《未來戰士：創世智能》

gashapon

其實成件事可唔可以咁睇: 既然有T-800去保護sarah, 咁即係代表skynet一定會出現? 因為如果未來佢地係破壞了skynet/令佢無法出世, 咁就唔會有T-800出現, 無T-800出現就唔會可以去保護佢. 咁既然T-800出現是事實, 咁skynet都應該必然會出現吧~

alleelarry

粗人敵卡 發表於 2015-7-9 08:49
其實彩蛋嗰度
對劇情無乜幫助…

主要都係話你知一定有續集，同埋彩蛋好多時都係可有可無……

alleelarry

gashapon 發表於 2015-7-9 09:59
其實成件事可唔可以咁睇: 既然有T-800去保護sarah, 咁即係代表skynet一定會出現? 因為如果未來佢地係破壞了 ...

時空故事只要打開無限LOOP之門，要幾多就有幾多！？

MARVEL個邊查實都係咁上下，一個藉口就可以無限延續

freestylemen

現在應該好多要睇的已睇左吧，之後緊隨蟻俠
講返呢套，好多人自然同咁多集比，電影格局來說，4可以說是外傳，獨立來看，假如不是以未來戰士應該係點來評價佢，佢絕對係好睇（除了有些莫名其妙的劇情），主要都是果幾味，發展已扭曲了過往認知的未來（第三集已經玩了），局中局，不過純個人喜好，寫得John 卡樂b同Marcus 好好睇

回說今集，某程度上是按第三集再做一次，返回舊調子，想辦法阻止天網，同第三集一樣，欠缺了描寫人物，同時亦有好多無厘頭位，理論上應該不會知道1984 t會係果度出現，要讚的只是導演有熟讀頭兩集，好多場面分鏡都有向金導致敬，不過真係好低手，最後一幕t伯係地下爬，要取回佢件法寶，但跟t2熔爐取回榴彈槍相距甚遠，今集t伯我真係覺得佢幾似叮噹（新生代稱多拉a夢），一來是活字典，不斷講解會發生歷史，二來又不斷有新發明，時光機、武器，真係一絕

freestylemen

gashapon 發表於 2015-7-9 09:59
其實成件事可唔可以咁睇: 既然有T-800去保護sarah, 咁即係代表skynet一定會出現? 因為如果未來佢地係破壞了 ...

Ching所指出的正是t系有趣之處，前因後果，引人入勝，但是來到第三、五集仍然不斷重複，有點屈機，這就是為何外國影評差異極大的原因吧？反而我覺得4，marcus以為自己不是幫天網，偏偏天網是利用他，這種因由有點擺脫過往，所以我對4評價是高一點，呢集真係算合格罷了，合格在劇情去得快，間中爆下，可以算是爆谷片吧？（對我來說）

gashapon

freestylemen 發表於 2015-7-13 14:59
Ching所指出的正是t系有趣之處，前因後果，引人入勝，但是來到第三、五集仍然不斷重複，有點屈機，這就是 ...

我覺得要睇係相信邊一套"時空"的理論, 因為我之前睇過一個theory是解釋時空就好似一條好長的bread, 每一個時間就等於一塊方包咁. 其實時間已經是一早整好晒, 只係我地未經歷到, 所以未來的事其實早已發生, 唔存在改變與否. 我自己反而比較討厭"殺o左現在自己, 未來的自己就會突然消失了"呢個理論(eg looper結局) , 因為如果未來現在的自己死了, 咁未來的自己又點樣回到現在仲要消失呢? 即係發生了的事根本唔會發生了. (即成套電影其實無出現過...)

所以我自己覺得如果有T-800出現, 咁即係未來已經有skynet, 即係點都改變唔到吧.

其實我都好喜歡T4, 因為佢唔似T1-3咁只係再loop"T-XX回到過去追殺邊個"的橋. 可惜拍出來故事都係唔太完整. (加上d terminator太似變形金剛...) T5有少少玩"集體回憶咁", 將同樣的故事用另一方法講多次, 但唔係照copy而係有修改, 所以我都覺得有驚喜同有新意. 我自問唔係什麼影評家, 又唔會批評點先好睇, 總之入場睇, 覺得故事合理, 講到佢要講的故事, 唔會睇到一頭霧水就OK的了~

freestylemen

gashapon 發表於 2015-7-13 16:09
我覺得要睇係相信邊一套"時空"的理論, 因為我之前睇過一個theory是解釋時空就好似一條好長的bread, 每一 ...

Ching個麵包理論幾值得思考喎，即無論點都改變沖唔到要發生吧？都切合3、4、5，反而2的隱藏結局，莎拉老去咁就無戲唱了
其實大家吹下水又無話影唔影評，睇電戲同揀女友都好主觀，個人喜好，無人可以權威到可以替人代言既，話說回來，不過唔喜歡越黎越講到t神一樣了，過左火，咁勁，一個都難以消滅，更何況未來是一群...

gashapon

freestylemen 發表於 2015-7-13 16:26
Ching個麵包理論幾值得思考喎，即無論點都改變沖唔到要發生吧？都切合3、4、5，反而2的隱藏結局，莎拉老 ...

個麵包理論係我睇完intersteallar上網睇到的~ 大致上意思係時間由big bang果一下開始就向前推進, 直到完結. 但由於我地感受的時間速度關係, 因此我地只可以一步步一秒秒去經歷. 就好似當我係一個神, 我拍好了一套電影, 我當然知道整個流程係點, 不過電影中的人/睇電影的人就只能一秒秒咁去睇, 無得快鏡無得rewind. 只可以"play". 但拍好了的電影, 未睇到唔代表可以改劇情~

alleelarry

freestylemen 發表於 2015-7-13 11:37
現在應該好多要睇的已睇左吧，之後緊隨蟻俠
講返呢套，好多人自然同咁多集比，電影格局來說，4可以說是外傳 ...

最有趣以「老爸」外型出場，一來劇情雖要，但又能適配如今年長的前洲長，絕！