對Eason的"準備中"有一些說話......!

史提芬周 · 發表於 2015-8-31 00:09

印象很深刻是有富士山下及黑澤明那一張碟，當年買番來一放入機一開聲，嚇左一大跳，我心諗今次死勒，部機無端端出左問題，唔知係邊條接線鬆左，定係邊度壞左，竟然出黎既聲咁差?
攪左一輪先發現原來部機乜事都無，係隻碟本身咁衰聲!

一隻碟可以衰聲到令人以為套音響出現問題真係離X晒譜的....

史提芬周 · 發表於 2015-8-31 00:15

其實準備中比起當年既富士山下那碟，已經唔算太衰聲了，不過今次既歌曲內容及風格真係唔係幾得，聽完成成隻碟最大感覺就係---乜呀陳生既歌既曲風同編曲點解越來越似區瑞強D歌既?!

yukiseto · 發表於 2015-8-31 09:34

史提芬周發表於 2015-8-31 00:15
其實準備中比起當年既富士山下那碟，已經唔算太衰聲了，不過今次既歌曲內容及風格真係唔係幾得，聽完成成 ...

聽完之後我只覺得點解而家Eric Kwok作既歌屎過以前咁多, 看來Eason須要既係換哂班作曲人和Record/mixing班人

Krizzzz · 發表於 2015-8-31 10:41

近年所有Eason的唱片中, 只有 <?> 的音質算是可接受所以有買... 所以其他全部冇買碟齋聽KKBOX!
但<?> 係國語碟, 廣東碟中就算主旋律果隻碟咁多好歌都買唔落手!

bigair · 發表於 2015-9-1 01:50

其實香港市場太細，依家淨返我地班hifi友會買碟聽，但我地都只係少數民族，依家d歌星出新歌都係為開演唱會，要曲好詞好，真係少之又少，所以就算LoLo出hifi碟都只會出返舊歌，可能舊歌先可以令我們聽得投入，我都好希望E神可以出到一隻非買不可的唱片

bellyjerry · 發表於 2015-9-1 08:09

bigair 發表於 2015-9-1 01:50
其實香港市場太細，依家淨返我地班hifi友會買碟聽，但我地都只係少數民族，依家d歌星出新歌都係為開演唱會 ...

贊成師兄講法,喺我心目中Eason'非買不可'嘅唱片已經係04年出嘅U87,近年似樣啲嘅都有09年嘅H3M,新出呢隻就係買番嚟聽咗一次跟手入咗櫃了,唔係話唔好聽,只係真係冇衝動再聽第2次.

小瑟 · 發表於 2015-9-1 08:25

依家岩岩聽緊人生馬拉松(MOOV HIFI), 老實講, 歌都真係OK好聽架, 歌詞都正, 不過就係放係大機一聽就唔上到耳, 好慘!!!!! 好想同EASON講, 其實都做歌都做到悶啦, 不如試下係錄音同MIXING果邊玩下野, 好似以前 MJ 既 BLACK OR WRITE隻碟咁, D錄音正到呢~~~~