《火星任務The Martian》簡評不含劇透‏

bellyjerry

呢套《火星任務》近期嘅宣傳攻勢真係十分強勁,加上睇呢度其他師兄嘅影評,普遍都係讚,十分正面,所以小弟都唔駛點考慮就買飛入場支持了
呢類戲睇之前其實都會有啲猶豫,因為呢類大部分時間都一支公嘅獨腳戲,若果導演同主角冇番咁上下能力的話好容易會變成一場悶戲,好在Ridney Scott同Matt Damon都交足功課,尤其是Matt Damon,今次真係交到戲,以一個輕鬆樂觀的態度去演繹主角咁慘的遭遇,在火星都可以自力更生,其中一兩個遇到危機,絕望的表情更可以話係精采,相當出色,來年提名Beat Actor應該冇問題了
至於導演Ridney Scott也不用多說,始終拍番呢類外太空科幻片先係佢強項,劇情比例,故事推進都處理得好好,節奏明快冇廢話,電影一開始幾個主角已經喺火星執行任務,開場10分鐘左右已經出現沙塵暴,所以就算套戲片長140分鐘都唔會令人覺得悶,導技比上套出埃及記好番好多,以一個高齡導演嚟講(出年已經79歲了),已經無可挑剔了
另外不可不讚係呢套戲的音效做得十分出色,尢其是開場沙麈暴一幕,火箭升空嘅低頻,沙塵暴嘅塵粒聲,包圍感,爆炸聲的震撼,都做得相當出色,將來出碟必入呀
總括來說,呢套可以話係Cast Away+Gravity嘅特技片,如果有睇開呢類戲的師兄呢套都不容錯過呀

評分:8.5/10



謝謝觀賞

粗人敵卡

同上套出埃及記比
的確呢套導演回覆應有水準

alleelarry

在此建議一下未入場睇既版友，選大一點銀幕會比較有優勢！

bellyjerry

alleelarry 發表於 2015-10-3 22:55
在此建議一下未入場睇既版友，選大一點銀幕會比較有優勢！

認同呀alleelarry兄,大銀幕更能顯現火星嘅荒蕪感同埋太空嘅空虛感呀

SonSon

alleelarry 發表於 2015-10-3 22:55
在此建議一下未入場睇既版友，選大一點銀幕會比較有優勢！

所以選咗星期二去海運睇巨幕atmos版
(Post76 Android 手機版送出)

bellyjerry

粗人敵卡 發表於 2015-10-3 19:58
同上套出埃及記比
的確呢套導演回覆應有水準

Agree敵卡兄,以一個拍過Gladiator同Kingdom of the heaven呢類鬼佬古裝片嘅嘅大導演嚟講,上次出埃及記真係跌咗watt,可能要講嘅嘢實在太多太廣,好彩今次回復水準,番嚟喇

alleelarry

bellyjerry 發表於 2015-10-4 13:40
Agree敵卡兄,以一個拍過Gladiator同Kingdom of the heaven呢類鬼佬古裝片嘅嘅大導演嚟講,上次出埃及記真 ...

本片人物不多，縱使馬田太太戲份不多也見投入，主線亦只有「成日都要被救」的 Matt Damon 如何脫險，導演自然能夠專注說故事及推進處理！

mike384

尋日終於戰勝時差, 走了去睇早場, 套戲故事幾好, 睇落幾舒服, 雖然件事係幾慘, 但主角都好樂觀.

但作為太空片, 佢的場景我就覺得一般, 當然啦, 真的火星係唔需要靚的, 可以話佢係選擇左較真實而唔係純粹追求視覺效果啦.

樓上講得好幽默, 麥迪文真係好like被人救~

近年三套太空冒險片, 我始終最喜歡gravity, 雖然佢短好多, 場景唔多, 但我認為佢係一套好精警的太空片, 技術亦一流, 配角geroge clooney的安排更是絕妙.
第二係intestellar, 雖然故事後期幾浮誇, 但戲味重, 都收貨.
第三先係呢套火星人, 香港個譯名並譯唔出個戲的真髓, 可惜了.

jason1969

期待港版

SonSon

尋晚睇咗, 故事好多CHING一定講得好過我所以唔再講, 只想講吓聲畫, 畫面大部份係泥土黃既火星, 表面好似幾悶吓, 但加上係闊幕關係, 整體又比到人感覺好荒涼好無助. 其實只有開場沙塵暴同結尾營救一段先發揮到Atmos, 其餘求生劇情唔好要求有乜聲效.

尾段加入中國航天潛在技術, 唔知係唔係意識到中國科技開始有超前趨勢. 另有D疑問, 係外太空乜爛頭盔可臨時搵膠紙封住防氧氣流失? 爛廚房又可搵膠布封住出入口令到空氣氣壓冇事? 逃生船得個殼只著件大空衣都可承受升空壓力?

基本上所有角色都係正面既 (初時以為太空總署署長係奸既), 大家都想成個營救過程成功, 所以會見到某D劇情冇乜階級觀念, 算係比到正能量大家.