究竟新舊 Onkyo 有冇分別呢?

zombie

幾日前回覆想討論這問題, 但見樓主沒有回覆, 就另開新版吧. Onkyo機一直俾我既感覺係中中亭亭，影音大機我都有玩, 幾千既機就俾幾千既質素。佢地既耳機就未用過，之前見佢對千幾既耳機都減價不少, 但因外型真的不太接受, 所以冇入考慮之列, 而家見到76開左個onkyo headfi區，又一堆新機，好似真係唔同左，其實係AV show見佢地有show 野，但舊個對咁樣，無試到就走左，其實有無師兄聽過係咪伏？

Lancelot

如果師兄有試過舊款的onkyo耳機的話，會對新機不抱期待是情有可原的，始終舊機只能說合乎價格，然而並沒有突出之處

在av show試機後，雖然onkyo不是giant killer, 但對比新舊的質素後，新機絕對會帶來驚喜的

peterso

Lancelot 發表於 2015-9-18 00:20
如果師兄有試過舊款的onkyo耳機的話，會對新機不抱期待是情有可原的，始終舊機只能說合乎價格，然而並沒有 ...

咁其實即係有咩唔同，師兄咁講好空泛喎？

Lancelot

ONKYO在新機中沒有了舊代偏朦偏散的問題, 聲音變得較緊緻有密度, 在推力方面也沒有特別要度, DAP要直推不難。

舊機中，一入耳難免有點一舊舊，就算用上好點的音源也未必能解決結像差音樂感不好的問題，然而新機在兩方面都聽不出音樂感和結像有所缺憾。

peterso

Lancelot 發表於 2015-9-19 14:18
ONKYO在新機中沒有了舊代偏朦偏散的問題, 聲音變得較緊緻有密度, 在推力方面也沒有特別要度, DAP要直推不難 ...

Thx
咁其實新機食唔食source，電話直推得唔得？我見到佢有好多款，師兄你講緊既係耳筒定耳機?

terry1407

好少呢邊出帖，但係見到呢個帖想回下。

因為我係無諗過呢個牌子會俾左兩個驚喜我。

不過一個係驚一個係喜。

我屋企套家庭影院係安橋野，買佢無咩特別原因…
其實…我想買老麥既，但係無咁有米。
聽左馬仔先鋒同埋安橋，老實講，我聽唔出有咩唔同。
開眼同合埋眼都係個d野，最後睇錢份上同部機個樣就買左。

聽慣左，想求其搵對差唔多聲同平既耳機，搵到原來安橋都有出。
見平就整左對，幾舊水，sales仲話原本成千幾銀。

番屋企聽即刻嚇一嚇，呢對咁野原本賣成千幾銀？
耳機野真係食水深，幾舊水就差唔多既，聲方面就係一如既往既安橋。

8月個陣去行展，想執對好聲d既handfree聽電話同聽歌。
出面搵都係D出開手機野，再唔係就係潮野賣款果d。果日行到7點幾，無野口岩，行到門口差唔多收檔，見到有幾個sales 圍住係度吹水影相，有個女仔見到我，就問我聽唔聽下，因為d機係展先有。我話我想搵handfree姐，展先有呢D高級野唔洗啦，佢就俾左對野我聽。


係唔似handfree聲喎，而且唔似舊果對，人聲幾好聽。聽葉蘊儀同陳奕迅，葉蘊儀把聲幾出同，陳奕迅差d唔夠厚但都唔錯。
對野幾好樣，唔膠。
個女仔話預番三個位就買到。跟住睇睇咩牌子，竟然係安橋。今次真係有意外驚喜我，不過佢話未出既，本來想俾錢，唯有走。

其實d人話展既野多數搞過煲過，我番到屋企到而家玩左舊個對安橋成個月，諗住煲下佢。
但係煲極d聲都無咩唔同，係整唔出似展聽到個對D聲既。

我唔係好熟耳機，所以想請教下呢度既師兄，其實係咪我唔識野定點？定係展果對真係有料到？
有無師兄聽過展對野？

zombie

Lancelot 發表於 2015-9-19 14:18
ONKYO在新機中沒有了舊代偏朦偏散的問題, 聲音變得較緊緻有密度, 在推力方面也沒有特別要度, DAP要直推不難 ...

連專員都說不錯，但街上未見可以試聽，現在可有地方可試聽？

hiyori

zombie 發表於 2015-9-22 18:13
連專員都說不錯，但街上未見可以試聽，現在可有地方可試聽？

Onkyo E700M

這對我在音展也有聽過，有mic的E700M確實很不錯。而且是少有如此定位的耳機。

這一類附有mic的耳機，即使是大廠，也多以入門作定位。其實這現象蠻有趣，中高價位的耳機，如果是有mic而不可換線，對用家來說多數不太吸引，因為有mic的話加amp會很多時有問題。而即使是可換線而有mic線的，很多買中高價位耳機的玩家，其預定用途都是插DAP，因此用mic線的情況也不多。

因此很多廠商出的有mic線耳機，很多是入門款式，但對於有要求的玩家或會覺得不足，最後反而用回跟機耳機算。(我自己也是用改造過的super ear pod) 不過我想有玩家會希望找到一對有mic而且有一定質素的入耳式耳機，可以直插電話，質素比跟機好上不少，而價錢不要太貴的耳機。E700M沒特別辟性，但聽來不悶，如上面的一位師兄說，人聲尤其女聲有突出之處，中頻的表現不俗，很合聽pop。當天我試過插電話和Pono player，插電話的聲音已頗全面，而後者聲音會更細膩，但提昇不明顯。隔音的效果不錯，在會場上使用時也能一定程度隔絕旁邊的人的談話聲音。

當時問他們說大概10月左右會出，定價是一千以內，，我想不久就會有得試。差不多價位的、有mic或是沒有mic的入耳式耳機中，這耳機也有其可取之處。這耳機特別適合出街時只想一部電話配一對有mic又有質素，價錢不太貴的耳機。如果你有這樣的需要，這對耳機可以列入考慮之列。

siukeung

舊 Onkyo 耳機只可說垃圾! 新 Onkyo 聽說是 gibson 揸旗，或許有改善，但不記與厚望!!