《玩轉腦朋友》 / INSIDE OUT : PIXAR傳統只適合成年人卡通片

Hon · 發表於 2015-7-26 13:50

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Hon 於 2015-7-26 16:29 編輯

小弟第一次寫下影評, 望各位見笑

今朝响THE METROPLEX睇早場, $40蚊, 我唔會話抵, 最緊要係呢間戲院質素同服務都好, 所以令到我本來去AMC睇開都過檔.
依家既入座率比我第一次去啱啱初開始無奈時去睇既時候真係好左好多, 我見到都好開心, 不過正所謂 " 路遙知馬力, 日久見人心", 希望日後各方面都唔會失去水準啦, 加油

寫影評前先講一樣野, 各位有小朋友既父母盡可能都唔好陪同佢地入場睇PIXAR呢類電影, 點解?!? 稍候再講...

情緒每人都有, 更加可以話係無形, 但用電影手法導出呢樣野的確要加分, 至少可以將現時只會用小說改編, 不斷既續集及REBOOT既所謂電影帶來一種正確態度.

故事中分別用JOY, ANGER, DISGUST, FEAR同SADNESS黎帶出種種既日常生活及成長.

電影中好多位置都為成年人帶來一種好可喜及可悲既回憶.
可喜既係的確唔可能只有一種情感而成為人類 (如果情感好似工作咁一樣還一樣既話, 嗰個只以叫做機械人而非人類)
可悲既係的確人愈大, 記憶中真係有好多情感都失去/流失左 (例如細個時既喜怒哀樂)

呢套戲所講既影評實在不多, 我會俾9分, 出碟必買, 希望大家都喜歡
.
.
.
.
.
.

講返開始所講既事, 其實點解我會咁講呢? 有人可能會覺得, 仔女睇左TRAILER見得意就會要求父母陪佢去睇, 甚至乎電影公司可能都想咁做所以至拍呢類電影, 但經過今朝呢一套戲既現場事例後, 我對講過呢句說話更加肯定...

話說卡通電影不嬲都一定有好多小朋友入場既, 但睇到一半既時候有一位小朋友話...
" 套戲做完未架?!? "

佢媽咪同佢講未呀, 但小朋友隔左一陣又講多次同樣說話.
可能你會話: 車, 得佢一個啫.
但我可以話今年內睇過多部卡通電影, 套套都有小朋友入場, 開始前"V嘩鬼叫", 開始後"靜過夜晚".

究竟佢地明唔明套戲講咩呢? 究竟佢地知唔知自己103分鐘入面睇緊咩呢?
其實無所謂, 呢D係佢既事, 但如果成年後再睇既話可能至欣賞到呢套戲既訊息.

P.S.: 我只係分析, 並無教唆, HAHA

alleelarry · 發表於 2015-7-26 14:19

呢類教育味濃的是小朋友最怕睇既

PS. 留意中文片名要加番《》啊！

kl122002 · 發表於 2015-7-26 14:24

我偏好舊戲院果種大畫面的感覺, 後感打在這裡:
[動畫/卡通] 睇完《玩轉腦朋友》 (少少劇透)
話說開場同影的火山片是舊作.
成奪戲 10分為滿的話, 8-9分是差不多了.

Hon · 發表於 2015-7-26 16:55

alleelarry 發表於 2015-7-26 14:19
呢類教育味濃的是小朋友最怕睇既

PS. 留意中文片名要加番《》啊！ ...

加返, 唔該晒提點.

我覺得可以話無教育味, 只係一個回憶.

alleelarry · 發表於 2015-7-26 16:56

kl122002 發表於 2015-7-26 14:24
我偏好舊戲院果種大畫面的感覺, 後感打在這裡:
[動畫/卡通] 睇完《玩轉腦朋友》 (少少劇透)
話說開場同影 ...

閣下的影評已經置頂了

alleelarry · 發表於 2015-7-26 16:59

Hon 發表於 2015-7-26 16:55
加返, 唔該晒提點.

我覺得可以話無教育味, 只係一個回憶.

我未睇，或者都未必會睇，但DISNEY以「五感」說故事的話，大概都是導人向善的為主，只要加以輔導，很可能是一部有教育意義既親子故事吧！

kl122002 · 發表於 2015-7-26 17:28

本帖最後由 kl122002 於 2015-7-26 17:30 編輯

alleelarry 發表於 2015-7-26 16:59
我未睇，或者都未必會睇，但DISNEY以「五感」說故事的話，大概都是導人向善的為主，只要加以輔導，很可能 ...

多謝置頂.

今次....我想小孩子只是看冒險的位置吧?
教育意義方面各大人比較多兄? 始終看著JOY的變化才是真的.

說起配音, 林二汶和王菀之的聲音很切合角色, 不知該怎麼說, 蔣志光和許紹雄的聲音好搶眼, 楊詩敏的最弱?
譚玉瑛在當老媽的角色, 真是很意外!
同觀其他配角的聲音都不差, 特別是配Bing Bong的一位, 這麼關鍵的角色 (代表女主人的過去) 也真是處理得很好!

那首香口膠的C一曲真是幾乎洗腦, 出現了至少4-5次,
之前的LEGO 的Everything Is Awesome!!! (世界會更美麗!!) 簡直是洗腦之冠.

alleelarry · 發表於 2015-7-26 17:41

kl122002 發表於 2015-7-26 17:28
多謝置頂.

今次....我想小孩子只是看冒險的位置吧?

反正唔係由細聽大既熟悉配音員，我都係只會揀番原聲，明珠台都唔配音啦！

kl122002 · 發表於 2015-7-26 19:19

alleelarry 發表於 2015-7-26 17:41
反正唔係由細聽大既熟悉配音員，我都係只會揀番原聲，明珠台都唔配音啦！ ...

睇配音版是庶了聽下可以改到有幾地道的感覺, 也算是俾多少少支持香港的配音員.
以前參觀電台,視台, 見過佢地好用心的去配, 點都要俾少少十卜.

原音版當然要睇, 不過會等blu ray (希望不是3D版同扎了, 因為3D版對我沒用...) .
唔知幾時出?

alleelarry · 發表於 2015-7-26 22:20

kl122002 發表於 2015-7-26 19:19
睇配音版是庶了聽下可以改到有幾地道的感覺, 也算是俾多少少支持香港的配音員.
以前參觀電台,視台, 見過 ...

2D+3D是大勢就沒法子了！
(Post76 Android 手機版送出)

[~ 原創影評 ~] 《玩轉腦朋友》 / INSIDE OUT : PIXAR傳統只適合成年人卡通片

如果想睇到更多76師兄嘅分享，快啲登入成為會員啦！

評分

相關帖子

76 榮譽忠義勲章

76 榮譽VIP勲章

76-FC 藍寶石勲章

三星玩樂勲章