李克勤 我克勤Hacken Lee Hacken Me 2015．CD+DVD

vinnybm

睇黎佢都應該江郎才盡了 講玩野咩! 又冇Easin咁過癮 講哀怨咩! 又冇許志安咁Jazz 講型咩! 又有cool魔係度 講聲靚咩! 都仲有側田 C All Star 張敬軒 講靚仔咩! 更加冇份 最慘係冇乜金曲面世 (至少呢5年內) 最後果隻應該算係"我不會唱歌"... 你話點算好?

timmy

vinnybm 發表於 2015-8-14 23:58
上次隻復克我見減價 即管買黎聽聽 點知... 隻碟應該叫"伏黑" -- 中伏的黑仔...!!! ...

認同Ｘ100,之前隻復克聽左一次即放，之後已放棄佢既碟

whtang

原來咁多ching放棄了他，我也是其中一個，曾經每隻碟都買，同一個演唱會睇兩次，亦會買齊CD, VCD, DVD, blu-ray，叫做支持到盡。佢第一次拿tvb最受歡迎男歌手，苦盡甘來，男人老九既我都開心到喊左出來。

但是，20年樂迷時間在上年終於終止。第一次唔買佢既碟，初初都有點感慨的。但佢近年的碟實在不好聽，保守冇突破，可能小時既我不太在乎佢欠感情，唱功勁＋歌曲旋律正就得，但人大了真係對感情演譯有所要求，慢慢發覺佢真係十年如一日。森林和原野中晒伏，復黑我反而OK，紙牌屋只係聽左幾次，無朋友就終於買唔落手了，3隻新歌再加舊歌，搵笨加求其程度十分高。今次呢隻新碟，我看過曲目後更加笑了出來，唔係咁求其下話？只得5首歌？

幾個月前亦決定唔買佢同容祖兒既演唱會飛，因為佢一向策劃演唱會流程都偏向保守，金曲佔九成，聽左咁多次都真係悶，想佢唱多D滄海遺珠，記得有一次演唱會大家多番要求才唱一唱隻十年前後，今次演唱會得cut開一半，我幾可肯定佢只會唱一生不變、月半小夜曲、紅日等等，所以決定唔睇。

TORRES

李克勤
如果肯唱九月中的陌生人、手錶、偶然、仍是老地方、此情此境、聽說你失戀、.風雨夜歸人、冬之旅人、解釋............仲有好多，可惜克勤只會唱HIT嗰幾首
尤其解釋

TORRES

仲有雷雨、靜夜、仍然深愛著你....

cdb128

whtang 發表於 2015-8-16 22:04
原來咁多ching放棄了他，我也是其中一個，曾經每隻碟都買，同一個演唱會睇兩次，亦會買齊CD, VCD, DVD, blu ...

師兄， 講開克勤新碟得5首歌呢件事， 其實近年環球同英皇都傾向咁樣幫啲歌手出ep多： 祖兒，鍾舒曼，陳偉霆，洪卓立，佢地啲新碟都係得嗰3至4首歌但就變左賣大碟價…… 環球之前幫歌手出既所謂大碟大部份都係得8首歌(唔計remix或音樂版) 都要賣你百2 3蚊了…… 可能我地呢代聽迷咁多年都聽慣左啲歌手出大碟啦(起碼有10首歌)，唱片公司出ep既料大碟既價唔多唔少都會影響我地買碟既意欲 不過講到尾都係歌既質素，啲歌唔惦就算雙cd單碟價都係唔會有人買……
(Post76 Android 手機版送出)

m600

whtang 發表於 2015-8-16 22:04
原來咁多ching放棄了他，我也是其中一個，曾經每隻碟都買，同一個演唱會睇兩次，亦會買齊CD, VCD, DVD, blu ...

我也是克勤的粉絲，覺得佢最後值得買既碟係演奏廳系列！最近呢幾隻碟都有入手，聽過後就覺得好悶... 而今次呢隻大碟，見電視唔同時段都有廣告，但隻碟仲未買！現在買他的碟感覺好像只是支持他，而不是買回來聽

goodabc2010

相比之下,在森林和原野明顯叫試新野之餘效果唔錯
今次隻碟就悶左d

byingfung

TORRES 發表於 2015-8-17 03:07
李克勤
如果肯唱九月中的陌生人、手錶、偶然、仍是老地方、此情此境、聽說你失戀、.風雨夜歸人、冬之旅人、 ...

Ching講得啱，記得有次佢响一個音樂會唱過「九月中的陌生人」當時歌迷感動興奮，其實佢呢D碟嘅歌當時都係大賣，作為歌迷又點會唔識呢D咁好聽嘅滄海唯珠？奈何次次都紅日月半小夜曲大會堂演奏廳，佢真係對呢D歌「一生不變」！

travelbooy

我不是他的迷！而一直覺得他好似唱歌機器！所以只買過他的一套四碟精選及dsd 視聽王後都無興趣買其他新碟！反而古巨基都好他點點！古仔令我肯比錢買的唯一張碟就係“告別我的戀人們“