畫冊式電影《刺客聶隱娘》

mike384

趁時間啱, 放工又走左去metroplex睇埋佢先.

侯孝賢算係知名度高但又較少產的導演, 自己冇點睇過佢的作品, 今次入場主要係因為喜歡呢類題材.

自己除了槍戰動作, 武俠古裝都係好喜歡的, 加上市場上呢類電影真係越黎越少, 更顯得珍貴, 數年前的劍雨係比較滿意的一套.

而聶隱娘呢個名, 以前都聽講過, 知道係古典武俠小說, 內容較神怪, 亦可以話係現代武俠小說的源頭.

為免劇透, 都係唔講故事.

首先係女主角舒淇, 自己唔係佢D粉絲, 講老實直頭有少少唔鍾意睇佢D戲, 尤其係佢講廣東話個D, 好造作令人唔舒服, 講國語的還好, 偶有佳作添(馮小剛個部的第一集), 呢度戲入面, 佢極少對白, 講難聽D, 佢係多出現但冇乜講, 唔打鬥時就係咁坐/企係度定格, 當然唔只佢, 成套戲都係一套較[靜]的戲黎, 偶爾加一兩場好快的打鬥, 果真係[靜若處子, 動若脫兔].

而好多時都係D 好慢的風景鏡頭, 我冇睇過原著, 但相信多少係從原著小說攞靈感的, 自己本身喜歡攝影, 見到一幕幕的美景都係好開心的.

打鬥方面, 相比起而家個D武俠片係比較平實, 運鏡有DD胡金銓FEEL, 即係俠女個隻, 但LONG SHOT較多, 畫面唔會太閃.

整套戲的味道, 尤其係運鏡, 有好重的舊式日本片風味, 尤其係黑澤明個D, 不過對白更少, 更靜.

我係標題用左[畫冊式]三個字, 係想話佢似一本插圖故仔書, 就如[繪本]一樣, 一幅大圖, 加兩三隻字去補完個故仔.

10分的話, 我比呢套戲7.8分(因為想畀8分又畀唔落, 但又好過七分一截) 慢, 靜, 美, 雖然未到傑作, 但都係難得一見武俠佳作, 但呢套戲真係好慢, 同埋基本佢唔作太多解釋, 唔係王晶片咁郁唔郁就搵個解說出黎踢爆哂, 首先古文唔好的人要惡補下, 故事佢同原著有出入, 但睇一睇介紹再入場都有助補完, 否則可能會成為一套風景記錄片XD

***唔慣睇慢戲的人真係唔建議去睇, 咩叫慢戲?黑澤明的文戲, 或小津安二郎(我都覺得難頂)個類啦***

alleelarry

本來都心大心細入唔入場，而家冑答案，但還是會去看的！

kc275

粗人敵卡

侯孝賢啲戲都唔錯

kh22

小津D戲是好有味道的,得閒拿出來煲,很有人情味。

kh22

黑澤明的武俠片很富娛樂性,攝影運鏡一流,如"穿心劍","用心棒","七俠四義",並不沉悶

mike384

kh22 發表於 2015-8-31 22:10
黑澤明的武俠片很富娛樂性,攝影運鏡一流,如"穿心劍","用心棒","七俠四義",並不沉悶 ...

小津我未識欣賞, 但黑澤名的古裝片真係好正,  影像凌厲得黎故事都好豐富, 七武士呢D 雖然冇BLURAY, 但其實DVD都相當高質(有隻REMASTER版).
個人最LIKE的係穿心劍(樁三十郎, 大劍客), 真係好正, 雖然動作相對少左D, 但演員, 故事, 運鏡全部一流水準.
亦有幸係電影節睇過幾套黑澤明的代表作.

kh22

mike384 發表於 2015-9-1 09:23
小津我未識欣賞, 但黑澤名的古裝片真係好正,  影像凌厲得黎故事都好豐富, 七武士呢D 雖然冇BLURAY, 但其 ...

廿幾年前百老匯和利舞台戲院都有重映,當時睇左十套八套,好正,依家CC版和法國修復版 D 晝質都好靚,不過都幾貴。

mike384

kh22 發表於 2015-9-1 09:56
廿幾年前百老匯和利舞台戲院都有重映,當時睇左十套八套,好正,依家CC版和法國修復版 D 晝質都好靚,不過都 ...

我都係咁上下, 第一次係係香港的某電影節睇的, 就係睇穿心劍, 係大會堂, 當時得英文字幕.
跟著係係日本睇, 又係映畫祭之類的, 一晚通宵睇哂七武士, 用心棒同穿心劍, 爽到痺.
就講七武士個場雨中決戰, 唔好話日本片, 拍得出個個氣勢出黎的戲真係唔多.

kh22

mike384 發表於 2015-9-1 10:05
我都係咁上下, 第一次係係香港的某電影節睇的, 就係睇穿心劍, 係大會堂, 當時得英文字幕.
跟著係係日本睇 ...

有冇睇"姿三四郎", ending 果場決鬥,山雨欲來,天昏地暗,氣勢磅薄,徐克,杜棋峰成日向佢偷師。