配置如果加上軚盤及腳掣, 真係好過你去買張跑車SEAT, 因為跑車SEAT好多時因為視點太低,相對家中的電視位置會影響真實感. 由於測試當日無軚盤係手, 下次再補翻比大家
在UGC Reactor遊戲椅則邊既CONTROL PANEL, 可以說是全張椅既靈魂, 呢個說法一D都無誇張. LINE IN LINEOUT及電源我唔講喇, 黎得HKCC網站既都有翻咁上下架啦. 但係最右手邊, 分別就係Frequency, Sensitive, Volume, 就真係要同大家介紹一下.
- Frequency
可表震動既力度, 當椅子震動時, 力量會分別由背部左右, 腰部, PATPAT前後, 簡單D講即係成個人震晒, 這個調較絕對個人化,測試當日我就把這個調到最大, 但當有些遊戲, 如賽車類震動得比較多既遊戲時, 把這個震動力度減輕一點, 會玩得更加有真實感,真係好似坐係架車入面, 開著引擎帶來的震動那類
- Volume
先講Volume, 當然就是聲量的大小, 椅背的這個喇叭設計, 又係好正, 我好細心咁去聽過, 佢既音質唔算好, 例如一些RPG的大型音效, 管弦樂背景聲等, 始終SIZE有限, 細緻度不足 (沒法子, 我平時夜晚打機, 係帶住Sennheiser既IE8黎打機,呢個真係無得比, 我隻耳機貴過兩張UGC). 但由於佢既位置好貼近耳仔, 你跟本唔洗開到好大聲, 已經係非常之足夠既現場感. 我所講既現場感,亦都好似之前講解Frequency既情況一樣, 當引擎聲, 車聲, 加上椅子本身既震動, 真係好有真車FEEL, 用來玩最近既FORZA3實係在VERY GOOD.
同樣地, 亦由於喇叭本身既位置, 你會發現聲音會集中衝進你的耳朵裡, 你四周維的人不會覺得你在炸機, 但你實際已經得到相當既音效, 唔怕嘈親D屋企人
如果你是在夜晚打機, 家人在睡覺得話, 你更加可以使用椅子CONTROL PANEL的LINE OUT, 插上HEADPHONE, WOW! 仲正(如果用我對IE8既話)
- Sensitive
跟住要同大家講既, 就係全張椅既精髓所在, 亦係多項專利技術所組合而成的, 一個讓我及另外兩位版主都決定購下這張椅的原因. 大家如果有上官網看的話, 你會發覺這張椅夠支援PS3, PS2, PSP, Wii, GC, XBOX, XBOX360, NDS,IPOD, IPHONE, BLU-RAY, PC, MAC... 怎麼搞的, 如果要購買多種遊戲機的震動操作技術再加上授權,這張椅肯定不會是千多元可以賣出來的, 而且NDS, PSP, IPOD, IPHONE等, 根本沒有震動的設置, 但我們測試時發現,例如在玩STREET FIGHTER IV時, 只有掉在地上, 重卷重腳會震動, 而玩FORZA3時, 只要車在動就會震?要記著我們只是把音效線接上了UGC遊戲椅, 並沒有其他接線. 後來經查詢後就知, 原來UGC是會分析遊戲音效的特性, 利用音效頻率, 大小,時間等去作出震動的反應. 例如我們把Sensitive調到最高, 你會發現中拳輕拳甚至一些背景火車經過, 都會帶來一點震動,而把Sensitive調到中間, 就只會在重拳重腳撃中時才會有震動.
換而言之, 在不同的遊戲, 這個Sensitive要作出不同的調效. 有些小品遊戲, 如PS3近來推出我覺得好好玩的肥公主, 把Sensitive調到中間高小小既位置, 主角就只會在出儲力招數既時候先會感到震動, 打起機黎個FEEL真係正好多 |
發表於 2009-10-22 09:28
樓主
發表於 2009-10-22 09:37
，駛唔駛上來Preview一下先，呵！
