我在東京大阪鳩烏的日子 - 二手CD黑膠篇

ykluk

takeishi 發表於 2015-7-30 09:44
年頭的時候我也POST過日本東京大阪搵碟好去處........重溫回味下呢.
下次好快又再去. 可能順便去 ...

原來小弟錯過咗CHING咁堅咁正既POST, 已經叫咗之前煩小弟既老友全部入去跟你睇~~!!

如果可以既話, 加google map喺每間鋪到, 咁下次去就開你個post即時click入link到搵路, 咁就最good喇~~~!!

takeishi

ykluk 發表於 2015-7-30 10:19
原來小弟錯過咗CHING咁堅咁正既POST, 已經叫咗之前煩小弟既老友全部入去跟你睇~~!!  

如果可以 ...

  唔駛客氣. 呢排都有綱友問我日本邊度搵碟好.
睇下我介紹基本上都係果D地方架啦. 東京好定大阪好..........我覺得大阪好搵D.
集中D同埋多D舊野. 東京D碟鋪好唔集中. 分散各處. 到處都得一兩間, 小左好多選擇.

  C兄你介紹既沖繩真係勁正. 我都好想去下.
我其實晌日本咁耐. 真係未去過其他地方. 來來去去都係東京同大阪.
果陣我晌日本留學果陣又無咩錢. 好多可以去得太遠. 因為車費貴啦.
而且果陣晌果邊又要打工搵生活費. 都無咩時間可以去下其他地方.
真係有D後悔. 呢家有機會既. 真係要去下其他地方.

ykluk

takeishi 發表於 2015-7-30 10:31
唔駛客氣. 呢排都有綱友問我日本邊度搵碟好.
睇下我介紹基本上都係果D地方架啦. 東京好定大 ...

你响日本留學識日文咁就仲易搞啦~~!!!

小弟所寫既同你既介紹有啲唔同, 你話晒喺嗰度住過吓, 所以可以去到好多香港無咩人知既地方, 但係小弟就純係個人經驗, 每次去日本老婆都只係比得3-4個鐘我自由活動, 所以小弟講既只可以係"走難式"鳩烏~~~

takeishi

ykluk 發表於 2015-7-30 10:41
你响日本留學識日文咁就仲易搞啦~~!!!  

小弟所寫既同你既介紹有啲唔同, 你話晒喺嗰度住過吓,  ...

  C兄............下次一定要去大阪. 唔好去東京.
你去到大阪. 第一站. 一定要去既就係 "難波" .  只需3-4個鍾. 夠你行晒8成既唱片鋪.
掉低你老婆晌難波東面. 幾拾間百貨公司慢慢俾佢掃貨. 而你呢就去另一邊. 即係電氣街果邊.
由街頭掃到街尾. 唔好放過任何橫街窄巷. 因為分分鍾有驚喜. 難波. 你最小可以搵到十幾間唱片鋪.
買到你唔買. 睇到你飽架啦. 難波呢度係最多最集中既二手碟好去處. 記住.
梅田呢. 無咩幾多間架啦. 梅田你都肯定會去架啦. 順個便行下囉. 拖住老婆. 唔好晒好多時間架姐.

takeishi

  去到"難波" 認住呢條街. 晌黑門市場後面. 電氣街前面. 叫做"日本橋3南"
成條街最小十間八間二手碟鋪. 呢條街好多人唔知原來有咁多碟鋪架. 記得. 行入D. 橫街窄巷都唔好放過.

takeishi

大阪都有好多BOOK-OFF架. 淨係BOOK-OFF都掃到好多碟囉.