純分享 新仔試CROWN下.

hangson

純分享, 呃下分

話說近日有位老友 一直吹水吹開CROWN乜CROWN物, 而且係76都睇過唔少皇冠既POST.
就膽粗粗問位老友借部黎玩下.  

終於好興奮咁借左返黎,  冇諗過後級可以用環保袋孭上膊帶返屋企.  之前個部用手拉車都拉唔郁咁劑...

好喇, 係乜都唔識既情況下, 就駁線試玩下.

駁好晒一對前置.  簡單CAL過下, 就黎料!!  一開聲..... 下.  有幾好呀. 好似同我部天記冇咩分別咋喎.
再望下, 原來要SET野.   新仔就係新仔.  冇計.   小時又唔讀書.

問一問位老友,  頂真係SET錯.
為有又再SET過.  好彩唔難.   再開.  依....  好清脆又通透咁喎.  人聲都唔同晒.
聽左一陣爽下先.

爽左陣   又走去學人BIAMP 玩下.   左右AB TEST 玩下.  (左用皇冠, 右用AV AMP)

傻更更以為SET好左, 兩邊聲聽完.   心諗. 唔係呀.  BIAMP咁架咩(小弟第一次用biamp)  點解ONLY得高中音既. 而且聲好怪!
冇理由BIAMP仲衰過AV AMP下麻.

又去SET下.  原來真係白痴左. 個分頻點去得太盡. 以為AV AMP咁SET 50HZ.  
當SET返做80HZ.  COOL......唔同晒.  

呢個時候緊係叫中央大人幫手聽下啦.
請佢坐定定皇后位聽下.

開波. 陳果出場.
先左邊開聲.   中央: 咁點?  聽咩?     當時我都暈暈地...... 不過都預左.
好, 再黎閂左左邊開右邊.   中央: 下.  個喇叭壞左呀. 咁既聲既!!!  

呢一刻感動了. 中央終於聽到喇.   
AV AMP 直出既聲線明顯好焗, 音場唔夠, 人聲唔駛講啦. 粗到冇朋友.

好感謝老友既毒品......又中毒了.  
家貧 皮幾兩皮後級玩唔起.  呢部真係玩得過.

講左咁耐.  貼一貼圖先.  毒品就係皇冠 XLS1500

PS. 原來仲有分好多級數.  不過呢部對我黎講都夠LU.  而且直插都好方便.


        

      

~嘉輝~

又放毒~~ 呢部可以比 DISCO 用~~可以係屋企開 P

hangson

~嘉輝~ 發表於 2015-10-3 11:28
又放毒~~ 呢部可以比 DISCO 用~~可以係屋企開 P

係?  等我開個群P先得. 個老友冇講話DISCO用....  哈哈
凈係一句, 試過你就知.  

~嘉輝~

hangson 發表於 2015-10-3 11:30
係?  等我開個群P先得. 個老友冇講話DISCO用....  哈哈
凈係一句, 試過你就知.    ...

呢部一定要 BIAMP先發揮得好~~所以一入要3部~~左中右~~ 可惜的櫃無位~~

fm31331

皇冠真係一件毒物！

fm31331

~嘉輝~ 發表於 2015-10-3 11:36
呢部一定要 BIAMP先發揮得好~~所以一入要3部~~左中右~~ 可惜的櫃無位~~  ...

吓， 要咁樣玩致好聲？唔知xls1500要幾多錢呢？

~嘉輝~

fm31331 發表於 2015-10-3 11:58
吓， 要咁樣玩致好聲？唔知xls1500要幾多錢呢？

應該貴過 Ediscreation
上次個女發燒去唔到聽神7

jason1969

正

ahtau