膽前石後：Audio Experience Symphonies Plus-SE之引入

FelixTheCat · 發表於 2015-8-30 18:14

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

故事之初，緣於幾年前幫外父搬屋，他決定把他珍藏多年的差不多百多支真空管全數相贈，幾乎全部是12AX7和12AU7。

當時還在用Audiolab 8000C+P和Celestion SL-6si的我，為了玩膽，傻下傻下買了部科寶3.8i。之後又無啦啦身痕想玩座地，於是買了對Proac D18。聲音組合起來也算是不錯，但科寶確實零件質素有問題，經常有小毛病，一年幾次，煩呀！

最後決定換機。。。本來試過科寶Ref 3.1 300B和Audio Experience YSA-300B-XLS Reference，覺得都不錯。但係呢個時候，一天聽聽下嘢，阿狗上來，一尾巴打落過Hifi架到，雖然機無事，但膽罩已經離哂罩，差少少就撞到支膽。為安全計，所以決定棄膽取石(Accuphase A46) 。

入了A46之後，在想要不要加一部前級，例如C2420。但我部Audiolab 8200DQ衰衰地都叫一部解碼前級，一直想不通。。。正好適逢Yen低，先不理，入一大堆日系配件，電源線，喇叭線再算。。。

搞了一大輪，聲音差不多達到自己的要求，唯獨是欠缺一份味道。而且要不要正正經經加前級這想法一直揮之不去。想來想去，膽前級其實也可一試。

基於自己有的主要是12AX7和12AU7，為了善用資源，就從這個方向睇睇。找了一輪，終於找到了Audio Experience Symphonies Plus-SE：
http://www.ys-audio.com/sp+se.htm

選擇此機原因如下：
1. 雖然話係用3支12AX7，但負責人Nelson話呢部機12AU7，12AT7和12AX7都能用，只是gain有點不一樣。
2. 基於之前的經驗，零件和做工是這次的重點。在試機的時侯，也試了非SE版。發覺SE版用了一些好一點的零件，聲音的通透度和結實度，也真的比非SE版好了不少。

昨天才剛上架，暫用一支Mullard12AX7長屏方環和兩支Brimar12AU7黑屏方環開聲。由於手頭上無6x4，先用原廠GE，遲下才找一些NOS試試。

初步聽感，機聲底屬中性，三頻平均。你俾咩嘢膽佢，佢就出咩嘢聲。雖然才幾個鐘，正呀，膽味全部返哂嚟，舒服哂。才幾個鐘到已經有此表現，非常不得了。膽前石後確實不錯

最後要多謝負責人Nelson，非常有耐心而不厭其煩的解答我的問題和任我試聽，確實是＂香港精神＂的模範，絕對值得業界學習，讚一個

謝謝閱讀。