昨天早上，我收到從KEF送來的兩個紙皮箱....

apple1711 · 發表於 2015-10-11 23:07

本帖最後由 apple1711 於 2015-10-11 23:10 編輯

話說小弟玩影音已差不多5年時間(但仍然係新手咩都唔識）.....5年來都無升級過，亦少上來左呢度 .....到左今年2015年，部panasonic bd player突然壞左之後，小弟就再次好似5年前咁不停上來呢度，搵下bd player d料，結果好快就買左Pioneer BDP LX-88....亦得知原來而家d av amp比5年前買既安記608多左好多野玩，又見安記新機RZ800做promotion送atmos-enabled speaker，所以部608無病無痛都照入左RZ800.....

有左RZ800後試玩過DLNA, 先發現用左5年既alumni 5.1（呢5年來小弟既av組合用途係60%睇戲40%打機0%聽歌)只適合用來睇戲....於是又上來搵下料，結果又中毒了......小弟蝸居放唔落R700, R300....R100卻算係可以放得落.....於是計劃2016年初出手買R100+R200c....

點知呢頭先計劃完，果頭又係呢度見到有師兄報料，話KEF 54週年生日所有貨品75折優惠, 於是即刻去問老婆大人“意見“，佢答得好快：“可以早買早享受又可早買平幾千，點解唔早d買呀？“ 好呀~多謝老婆大人既permit～！Go!go!go~!

等左兩個鐘，兩個紙皮箱終於到來～！終於都加入KEF用家行列~!

開箱! R200c真身～！真係好靚仔，好鐘意R糸列既設計～！

R100真身~! 同小弟用開既alumni 2比，R100已算係龐然巨物.....

R200c裝好～！

R100暫時裝好,欠黑麻石! 仲有LS-603無貨要訂，要10月尾先返貨.....

用得R100+R200c, 睇來隻Sub仔alumni 9遲早都係要換埋佢架啦....又係時候諗定遲d點氹老婆比我買sub仔啦～！