<求喇叭推介(第三集)>之NAIM SUPERNAIT 2主場 YAMAHA PK大戰 ATC

ce_tkk

第二集開左箱，俾泰利日日吹，終於要爆啦..........
上回提要，#136 出左啲相同SPEC，今回大比併啦

第一回 - 鬥擺位，樂器定位、聲場

(ATC): ATC首先在先天己佔上風，因為在說明書上己寫清楚，兩隻喇叭同皇帝位湊成一個等邊三角形就得(再加多少少TOE-IN)，人聲一定係企定定，置出樂隊一兩尺左右，立體感、深度係容易產生，Rebecca Pidgeon的Spanish Harlam向中段個沙槌，點半至兩點鐘位置自自然然走出來。 為左更理想，我就買左塊鵝絨布蓋住電視，分吋必爭，深多一尺得一尺，幾舊水唔慳得。

(Y1000): 雖然ATC容易定位，但不等於YAMAHA製造聲場困難。奈何，YAMAHA箱體有返咁上下，在客廳的有限空間下擺位，啲樂器難免會有少少逼。 不過，大單元同時間令到每一件樂器更加清晰可「見」，尤其是最低音的墊低BASS、鼓等等，比較上來ATC會蒙、弱一點。李克人既<李克人演奏廳>入面頭三首<十年前後>、<勝情中人>、<婚後事>，鐘鼓齊鳴，二胡、洞簫、笛子等等樂器哂面前一一數出，彷彿自己就係趙增熹(唔係金培達，哈哈 )。再聽真啲，連個禮堂空間、空氣密度都有，ATC未必俾得到的。


第二回 - 鬥上下伸延、控制
(ATC):ATC高音單元，發揮80分以上表現。新單元幫到下手。 但係下路失守 ，我有理由相信NAIM SN2力度，同二次完反射未能帶出應有而實在的低音。 對唔住ATC，係我玩唔起你…..但我唔會放棄你，我發誓會我一定要收服你的！！！
(Y1000):「鈹」「紙」合力，誰與爭鋒。「鈹」高音尖而不燥，「紙」低音有質有量。今年AV SHOW 隻SACD第12CUT<WHAT A WODERFUL WORLD>開首直接帶我逐步逐步鑽探地球核心咁。 不過，NAIM SN2係「猛烈」的，搭上Y1000有時都會有種少少「衡」的感覺


第三回 - 鬥特色
(ATC): 中音果種甜美，就好似蜜糖咁正，聽Ella Fitzgerald 同Louis Armstrong的大碟，Louis Armstrong個喉嚨腚都好似搽左枇杷蜜咁湧出來咁正，當然Ella把聲係有幾咁自然自在、輕鬆就唔使講啦

(Y1000): Y1000既特色係你唔需要好刻意去聽你喜愛的音樂，因為大單元加上佢高靈敏度，可以將CD上的所有資料，四平八穩送哂俾你，佢唔會「欠」左你。聽得耐左，仲有機會變身基哥，執回少少「初鍊」的感覺添。


第四回 - 鬥價錢
(ATC): HKD$X
(Y1000): <HKD$1/2X (連運費)

結語︰
1. 衣個唔係一個公平的競賽，就好似鯨魚同海豚向海水公園個魚江鬥快一樣，本文纯粹個人口味出發，纯無私分享
2. 如果要我再簡單定論，ATC係果種兩聲道一定要聽過的喇叭，而Y1000係果種你唔需要擔心的喇叭。
(ATC:新手們，你未聽過ATC就快D去聽下，我相信你聽過之後，你會明白咩叫「有味道」的喇叭，唔係點解TELARC、ARC、BBC、DIANA KRALL會源用至今)
(Y1000:你唔需要擔心咩AMP、咩線、咩碟等等既野，佢容易配搭，容易出靚聲，容易俾到參考的意味，隻隻音符塞入你耳仔果種 )
3. 今次試的是ATC SCM 11(是ATC的入入入入入入門喇叭)，唔係其他系列，其實ATC主動喇叭係爆爆爆好聽的
4. Y1000係中古喇叭，冇保養，冇DISPLAY，冇得向街試
5. 如果你想買Y1000，千祈唔好攪錯去通利呀!!!!各位有興趣師兄，大可以搵/PM有YAMAHA標誌的「「「「TERRY」」」」師兄，佢最鍾意周圍放毒


6. 其實打報告都好辛苦架.............睇完要加分呀....................睇完要加分呀.................睇完要加分呀....................睇完要加分呀.................睇完要加分呀....................睇完要加分呀.................睇完要加分呀....................睇完要加分呀.................睇完要加分呀....................睇完要加分呀.................睇完要加分呀....................睇完要加分呀.................睇完要加分呀....................睇完要加分呀.................睇完要加分呀....................睇完要加分呀.................

ilavbnm

終於肯出野嗱...
不過...我對ATC聽感...同C兄有D出入
好多人話ATC中音有味道...甚至稱其"春藥"喇叭
我就會形容ATC中音...係高密度+有分析力...但就無咩味道
唔係要同C兄打對台...純個人感覺only...

moclub

多謝師兄精彩報告,我都因為你的報告已經上了ATC代理聽種毒中

ilavbnm

moclub 發表於 2015-8-17 13:06
多謝師兄精彩報告,我都因為你的報告已經上了ATC代理聽種毒中

中毒就要快D解毒啦...

hinh200hk

終於標左嘢，
題外話，大師兄個名勿常掛咀邊乃嘢勿怪人。
如果我唔系乃左嘢我唔會同你講呢番說話，
分數後加比你

terryc

ilavbnm 發表於 2015-8-17 13:01
終於肯出野嗱...
不過...我對ATC聽感...同C兄有D出入
好多人話ATC中音有味道...甚至稱其"春藥"喇 ...

叮噹兄你對高級啲，配搭又好，點同呢

terryc

樓主你真係比面，又放小弟上枱面如果計玩山葉來講，我真係個入門小新手，而又無正式去幫過師兄你……

如你試到有乜好配搭後計得通知小弟一聲，免得我哋班窮人行多咗路～

terryc

樓主，你會繼續keep住用兩對喇叭，定係還是要作取捨呀

ce_tkk

terryc 發表於 2015-8-17 14:05
樓主，你會繼續keep住用兩對喇叭，定係還是要作取捨呀

KEEP住兩對先..........
雖然屋企只能播一對，
但哥就是任性，
哥就是有錢.........
(扮唔到窮，唯有充有錢 )

ilavbnm

terryc 發表於 2015-8-17 13:55
叮噹兄你對高級啲，配搭又好，點同呢

擺明串我窮啫...
大家都知...我果對係ATC全個系列入面最平果對啦...