影音展效應...Campfire Audio Lyra 有冇知音人

sum_gor

AV Show效應發作...入去玩左兩日,成身毒走番出黎

入到去主要搵左幾隻岩自己的入耳黎玩: Noble Savent, Lyra, FAD Heaven VIII, IE800, ASG Harmony

LEE幾隻個價錢同聲底走向都好接近,不過都係隻Lyra最令人懷念

最接近對手係IE800,因為D聲同個質數真係好似兩兄弟,個人感觀什至覺得Lyra在各方面都比IE800略勝-流行曲計

仔細聽覺得佢特別在個音色係好通透,低頻質量良好展示之下與中高頻人聲樂器聲好配合

有冇知音人有留意LEE隻Lyra? 求聽感/開箱分享

guardyeesze

揮手揮手！今年入場Lyra都係小弟想試耳機之一。都真係比到驚喜我。

本身我聽歌比較雜食，中港台日韓美，流pop, rap都有。不過就主要都係聽女聲。今次去到會場夾自己部AK100ii，發覺聽女聲好柔和，成個聽感好舒服，好自然。不知是否tinsel本身的功力再幫一把。

另一對我最想試是Noble Savant,傳聞說是4～5動鐵單元，感覺上，再加上價位都可能係。以Savant黎比Lyra, 小弟覺得兩者分析力不相伯仲，但Lyra的動圈發揮低頻力強而自然點。整體上耐聽度高又夾很多不同種類的歌。所以小弟都好喜歡Lyra, 不過如果條tinsel可以轉2.5mm TRRS版就好了。

以上為小弟小小聽感，希望大家多多分享。=)
(Post76 Android 手機版送出)

windwolf447

之前我係mk d店試過lyra，的確好舒服耐聽，人聲有佢既味道，聲音整體偏一點暗，高頻相對收斂，有比較大既下盤，有少少似jh audio既果類聲。聽流行曲比ie800好聽，樂器尤其弦樂表現就不如ie800

孤寡詩人

windwolf447 發表於 2015-8-11 09:30
之前我係mk d店試過lyra，的確好舒服耐聽，人聲有佢既味道，聲音整體偏一點暗，高頻相對收斂，有比較大既下 ...

唔知師兄用咩player試呢？同埋弦樂係指咩弦樂呢？小弟今年AV Show都有聽Lyra，可能小弟木耳，所以有唔同的睇法。

為左唔好俾Player影響到太多，我都試左手機、AK Jr、AK100II、AK120II幾部機嚟攞個平衡。估唔到嘅係手機推都勉強夠聲 XD

言歸正傳，如果弦樂講到係Cello、Double Bass、Electric bass，小弟的確覺得Lyra的低音略欠彈力，畢竟鈹單元剛性強、反應快，所以聽Classical 和 Jazz 的 Pizzicato感覺唔夠深。

不過如果係聽Acoustic Guitar、Violins，我又覺得Lyra所出的高音延伸好夠、好自然，尤其係啲reverb都可以好清晰咁聽到，又唔會蓋過原本件樂器。更難得嘅係音色夠亮而唔刺耳，應該係陶瓷殼的效果。

唔知師兄可唔可以講多少少俾小弟學下野？

vivibo

windwolf447 發表於 2015-8-11 09:30
之前我係mk d店試過lyra，的確好舒服耐聽，人聲有佢既味道，聲音整體偏一點暗，高頻相對收斂，有比較大既下 ...

呢隻我都有試, 佢用左鍍鈹driver,高頻表現係佢強項先真,低音好有彈跳力,但再試另一個組合, 低音又差d, 再問下位哥仔, 原來我試第一隻已經煲左好耐, 第二隻全新未開聲. 整體是一隻很不錯的耳機

Noellai

小弟剛剛加入Post 76, 先向各位師兄問好，我有ie800, 覺得分析力、三頻各方面都係小弟喜歡同追求嗰種，奈何配帶舒適度、穩固度遠遠唔及我第一隻耳機Shure 535r (可能係勾耳同小弟耳型問題），一直都好想搵隻近似ie800聲音既替代品，星期六喺音展巧遇呢隻ALO Campfire Lyra, 一上耳嗰種一聽即愛上(就好似當日由535r 去ie800咁）返曬泥，唔同既係隔音、舒服、穩固同ie800 比好得太多了，二話不說即刻去隔離入手了，而家努力煲機中....暫時仍聽到一d齒音，高音恰到好處、唔標、人聲唔係暖果隻，但都聽得舒服，低音量夠唔過火，但當日試嗰隻可能煲左所以量夠且沉實，音場理想，小弟偏好較前既人聲，佢都一一做得到，聽感從來都呃到人但呃唔到自己，請原諒小弟初哥一名，好多方面仲係好貧乏、表面而唔識表達，總結係Lyra係一隻好帶左、隔音同穩固左、唔敢話超越，但都同ie800不相伯仲既靚聲耳機！

孤寡詩人

Noellai 發表於 2015-8-11 16:00
小弟剛剛加入Post 76, 先向各位師兄問好，我有ie800, 覺得分析力、三頻各方面都係小弟喜歡同追求嗰種，奈何 ...

恭喜師兄入手，期待師兄出有相評測呀

sum_gor

guardyeesze 發表於 2015-8-11 08:32
揮手揮手！今年入場Lyra都係小弟想試耳機之一。都真係比到驚喜我。

本身我聽歌比較雜食，中港台日韓美，流 ...

分析力我有特登試過，有一段3把聲唱緊，背景幾種樂器連鼓連輕快低頻，Lyra分析較清楚，Savent比較上亂dd，但聲音發出的位置感較明顯，橫向音場個角度感覺上係較橫

sum_gor

Noellai 發表於 2015-8-11 16:00
小弟剛剛加入Post 76, 先向各位師兄問好，我有ie800, 覺得分析力、三頻各方面都係小弟喜歡同追求嗰種，奈何 ...

Ching 大約幾$入？我囉囉攣左幾日喇。。。

Noellai

sum_gor 發表於 2015-8-11 17:38
Ching 大約幾$入？我囉囉攣左幾日喇。。。

$52xx 呀師兄！