《見習冇限耆The Intern》遲來的簡評(不含劇透)‏

bellyjerry

"做對的事永遠不會錯"-男主角戲中金句
呢套想睇好耐而又一直夾不到時間睇的電影,朋友同坊間評論一直都好好,今朝同太太食完早餐又夾到時間,終於可以睇場歡樂早場喇!
故事內容相信好多師兄都已經知道,所以就不講喇,睇完大致上都滿意的.先講導演Nancy Meyers,呢位女導演以往拍的戲差不多都係同一類型,就係溫馨愛情小品,但又不得不承認佢又真係每次都交到功課,成績都有番甘上下,加上佢之前的戲好多都係搵左啲上了年紀的演技派男星做主角,喺荷李活裏面算係少數有個人風格的女導演喇.
今次呢套都拍得唔錯,老套地說:一套電影如果揀啱咗男女主角,成件事已經成功了一半,今次男,女主角都做得好好,Robert De Niro拍過甘多戲身經百戰,今次呢套對佢嚟講算係低難度之作,佢亦表現得出色,做得好可愛,令人睇得舒服,可以算係佢近年的代表作呀
至於女主角近年的演技亦都進步神速,在呢套戲裏面由最初對一個老年Intern十分抗拒,到後來慢慢接受,到最後直頭去到好朋友的Level,每段時期都表現到女主角的特質,尤其是差不多去到最尾同男主角在床上傾心事一幕更能感動到我,表現亮眼!
總括來說呢套小品可以令人睇得舒舒服服,輕輕鬆鬆兩個鐘,演員表現出色,更帶出老人退休問題,小弟誠意推薦呀!

評分:8/10 分

alleelarry

歡樂早場咁開心，正！

何解會有咁多「口」字既？用上了太多「口語化的字」嗎？

bellyjerry

alleelarry 發表於 2015-10-5 19:11
歡樂早場咁開心，正！

何解會有咁多「口」字既？用上了太多「口語化的字」嗎？ ...

Hahaha,係呀alleelarry兄,我諗係'啲''咁''嘅'呢啲口語化字呀

alleelarry

bellyjerry 發表於 2015-10-5 19:25
Hahaha,係呀alleelarry兄,我諗係'啲''咁''嘅'呢啲口語化字呀

建議改番個無口字邊既比較好，閱讀起來真係有D吃力啊！

bellyjerry

alleelarry 發表於 2015-10-5 19:51
建議改番個無口字邊既比較好，閱讀起來真係有D吃力啊！

知道了,謝alleelarry兄提點,已更正喇,下次會留意了

alleelarry

bellyjerry 發表於 2015-10-5 20:01
知道了,謝alleelarry兄提點,已更正喇,下次會留意了

再看一遍先……

的確是超出預備的好電影！加上年紀大，感慨就特別多，但在現實生活中像羅找廸尼路般醒目的老友記又有多少個？

Hon

今朝啱啱睇完, 其實佢唔係怕老年INTERN, 應該話佢唔識跟老年人相處, 所以一開始知道時係話佢同爸媽都唔識相處, 我諗就係樣帶出呢樣野, 多於INTERN.

呢套戲我覺得未至於坊間講得咁必睇, 但如果你係現今時代既後生仔, 咁可能睇完會覺得唔錯.

alleelarry

Hon 發表於 2015-10-17 14:40
今朝啱啱睇完, 其實佢唔係怕老年INTERN, 應該話佢唔識跟老年人相處, 所以一開始知道時係話佢同爸媽都唔識相 ...

老野像我比較有感覺啊!

Hon

alleelarry 發表於 2015-10-17 18:26
老野像我比較有感覺啊!

我都算係老野, 因為感覺上不大...HAHA

朗

某次講座， 提到呢套戲做輕鬆開場白， 帶出而家所謂老嘅定義唔同哂嘞！ 年紀就成熟， 心境仍年輕， 職/商場慣將而已！