《蟻俠》略評，反樸歸真之選

freestylemen

由於故事結構簡單，要講的其實無乜，故事卡通兒童向，其實幾老套路，所以不會看到一頭霧水，但卻加入不少喜劇原素，令套戲生色不少，雖然是一貫同類電影的風格，但是不像其他maverl 電影夾硬吱你笑，絕對老少咸宜，儘管上半段偏重文戲，仍然娛樂性豐富，絕對是反樸歸真，電影其實真係唔駛攪咁多花臣，值得一看再看
印象深的尤數果條友的長篇大論，拍攝得幾新穎，令人會心微笑，因為身邊不乏這類人，包括自己都係講東講西都未入正題，首尾呼應，感覺討好。
電影公司今次宣傳上講明同復仇者有關聯，最終字幕後一段彩蛋更清晰地說明，不過唔係人人等得咁耐，又係全場得返我，感覺幾on居，職員牛咁眼望住，皆因阻人收工麻
至於點解會講值得一看再看？全因今次是真3d，文戲都夠晒立體，去到尾段更加不斷出現3d影院果類刺激畫面，令人目不暇給，值得遲d買碟黎煲下
順帶一提，黃戰衣咁型，偏偏主角薯薯地，只因是80年代產物？下次在復仇者出現時唔知會唔會轉轉佢呢？

alleelarry

根據IMDB資料顯示，《蟻俠》未有用上任何3D器材拍攝，但與其他同類方式製作的3D電影相比，感覺上的確是高了一班！或許這就是導演的功勞吧！

freestylemen

alleelarry 發表於 2015-7-20 18:29
根據IMDB資料顯示，《蟻俠》未有用上任何3D器材拍攝，但與其他同類方式製作的3D電影相比，感覺上的確是高了 ...

多謝大大資料提供，但明顯今次唔係只凸字幕，我以為是堅3d添，想深一層的確又未去到阿凡達凸到你面前的level，不過其實都算不錯了，正如大大所說，導演運用鏡頭得宜，令畫面出色，值得推介

alleelarry

freestylemen 發表於 2015-7-20 19:06
多謝大大資料提供，但明顯今次唔係只凸字幕，我以為是堅3d添，想深一層的確又未去到阿凡達凸到你面前的le ...

近期假3D電影做得最好的，或許就是《智取威虎山》，子彈火砲朝著你而發

mike384

套戲我都OK, 唔算咩大製作, 但笑位多, 輕輕鬆鬆的一套爆谷片, 加上唔少老人家, 尤甚係米高道格拉斯, 見佢精神返都開心(冇特別查佢係幾時拍的)
其實, 作為一位都算喜歡入戲院睇戲的人, 我係ENJOY坐到最後, 同有冇彩蛋冇關.
對我而言, 坐低靜靜地, 一邊聽SOUND TRACK, 睇埋套CREDIT(好多時係為了睇埋D 配樂資料), 其實係欣賞套戲的一部份.
當然我唔鍾意套戲時, 音樂一響就會走.
橫定都畀了咁多錢, 兩個鐘去睇, 何苦要急埋個幾分鐘?
而至於什麼[阻人收工], 我難以認同, 我唔反對職員係唔影響觀眾的情況下去執野, 但唔係奉旨要就佢地!!
觀眾畀錢係睇哂成套戲, 唔係話班職員想快D收工, 觀眾就要配合, 如果話係戲院畀唔夠時間佢地收拾, 係戲院安排唔好, 唔應該由消費者去負責.
總之, 條片唔ROLL完, 我坐係度絕對唔係錯, 如果有職員令到我唔舒服想走, 係職員同戲院的問題!!
例如MK的豪X戲院, 基本上一播音樂就出黎趕客, 當然佢只收$50, 可以話係全九龍最平, 一般都唔想同佢計較, 但如果畀我再去, 會堅持坐到LAST.
(呢間野絕對唔理有冇彩蛋, CREDIT一出就開燈清場)
有感而發，　Ｃ兄們請勿見怪。

alleelarry

mike384 發表於 2015-7-21 09:31
套戲我都OK, 唔算咩大製作, 但笑位多, 輕輕鬆鬆的一套爆谷片, 加上唔少老人家, 尤甚係米高道格拉斯, 見佢精 ...

夾到的話，星影匯2D全景聲收你40添，12點前場次都當早場，當然要預番D坐車時間……

radhk

見咁都人都話唔錯, 終於有時間去睇.

之前睇avenger2, 真係笑唔出. 估唔到呢套的笑料又幾okay. 輕輕鬆鬆咁睇英雄片, 我覺得呢套好睇過Guardians of the Galaxy.

alleelarry

radhk 發表於 2015-7-26 04:49
見咁都人都話唔錯, 終於有時間去睇.

之前睇avenger2, 真係笑唔出. 估唔到呢套的笑料又幾okay. 輕輕鬆鬆咁 ...

的確比《銀河守護隊》來得更攪笑！