不知所謂的唱片連鎖店及大話連遍的員工

TWLO

話說今日下午四時左右到旺角一遊，見到華星嘅SACD出了，但我在朗XX頂樓唱片舖預訂了及留了電話。但今次沒有收到電話。
(我知道此店留電話會通知客人但不會留碟，因我上次一點收電話即去，兩點左右也可以買到)
我便上去問有沒有張國榮的SACD，但個女sales話無貨，但我便問為何沒有通知，佢話就算通知，但也不保証有。
我同佢話我知，上次也是這樣，但今次真的沒通知，問點解，佢跟著問我電話號碼，check完叫了個男sales同我講。
(當時我見到在前面個男人買了一張梅豔芳妖女及張國榮的SACD)
講返個男sales，劈頭第一句就話張國榮賣哂，無貨。
我問今日幾時到貨，點解無通知我。
佢話一點，點幾已賣哂，跟住佢再重申總之賣哂。
我再問佢，一點啲人排隊買所以賣哂？
佢就面帶不滿地話無人排隊，但點幾時，總之就賣哂。
見佢咁態度，火都嚟埋，轉身就走，以後一定無交易。
不過落到地下，突然醒起，我前面個男人咪買了張國榮隻SACD，又話點幾賣哂？我日光日白見鬼

takeishi

  算啦~唔好嬲, 基本上間間都係咁卜街架啦.
你講果間野入面D員工態度真係有D問題. 西口西面咁.
十問九唔答. 真係想問下間野個老細點X樣請人.

jimmy188

算啦c兄……查實問題跟本pk代理冇貨比分銷店舖……
我仲慘……當日望住d貨返，竟然一隻都買吾到！！全數比人預訂晒……(並非 cd倉)
佢話返一成貨都冇……傳說代理留返音剪度買……
建議我去音剪碰吓運氣…………
店舖都好無奈……有$边果吾想揾丫？

Cheong448

jimmy188 發表於 2015-7-25 12:36
算啦c兄……查實問題跟本pk代理冇貨比分銷店舖……
我仲慘……當日望住d貨返，竟然一隻都買吾到！！全數比 ...

我被人鋸一頸血先有貨 鬼叫我不是他熟客仔{:9_411:}

鬼叫臨近視聽展

上次一月份還好 不久隔一排至有沒編號版

yukiseto

一間間啦，我今早打去觀塘那間問有無貨，佢話有，仲主動提議話幫我留貨，算係咁了

yukiseto

環球三吋cd廣告話當年係樂壇大牛市，而家咪一樣，哥哥梅姐唱片一出即刻周圍斷市，真係好似回到少年時咁呀！

粗人敵卡

咁趕客…

kl122002

我借題發揮,
因為我熟客, 知多少少甘樣, 可以用另一個角度睇.
有D細鋪, 真是會好心少少同你留, 不同你留也是道理. 你係生客, 我同你留是人情, 唔留係道理. 點知你留幾耐?一年定十年?
大鋪說唔同, 你根本係生客說係生客. 你一年有沒有在同一家分店買過十幾萬起的CD/DVD? 做左公司的VIP未?  一年單係你, 如果得閒check credit card record就大概估到你用左幾多錢了!　對佢地而言 少你一個唔少, 多一個也不多.

dc903

好絶但又實實在在的心態;  所以揾定一間你覺得無咁乞人憎, 做長期客, 起碼有小小好DD服務; 今時今日買D<炒味濃>ge碟, 不要要求有咩好服務啦, 一係等D無號碼, 算!
PS 唔同分店唔同服務, 試多幾間, 有D肯幫你留(自己都試過, 肯keep一個下午/晚上).  

jimmy188

講到尾……要有貨先得架…………每間舖分得5、6隻
……實死啦……代理商可以做好d……咪自然冇咁多衝突囉……