SHERWOOD R-807 大跌眼鏡

成成 · 發表於 2015-9-2 03:23

本帖最後由成成於 2015-9-2 03:30 編輯

揀R-807原因有兩個,第一係平,7.1分體電源線,定價4張金牛多啲,折扣自己牙力喇,第二係早幾年都想試下SHERWOOD,因為舖頭多年用佢.1部平價機試聲,一啲都唔失禮,咁呢部二佬,應該差極有限
一開箱,心想,LA咗嘢,部機輕飄飄都預咗,8.XKG,但機殼薄過保鮮紙,搞下都驚整穿佢,不過就好墮手,重量嚟自佢隻火牛,約2/3重量喺火牛身上,而晶體管位置.一字橫排好齊整,部機可能功能簡單,線路板好齊整,唔會東一塊西一塊,電線周圍"Q"到一抽抽咁混亂
開機煲,文武火煲了約一佰小時
只有110W 6@阻抗,8@得番100W樓下,不過喇叭易推,用3路15吋JBL L45,應該有96db以上,但官網無講,但一定易推過3路12吋 FISHER(93db),一直用Manley膽機推,JBL係易推好多,超低音用200W EARTHQUAKE 10吋 SUPERNOVA 唔記得第幾代了,約10年前產品
同用開部SHERBOURN AV AMP一樣,唔用ATC中置,NONE咗中置,因為多番試聽下,ATC 雙5吋中置,一來難推,二來要雙5吋中置出配樂人聲80hz以上鎗聲爆炸聲,遠遠不及由雙15吋(或FISHER雙12吋)咁理想,人聲對白ATC不再佔優,始終不及鋼磁喇叭自然迫真,連貫性不但加強,而且整體氣勢爆機埸面震撼到自己都唔敢相信,所以前置唔可以以前咁偷懶,大部份工作比中置做,今次要做前中置角色了
試聽好簡單,睇開啲戲,真係大跌眼鏡,力水拍住SHERBOURN,真係拳拳到肉,下下打埋身,抽得仲勁過SHERBOURN,有種透唔到氣壓迫感,好過癮,當然JBL亦好大功勞,連帶SUB-WOFFER都勁咗好多,下下打心口,配搭JBL,整體聲底係清晰,低頻扎實,但會比番一浸低頻墊底
用後感係,機身重量價錢係不成正比,如果唔係大佬貴一倍有多都想去馬,但考慮到分別係輸出大啲,功能多啲,都係入部平平地算了,同時工作時機身溫度不高,只係少少暖
有時間用佢駁FISHER唔知效果點,因為喇叭係難推啲,聲底亦較斯文,唔知會有乜嘢效果