《火星任務》︰Ridley Scott 回勇之作

粗人敵卡

Ridley Scott上一套《出埃及記》，影評界口碑比較上差。嚟到呢套Matt Damon主演嘅《火星任務》，可能歸功於原著紮實故事，導演拍得較上一套電影有神采。

講吓Matt Damon表現，小弟之前以為會做得相對上沉重，因為成個火星得番佢一個。但出乎意料地，Matt Damon角色做得相當風趣，由喺種番薯用排泄物作肥料，錄日誌時笑指揮官啲Disco音樂完全唔掂等等場面，Matt Damon將角色樂觀幽默性格完全呈現出來。當然某幾場喺火星中發生咗嚴重意外，表達絕望情緒都交到戲，帶動到觀眾情緒。小弟留意Matt Damon係響叛諜追擊系列開始，演一個失憶特工做得入型入格，仲有佢上一套《星際啟示錄》角色雖然係客串，幾令人眼前一亮。

Ridley Scott小弟暫時最欣賞係《異形》，身處大空嗰種荒涼氣氛至今難忘。而呢套《火星任務》，導演拍得火星環境惡劣，太空人上去也要步步為營，特技方面自然交足功課，配合劇本可以令人信服科學原則，成為一套令觀眾猶如置身其中嘅科幻片。另外導演喺太空總署討論如何營救Matt Damon嘅文戲，節奏掌握得相當不錯，唔會有趕著收工嘅感覺。小弟欣賞最後指揮官要折返火星嗰場戲，成套電影最緊張嘅情節。

總括而言，《火星任務》係Ridley Scott回復本身應有水準嘅電影，雖然唔係佢電影生涯最好嘅電影，但都算係佳作。

alleelarry

某程度上與先前既《引力邊緣》有點相類近，一個人在外太空；亦夾雜了《太陽神13號》的拯救行動；科學情節說服力不足，勝在悶場不多！

至於導演的力作，除了《異形》之外，現今已行少人提及的《2020》，想當年既LD時代，未睇過呢套既等於未睇過LD咁厲害去形容！

粗人敵卡

alleelarry 發表於 2015-10-1 16:44
某程度上與先前既《引力邊緣》有點相類近，一個人在外太空；亦夾雜了《太陽神13號》的拯救行動；科學情節說 ...

《引力邊緣》小弟仲未睇
覺得呢套《火星任務》氣氛算幾輕鬆吓
幾鐘意中後段左右用咗David Bowie 首Starman做Background Music

audia

我未睇過小說版 ，但覺得還好 ^_^  
尋日睇咗2D優先場 ~

alleelarry

粗人敵卡 發表於 2015-10-1 16:50
《引力邊緣》小弟仲未睇
覺得呢套《火星任務》氣氛算幾輕鬆吓
幾鐘意中後段左右用咗David Bowi ...

未睇《引力邊緣》的話，就一定要睇，如果唔係點突出呢套仲好睇！

alleelarry

audia 發表於 2015-10-1 16:52
我未睇過小說版 ，但覺得還好 ^_^  
尋日睇咗2D優先場 ~

版主都係睇2D早場，50元包全景聲及免費泊車

粗人敵卡

另外套Blade Runner(《2020》)
聽講DVD版同戲院版結局唔同
小弟就buy DVD版，套戲令我諗起攻殼機械隊

粗人敵卡

audia 發表於 2015-10-1 16:52
我未睇過小說版 ，但覺得還好 ^_^  
尋日睇咗2D優先場 ~

大家覺得Matt Damon有無機會提名
下年奧斯卡最佳男主角

alleelarry

粗人敵卡 發表於 2015-10-1 16:56
另外套Blade Runner(《2020》)
聽講DVD版同戲院版結局唔同
小弟就buy DVD版，套戲令我諗起攻殼機械隊{:1_35 ...

Ridley Scott 以往拍的版本都特別多，尤其是《2020》，印象中的是在發行LD時，把結局換成了大導本來的版本。

bellyjerry

謝師兄精彩報告,呢套一定要睇,已買定飛明天入場支持了