愛戲之人

alleelarry

粗人敵卡 發表於 2015-10-4 07:05
小弟睇戲就港產片同埋西片都睇嘅
諗緊睇劉華套解救吾先生好
定係林子祥個仔套死開啲啦 ...

劉華個套基於真人真事，但看似加入了不少商業原素……

mike384

話說講出黎社會不久後, 當時唔少戲院有廉價早場, 其中唔少係做二輪港產片為主, 10蚊一張飛, 周不時早上蛇王去睇.

所以係個一兩年內, 真係睇左唔少港產片, 有新有舊, 所以8,90年代呢個港片輝煌期, 小弟都有份見證.

成龍以前的電影係OK的, 後來過份強調自己, 搞到套戲的重點偏移左, 降低左成套戲的質素, 舉個例, WHO AM I...佢有好多方法去接達一個尋找自己的人, 但佢用的手法, 就係超強調自己...搞到好地地一套大片咁難睇, 以後個D更加係一蟹不如一蟹.
三城記我都有睇, 只能算麻麻, 導演係我喜歡的, 但除了配音一度唔太喜歡外, 整套片的拍攝略嫌行貨, 指攝影角度同剪接, 唔太成熟.
而我最喜歡的港產導演, 而家重活躍的重有王晶, 可惜佢拍的已唔係港產片了.
以前港產片可以賣埠, 係因為港產片入面有D第度冇的, 而又吸引人的野, 而家下下為了上面個大市場, 用左第套SPEC, REQUIREMENT去拍, 拍出黎的, 對我同其他香港觀眾吸引力少左其實係小事, 但同時失去了佢的特色, 冇了uniquity 的港產片, 係咁大個市場中又如果走出???

gashapon

我都喜歡電影, 但對畫質/聲音就無太大的追求. 基本上最緊要坐得舒服就得~

我自己其實咩戲都會睇, 有時明知爛片都照入場睇下有幾爛. 好似我曾經提過的《天機》, 令我對電影的定義有一個新的體會, 絕對係"學到野". 我本身英文都OK, 可以唔睇字幕都明套電影7-8成, 所以睇外國電影多. 中文的就真係好少, 主要是唔喜歡一套電影無啦啦你講國語我講廣東話, 大家都無交流純粹講對白, 之後又無啦啦有個韓國人走出來唔知做咩咁... (但我唔覺得中文電影好差, 只係在同一時間下, 我會選擇睇西片多d)

不過依家小朋友出世就無機會可以2公婆去睇戲了, 但 BvS時應該點都會去睇~

alleelarry

mike384 發表於 2015-10-5 09:12
話說講出黎社會不久後, 當時唔少戲院有廉價早場, 其中唔少係做二輪港產片為主, 10蚊一張飛, 周不時早上蛇王 ...

查實只是喜歡《三城記》故事本身及演員的演技，反而沒有計較其拍攝手法，特技就更加不是重點！入場前更加不知道是基於巨星爸媽的電影，拍得平淡反而有真實感，相比在此之前看的《解救吾先生》來得有說服力！

至於大哥的電影方面，要做得各方平衡，講得容易做的難；重覆會給觀眾説無新意，太進取的又怕投資方的反對。後期的電影只有《天將雄師》是個人評價最高的一套｡
(Post76 Android 手機版送出)

alleelarry

gashapon 發表於 2015-10-5 10:00
我都喜歡電影, 但對畫質/聲音就無太大的追求. 基本上最緊要坐得舒服就得~

我自己其實咩戲都會睇, 有時明知 ...

的確睇爛片有多爛也是一種樂趣，哈！

《極速快遞》會唔會係 Reboot 中的爛片之一呢？
(Post76 Android 手機版送出)

gashapon

alleelarry 發表於 2015-10-5 11:36
的確睇爛片有多爛也是一種樂趣，哈！

《極速快遞》會唔會係 Reboot 中的爛片之一呢？

如果比較新的就係好多人話唔好睇的F4, 不過我睇完又覺得OK, 都唔算差呀. 只係Dr. Doom個design太求其....cosplay都仲比佢好...

alleelarry

gashapon 發表於 2015-10-5 11:58
如果比較新的就係好多人話唔好睇的F4, 不過我睇完又覺得OK, 都唔算差呀. 只係Dr. Doom個design太求其.... ...

《神奇四俠》真的不是那麼差勁，或許是因同大家所預期的有所出入吧！

mike384

alleelarry 發表於 2015-10-5 11:36
的確睇爛片有多爛也是一種樂趣，哈！

《極速快遞》會唔會係 Reboot 中的爛片之一呢？

睇左, 呢套唔算爛, 但真係唔覺有乜要翻拍的意義...
講功夫動作佢唔及光頭jason, 講車, 亦唔見有咩突破....場面叫做ok, 但冇突出之處lor.

套taxi的ny remake版先真難頂, 真係有割椅的衝動.

alleelarry

mike384 發表於 2015-10-5 12:29
睇左, 呢套唔算爛, 但真係唔覺有乜要翻拍的意義...
講功夫動作佢唔及光頭jason, 講車, 亦唔見有咩突破... ...

還好至今無人敢 REBOOT 洛大導既《這個殺手不太冷》！

DVD迷

alleelarry 發表於 2015-10-5 11:36
的確睇爛片有多爛也是一種樂趣，哈！

《極速快遞》會唔會係 Reboot 中的爛片之一呢？

呢套極速拍得不錯，只係男主角唔夠型和威，講真打得唔夠勁……