鍾氏兄弟 <極> Edge 黑膠唱片 2LP

beethoven

鍾氏兄弟<極>Edge 黑膠唱片，等了一年，終於推出了。這張唱片榮獲多個獎項，首批歐洲印製，限量發行！珍藏之選

andy7fai

呢隻好有興趣，
Thx

jonathanseagull

樂評人 Moses Lai:

Finally, "the Edge of Side C" Comes True：鍾氏兄弟《極》

記得舊年寫完呢隻碟既碟評，有個朋友同我講「Moses，你唔覺得隻碟好old school嗎？」其實我從來唔否認《極》音樂上係一隻幾唔似呢個年代、亦唔易入耳既碟（對後生仔黎講），至少係呢隻碟出現之前，我從來唔覺得鍾氏兄弟既風格會係我杯茶。

不過2014年係好特別既一年，社會上大大小小既事情，造就左好多以社會為題既碟既成功，當中以謝安琪《Kontinue》撞都冇咁橋地食正左佔中個期最屈機，而My Little Airport《適婚的年齡》亦出左首戀殖既〈美麗新香港〉，仲要係大陸都直播既電影頒獎禮唱埋出黎，至於鍾氏兄弟《極》亦都有首〈時代的顛覆者〉講中左唔少社會現象。呢啲都係係佔中之前，即係社會矛盾得最勁果期做起既唱片，雖然音樂風格唔同，但個情感好接近，成功捕捉到大家最緊張既情緒。反而近年冒起得最快既填詞人陳詠謙年頭曾經係叱吒頒獎禮講過「2014年有好多素材比音樂人創作，期望2015年香港樂壇會有更多好作品」（大概意思），我又唔太感受到今年有咩「好得」既作品出現過，所以黎到2015年十月中，我都仲係聽緊2014年既碟。

事隔一年，《極》依然係一隻好耐聽既碟，聽CD定黑膠，並唔重要。〈瑪門〉有Ghost Style同埋Kowkkin，對我呢啲Hip-Hop友黎講當然特別吸引，亦都係感覺比較「新」既一首，用黎做開場同埋主打係明智之選。朋友所講既「Old School」應該係大受好評既〈時代的顛覆者〉，唔⋯⋯成隻碟咁多歌，呢首的確係冇咁有趣既一首，我一直都聽得唔多，同樣都係諷刺時弊，我覺得〈麻醉式快樂〉有勁度好多。黑膠版既〈光復精緻〉尾段終於冇左擦聲，係真真正正既「光復精緻」，個人一直都認為呢首唱得好蘇永康（如陽光，你將痴心亮起～）。講「老土」，〈重新想像〉就真係成首八十年代勵志歌咁款，聽之前一定要較岩channel，我係較得岩既。

除左原本既歌曲，《極》既黑膠版仲收錄左兩首新歌。〈幸福的保證〉似係舊歌〈Just Love〉既姊妹作，好聽！而〈未種的花〉係早前中大博群花節既主題曲，mix得唔似佢地既作品。

講左咁多，recap番年頭我幫「香港樂評選2014年度樂團——鍾氏兄弟」寫既一段介紹作結先：

「『革命』作為本年樂評選的主題，我們當然寄望年度樂團能多少表現出這種因子。鍾氏兄弟的《極》，不但向顛覆者致敬，也道出我們活在當下，鄙視因財失義、嘲諷政治冷感、崇尚人文教育、相信夢想與愛的思想。兩兄弟在爵士、福音、Hip-Hop、民謠、Reggae間自在遊走，每曲更盡情地與聽眾遊樂五、六分鐘，他們力證文字會說話，音樂更會說話。而話說過後，我們其實更需要別人的聆聽與回應。」

beethoven

威威店有親筆簽名版！

Will

謝通知

moliu

最可惜係佢地第一隻《鐘》在眾籌平台籌唔夠錢，無法推出。

呢隻乜價？

andy7fai

moliu 發表於 2015-10-10 23:19
最可惜係佢地第一隻《鐘》在眾籌平台籌唔夠錢，無法推出。

呢隻乜價？ ...

$290

jonathanseagull

Marvin Leung: 多謝你們對製作音樂軟硬體近乎著魔的執著！很久沒有拿起一張唱片時手中有微震的感覺(可能是因為双180g和加厚的外殼太聚手吧！: )，歌早已經聽到爛熟，心中卻怪異地又湧出陣陣期待感，但更費解的是等了一夜，卻又久久不想打開封膠，原來那些變大了的唱片印刷，清晰了的圖案細節，沉厚了的包裝輪廓，會令人心生一份對音樂的尊重和對製作的敬意，所以我左番右放，享受夠硬體的玩意，良久才捨得小心翼翼地開封，再由頭至尾細細品味一次你們的音樂氣息。

SACD珠玉在前，其實我一早對任何黑膠產品有心理準備，如果繼續强求用更高清更開闊更具動態來挑剔這個版本，恐怕我是捉錯用神，我反而在聆聽這個忠於黑膠性格地溫軟版本中，感受多了歌者樂師的叧一番猶衷之情，在丁點電流沙石聲中，更凖確地表達我們生於不完美世代中可追尋的缺陷美，在崇尚平穩的堡壘中找到顛覆的據點。

追求更強的音樂格式故然是音樂人令樂迷更享受的工藝，但原來更完美的影像、包裝(也包括鍾氏「set 得好'恆'的髮型」)也同樣增強聽眾的聆聽心理質素，對你們的心思和藝術聼得更深更真，多辛苦也值得，對嗎？

終於明白做黑膠唱片不是野心的問題(對發行公司是)，而是愛心的問題，對最愛的音樂，對最愛的原居地，對最愛的音魂，怎能不去到極至呢？

註：左上角的不是產品的價錢標籤，而是31/12 到期的Discount Coupon, LOL

jonathanseagull

11月14日星期六下午三時鍾氏兄弟會在威威店為大家的黑膠唱片簽名，仲有精美紀念品送添！敬請捧場。

manolo

Jeffrey Lai:
我唔係寫手，唔識用一佰句術語去吹捧呢張碟！我亦唔係因為教友身份而要去 support 佢哋！
我只係想講我好欣賞鍾氏兄弟嘅音樂製作理念，所以要買呢張黑膠碟(購買係一種 support 行為)！
Gospel music 係外國要被認同係相當容易，但呢類音樂要係香港立足就困難重重！冇計，大公司要簽名牌歌手，可拍廣告，可開紅館 show 那種！自首張專輯“鍾聲”，佢哋聰白地將發燒元素瀜入一體，令追求好質素音樂嘅朋友亦會加以留意，從而得到今天嘅成績
當今認真之作以買少見少了，我支持你哋！努力！